సందేహాలు - సమాధానాలు

సందేహాలు - సమాధానాలు

1.ప్రశ్న:

దాదాపు 6సం!! కాలం SGT గా పనిచేసి ప్రభుత్వంలోని వేరే శాఖకు ఎంపికై అక్కడ కూడా 2సం!! పనిచేసి తిరిగి పాత పోస్టులో చేరిన ఉపాధ్యాయునిగా 2సం!! సర్వీసును ఏ విధంగా లెక్కిస్తారు? ఇంక్రిమెంట్ ను AAS కి లెక్కిస్తారా?

జవాబు:

FR-26(i) ప్రకారం ప్రస్తుత పోస్టుపై 'Lien' కలిగియున్న ఉపాధ్యాయుడు, ప్రస్తుత పోస్టుకంటే తక్కువగాగాని పోస్టులో పనిచేసిన సర్వీసును ఇంక్రిమెంట్ కు లెక్కించవచ్చును. G.O.Ms.No.117,F&P, Dt:20-5-1981 ప్రకారం ఇంక్రిమెంట్ కు పరిగణింపబడే సర్వీసు అంతా AAS కు కూడా లెక్కించబడుతుంది. కాబట్టి సదరు 2సం!! ఇతర పోస్టు సర్వీసు AAS నకు కూడా లెక్కించబడుతుంది.

2.ప్రశ్న:

ఒక ఉపాధ్యాయుడు డిసెంబర్ 15 నుండి 19 వరకు వైద్య కారణాలపై కమ్యూటెడ్ సెలవు వినియోగించుకుంటున్నాడు. అయితే 13,14వ తేదీలు రెండవ శనివారం, ఆదివారం ఉన్నాయి. అవి కూడా కమ్యూటెడ్ సెలవుగా పరిగణించాలా?

జవాబు:

ఆర్ధిక శాఖ Memo.No.86595/1210/FR-1/7 తేది:29-5-1981 మరియు FR-68 ప్రకారం ఏ రకమైన ఆకస్మికేతర సెలవు కైనా ముందు లేదా వెనుక వున్న ప్రభుత్వ సెలవు దినాలు ప్రీఫిక్స్/సఫిక్స్ చేసి వినియోగించుకోవడానికి అనుమతించబడతాయి. అయితే G.O.Ms.No.319 F&P తేది:18-12-1981 ప్రకారం వైద్య కారణాలపై వినియోగించుకున్న సెలవుకు ముందు, వెనుక ఉన్నప్రభుత్వ  సెలవులను మినహాయించి పనిదినాల కాలానికి మాత్రమే వైద్య ధ్రువపత్రాలు A,B లు వుండాలి.               

3.ప్రశ్న:

నేను సర్వీసులో చేరిన తేది.20.11.1996. నా వార్షిక ఇంక్రిమెంట్ నవంబర్ లో ఉన్నది. నేను 20 రోజులు జీత నష్టపు సెలవు పెట్టాను. నా ఇంక్రిమెంట్ నవంబర్ లో ఇవ్వాలా? డిసెంబర్ లో ఇవ్వాలా?

జవాబు:

 జి.ఓ.133; తేది.13.05.1974 ప్రకారం జీత నష్టపు సెలవు పెట్టినప్పుడు ఒకటవ తేది నుండే లెక్కించి ఇంక్రిమెంట్ వాయిదా వేయవలసి ఉంటుంది. మీరు 20 రోజులు సెలవు పెట్టినందున నవంబర్ 20 కి వాయిదా వేయాలి. నెల మధ్యలో ఇంక్రిమెంట్ ఉండదు కాబట్టి నవంబర్ ఒకటవ తేదీనే మీ వార్షిక ఇంక్రిమెంట్ కొనసాగుతుంది.

4. ప్రశ్న:

మూడు నెలల్లో నేను పదవీ విరమణ చేయబోతున్నాను. నెలకు వచ్చే బేసిక్‌ పింఛనులో మూడో వంతు కమ్యుటేషన్‌ చేసుకుంటే రూ.7,11,591 వస్తాయి. కానీ, నెలకు వచ్చే పింఛను రూ.8,581ని 15 ఏళ్లపాటు తగ్గిస్తారు. 15 ఏళ్ల తర్వాత కమ్యుటేషన్‌ కారణంగా తగ్గిన పింఛనును పునరుద్ధరించి పూర్తి పింఛను చెల్లిస్తారు. దీన్ని వినియోగించుకొని ముందే డబ్బు తీసుకోవడం మంచిదేనా?

జవాబు:

పింఛనులో బేసిక్‌, కరువు భత్యం అని రెండు భాగాలు ఉంటాయి. 15 ఏళ్లలో అందుకునే బేసిక్‌ పింఛను మొత్తాన్ని కొంత డిస్కౌంటుతో పదవీ విరమణ చేసేప్పుడు తీసుకోవచ్చు. దీన్ని కమ్యుటేషన్‌ అంటారు. ప్రభుత్వ, ప్రభుత్వ రంగ ఉద్యోగులు 15 ఏళ్ల పింఛనను ముందుగానే తీసుకోవడం లాభదాయకమా? కాదా అన్నది తెలియాలంటే కొన్ని లెక్కలు తెలియాలి. కమ్యుటేషన్‌ వల్ల ఈ పింఛను రూ.8,581 తగ్గుతుంది. దీంతో వచ్చిన రూ.7,11,591లను సీనియర్‌ సిటిజన్‌ సేవింగ్‌ స్కీంలో దాచుకుంటే మూడు నెలలకు ఒకసారి రూ.14,765 వరకూ వస్తాయి. కమ్యుటేషన్‌ వల్ల నెలకు మీకు అందే మొత్తం రూ.3,659 తగ్గిపోతుంది. కానీ, గడువు తర్వాత మీ అసలు మీ చేతికి వస్తుంది. కమ్యుటేషన్‌ చేస్తే వచ్చిన రూ.7,11,591 ను 13శాతం రాబడి వచ్చే యాన్యుటీ పథకంలో పెట్టుబడి పెడితే నెలకు రూ.8,581 వస్తాయి. 15ఏళ్ల తర్వాత మీ చేతికి ఏమీ రాదు. అంటే కమ్యుటేషన్‌తో వచ్చిన డబ్బును కనీసం 13శాతం రాబడి వచ్చే మార్గంలో మదుపు చేయగలిగితేనే దీన్ని ఎంచుకోవాలి. పదవీ విరమణ తర్వాత నెలకు వచ్చే ఆదాయం తగ్గుతుంది. కమ్యుటేషన్‌ చేసి మీ ఆదాయాన్ని మరో రూ.3,659 తగ్గించుకోవడం కంటే ఎక్కువ పింఛను తీసుకోవడమే మంచిది. పదవీ విరమణ తర్వాత గ్రాట్యుటీ, మిగిలిన సెలవుల జీతం, ప్రావిడెంట్‌ ఫండ్‌ రూపంలో భారీ మొత్తం చేతికి వస్తుంది. ఈ డబ్బును అనారోగ్య అవసరాలకు అత్యవసర నిధిగా పెట్టుకోవచ్చు. ఇవేవీ లేకుండా కేవలం పింఛను మాత్రమే వచ్చేవారు కమ్యుటేషన్‌ ద్వారా వచ్చిన మొత్తాన్ని అనారోగ్య అవసరాలకు అత్యవసర నిధిగా దాచుకోవచ్చు.

5. ప్రశ్న:

నేను డిగ్రీలో జువాలజీ, డైరి సైన్స్ మరియు కెమిస్ట్రీ మరియు బిఇడిలో బయాలజీ, తెలుగు మెథడాలజీలను కలిగి ఉన్నాను. నేను స్కూల్ అసిస్టెంట్ (బయాలజీ) ప్రమోషన్ కు అర్హుడనేనా?

జవాబు:

 జి.ఓ.ఎం.ఎస్ నం.12 విద్య; తేది.23.01.2009 ప్రకారం స్కూల్ అసిస్టెంట్ (బయాలజీ) గా పదోన్నతి పొందాలంటే డిగ్రీలో బోటనీ మరియు జువాలజీ చదివి ఉండాలి.

సందేహాలు - సమాధానాలు

సందేహాలు - సమాధానాలు

ప్రశ్న:

ఒక ఉద్యోగి డిస్మిస్ ఐతే అతను ఏమి కోల్పోతాడు?

జవాబు:

రూల్ 24 ప్రకారం పెన్షన్ బెనిఫిట్ లురావు.ఐతే రూల్ 40 ప్రకారం అతను రిటైర్మెంట్ అయి ఉంటే వచ్చే పెన్షన్, గ్రాట్యుటీ లలో 2/3వ వంతు ప్రత్యేక పరిస్థితి లలో మంజూరు చేయవచ్చు.

•••••••••

ప్రశ్న:

స్పెషల్ CL ఎన్ని రోజులు వరుసగా వాడుకోవచ్చు?

జవాబు:

ఆదివారం మరియు సెలవు దినాలతో కలిపి మొత్తం 7 రోజులకి మించకూడదు.

•••••••••

ప్రశ్న:

మహిళా ఉద్యోగి గర్భసంచి తొలగింపు ఆపరేషన్ చేయించుకున్నచో ఆమెకు స్పెషల్ CL లు ఏమైనా ఇస్తారా?

జవాబు:

జీఓ.52 ; తేదీ:1.4.2011 ప్రకారం మహిళా ఉద్యోగులకి సివిల్ సర్జన్ రికమండేషన్ పై 45 రోజులు ప్రత్యేక సెలవు ఇవ్వవచ్చు.

•••••••••

ప్రశ్న:

CCL ఒకేసారి వాడుకోవచ్చా?

జవాబు:

మెమో.13112 ; తేదీ: 1.3.58 ప్రకారం CCL లు ఒకేసారి 7 రోజులకి మించి నిల్వ ఉండకూడదు.1 ఇయర్ లో 10 రోజులకి మించి వాడుకోకూడదు.

మున్నాళ్ళ ముచ్చట - షేక్ రంజాన్

*మున్నాళ్ళ ముచ్చట*

        ..........................

అడవులు నరుకుడాయా

భూఖబ్జాలు ఎక్కువాయా

ఫ్యాక్ట్రీలు కట్టుడాయా

రియలెస్టేట్ ఎక్కువాయా

కొండ గుట్టలు దోచుడాయా

ఖనిజాలు తీచుడాయా

కార్పొరేట్లు ఎక్కువాయా

చెట్లు కొండలు లేకపాయా

మేఘాలు ఏర్పడవాయా

వర్షాలు లేకపాయా

ఎండలు ఎక్కువాయా

జీవరాసులు బతకవాయా

చెట్లు చేమలు లేకపాయా

నీరు నేల కలుషితమాయా

పాడి పంటలు రుచులుపాయా

వన్యప్రాణులు లేకపాయా

ప్రకృతి అందాలు లేకపాయా

మానవ నిర్మితాలాయా

అరగవాయా

కరగవాయా

భవిష్యత్ లేకపాయా 

మున్నాళ్ళ ముచ్చటాయా

          *పర్యావరణాన్ని*

 కాపాడుకుందాం.... పరిరక్షించుకుందాం....🌱🌹

                       షేక్ రంజాన్

మూడింటినీ నిలువుగానూ, అడ్డంగానూ చదివి చూడండి.

మూడింటినీ నిలువుగానూ, అడ్డంగానూ చదివి చూడండి. ఎట్లా చదివినా అవే పదాలు వస్తున్నాయి చూడండి!

స మ త

మ జ్జి గ

త గ ము

కం చ ము

చ క్కె ర

ము ర ళి

క్షీ ర ము

ర వ్వ లు

ము లు కు

కా ను పు

ను వ్వు లు

పు లు లు

కా ర ము

ర గ డ

ము డ త

స మ త

మ ర ల

త ల పు

త మ కం

మ ర్యా ద

కం ద కం

పొ ల ము

ల లి త

ము త క

ధ న ము

న వ్య త

ము త క

వ ర స

ర వి క

స క లం

హి మ జ

మ న ము

జ ము న

క వి త

వి న ల

త ల క

కో వె ల

వె న్నె ల

ల ల న

మ న సు

న య నం

సు నం ద

ది న ము

న గ రి

ము రి కి

టో క రా

క వ్వ ము

రా ము డు

చ దు వు

దు ర ద

వు ద కం

ప్ర వే శం

వే ది క

శం క రం 

తెలుగు భాష గొప్పదనం చూశారా...!

*గణిత పదనిసలు.... 🧮*

*గణిత పదనిసలు.... 🧮*

⭕6 బయట 7 స్తూ కూర్చోకు!

⭕లెక్కలు అర్ధం కాకుంటే 7 పొస్తుంది.

⭕100న రావు ఎలా ఉన్నాడు??

⭕గురువులకు 100 నం చేద్దాం!

⭕1/2 టి కాయ బజ్జీలు బాగా రుచిగా ఉంటాయి.

⭕ఈ రోజు మా కూర 1/2 టి కాయ వేపుడు.

 ⭕కూరలో కారం తక్కువ 1000.

⭕10 కాలాల పాటు చల్లగా ఉండాలి.

⭕చెడువ్యసనాలతో ఆయువు 3 తుంది.

⭕పెళ్లికూతురు 100000 ణంగా ఉంది.

⭕పై 1/2 లో 1/4 రం ఉన్నది…

** ఏం మిగిలింది ? - శ్రీ గంజి దుర్గాప్రసాద్ **

** ఏం మిగిలింది ?**

ఏం మిగిలింది?

అత్మగౌరవ పోరులో 

గానుగెద్దు బానిసత్వం తప్ప!

బలిదానాల పునాదులపై

తిష్టవేసిన చుట్టంలా

అధికార భూతం

నినాదాలతో మారుమోగిన

మనోభావాల గొంతుకలు

పచ్చినిజాల పల్లెరుకాయలను

కక్కలేక మింగలేక...

అబద్ధాల భూతద్దంలో

వాపును బలుపుగా భ్రమింపజేస్తూ

అప్పుల సత్తుచిప్పకు

బంగారం కోటింగ్.

గళమెత్తిన కలం కుత్తుకలు

అంక్షల అడకత్తెరల్లో నలుగుతు...

వెలకట్టి కళ ను అమ్ముకుంటూ కొందరు

కళ ను నమ్ముకొని కలలు కల్లలై ఎందరో 

పట్టాలపై నిలిచిపోయిన పొగబండ్లలా

గమ్యం తెలియని

డిగ్రీ,పిజి,PHD పట్టాలు 

ఆవేదన అక్రోషాల సెగలతో రగిలిపోతు...

కడుపునింపని

బెల్లం మాటలు

భరోసాల బూరెలు 

ఇకచాలు.

మరొక్కసారి..,

ముప్పిరిగొన్న ఉప్పెనలు ముంచెత్తాలి

తిరుగుబాటు భూకంపాలు కదం తొక్కాలి

అసంతృప్త అగ్నిపర్వతాలుబ్రద్ధలు కావాలి.

                                           గంజి.దుర్గాప్రసాద్

                                             9885068731

సందేహం - సమాధానం

సందేహం - సమాధానం

ప్రశ్న:

మా పాఠశాలలో తాత్కాలికంగా పనిచేయుచున్న అటెండర్ కు ఎన్ని సంపాదిత సెలవులు మంజూరు చేయాలి ?

సమాధానం:

మూడు రోజులు

ప్రశ్న:

ప్రస్తుతం చాలా మంది రిటైరైన ఉపాధ్యాయులు హాఫ్- పే- లీవ్స్ నిల్వయున్ననూ ఆ లీవ్ ఎన్ క్యాష్ చేయుట లేదు. దానికి సంబంధించిన లేటెస్ట్ రూల్స్ తెలుపగలరు.

సమాధానం:

1) జీ.వో.ఎం.ఎస్.నెం.342, ఫైనాన్స్ అండ్ ప్లానింగ్, తేదీ: 30.09.94,

2) జీ.వో.ఎం.ఎస్.నెం.234, ఫైనాన్స్ అండ్ ప్లానింగ్, తేదీ: 27.10.98,

3) మెమో. నెం. 49578/905/ఎఫ్.ఆర్.ఐ, - ఎ2/98, ఫైనాన్స్ డిపార్ట్మెంట్, తేదీ: 23.02.99. ఇవి హాఫ్-పే-లీవు అమ్మకానికి వచ్చిన జీ.వో.లు

ప్రశ్న:

లెప్రసీ, క్యాన్సర్, క్షయ మొదలగు వ్యాధులకు జీతంపై సెలవులు ఇస్తారని విన్నాను. వివరించండి?

సమాధానం:

ఔను. జీ.వో.ఎం.ఎస్.నెం.349, ఫైనాన్స్ అండ్ ప్లానింగ్, తేదీ: 16.12.1980 మేరకు పై వ్యాధులతో బాధపడేవారికి 6 మాసాలు జీతంతో కూడిన సెలవుకు అర్హత ఉంది.

ఏంచేయను...! - శ్రీ గంజి దుర్గాప్రసాద్

***** ఏంచేయను...! ******

కరోనా కష్టకాలంలో

ఇంటామె చేసిన

ఇష్టమైన వంటకాల రుచులను

ఆస్వాదిస్తు ఆరగిస్తు

ప్రశంసలు విమర్శలు చేసే

పనిలో బిజీగా...

ప్రశంసలకు పరవశిస్తు

కొసరి కొసరి

వడ్డింపులు

విమర్శలకు..

గిట్లనే చేస్తాం

ఇష్టముంటే తిను

లేదంటే ఊర్కోమంటూ

కసుర్లు విసుర్ల హెచ్చరికలు

జారీచేస్తూ...

నేనో..

జిహ్వాచాపల్యపు బూకరిబుచ్చిగాన్ని

రుచి చూసిన ప్రతీపదార్థం

గుణదోషాలు వ్యాఖ్యానం చేయందే

ఉండలేని నోటిదురద

ముద్ద తిని మూలన కూచొని

కలంతో కవితలు రాసుకొనక

ఎందుకీ పాకశాస్త్ర సమీక్ష.

పాపం ఆమెకు..

వంటావార్పుల్లో చేతనైన సహాయం

చేయకపోగా

కనీసం పొగడ్తల కూత సాయమైనా

చేతగాక 

ఉన్నదున్నట్లు వాగేస్తాను.

ఏంచేయను!

చపలత్వపు నాలుక

చెప్పిన మాటవినదు.

మూతికి ముసుగేస్తే సరిపోతుందా

నాలికకు లాక్ డౌన్ చేయాలి కదా!

ఇప్పుడు

రాత్రింబగళ్ళు తేడాలేదు

చేసేదేమిలేనపుడు

కూచొనితినడమేగ

కానీ! కూచొనితింటే

పిలుపుల మర్యాదల్లో కూడ

తేడాలొస్తున్నాయ్.

బహువచనాలు కాస్త

బక్కచిక్కి

ఏకవచనాలుగా

నామవాచకాలుగా

రూపాంతరం చెందుతున్నాయి.

రోజులతరబడి

బూజుపట్టిన వస్తువులన్నీ

అనివార్యపు శ్రమదానంతో

నిగనిగలాడుతున్నాయి.

విరహవేదన భరించలేని

పాత అలవాట్లన్నీ

కాంక్షతో రగిలిపోతు

కసిగా బుసకొడ్తున్నాయి.

మనకిప్పుడు..

పచ్చీసులు,అష్టాచెమ్మలు,అంత్యాక్షరులే

అక్కచెల్లెండ్లు అన్నదమ్ముండ్లు.

సినిమాలు,సీరియళ్ళు

సెల్ ఫోన్లే - సోపతిగాండ్లు

నాలుగుగోడలు బాడీగార్డులు.

  ఏంచేయాలి!

ఏమీ చేయోద్దు

ఇది కరోనా కలికాలమని

సరిపెట్టుకో

కాదంటే

ఇల్లు గడవటం

ఇంట్లో గడపటం

కష్టమైతది.

                              గంజి.దుర్గాప్రసాద్

                                      వలిగొండ

                                9885068731

భూమి కొలతలు పదాలు వివరణ

ముఖ్యంగా రైతులకు మరియు భూమికొనే వారికి..

1) ఒక ఎకరాకు =  40 గుంటలు 

2) ఒక ఎకరాకు =  4840  Syd

3) ఒక ఎకరాకు =  43,560  Sft

4) ఒక గుంటకు =  121  Syd

5) ఒక గుంటకు =  1089 Sft

6) ఒక Square yard కు 3 x 3 = 09 sft

7) 121 x 09  =  1089  Sft

8) 4840 Syd x 09 =  43,560 Sft

9) ఒక  సెంట్ కి    =   48.4  Syd 

10) ఒక సెంటు కి   =   435.6  Sft

గ్రామ కంఠం :

గ్రామంలో నివసించేందుsకు కేటాయించిన భూమిని గ్రామ కంఠం అంటారు. 

ఇది గ్రామానికి చెందిన ఉమ్మడి స్థలం. ఇందులో ప్రభుత్వ సమావేశాలు, సభలు కూడా ఏర్పాటు చేసుకోవచ్చు. 

గ్రామ కంఠం భూ వివరాలు పంచాయతీ రికార్డుల్లో ఉంటాయి.

అసైన్డ్‌భూమి :

 భూమిలేని నిరుపేదలు సాగు చేసుకునేందుకు,, ఇండ్లు నిర్మించుకునేందుకు ప్రభుత్వం మంజూరు చేసిన భూమి. 

దీనిని వారసత్వ సంపదగా అనుభవించాల్సిందే తప్ప ఇతరులకు అమ్మడం, బదలాయించడం కుదరదు.

ఆయకట్టు :

 ఒక నీటి వనరు కింద సాగయ్యే భూమి మొత్తం విస్తీర్ణాన్ని ఆయకట్టు అంటారు.

బంజరు_భూమి (బంచరామి) :

 గ్రామం, మండల పరిధిలో ఖాళీగా ఉండి ప్రజావసరాల కోసం ప్రభుత్వం నిర్దేశించిన భూమి. దీనిని రెవెన్యూ రికార్డుల్లో ప్రత్యేకమైన  గుర్తులతో సూచిస్తారు.

అగ్రహారం :

 పూర్వకాలంలో బ్రాహ్మణులకు శిస్తు లేకుండా తక్కువ శిస్తుతో ఇనాంగా ఇచ్చిన గ్రామం లేదా అందులోని కొంత భాగాన్ని అగ్రహారం అంటారు...

దేవళ్‌ ఇనాం :

 దేవాలయ ఇనాం భూమి.. దేవాలయాల నిర్వహణ కోసం పూజారుల పేరునగానీ, దేవాలయం పేరున కేటాయించిన భూమి ఇది... 

అడంగల్‌ (పహాణీ) :

 గ్రామంలోని సాగు భూముల వివరాలు నమోదు చేసే రిజిస్టర్‌ను అడంగల్‌  (పహాణీ) అంటారు. ఆంధ్ర ప్రాం తంలో అడంగల్‌ అనీ, తెలంగాణలో పహాణీ అని కూడా  పిలుస్తారు.. 

భూమికి సంబంధించి చరిత్ర మొత్తం ఇందులో ఉంటుంది. భూముల కొనుగోలు,, అమ్మకాలు, సాగు చేస్తున్న పంట వివరాలు ఎప్పటికి అప్పుడు ఇందులో నమోదు చేస్తారు..

తరి : 

సాగు భూమి.

ఖుష్కీ : 

మెట్ట ప్రాంతం.

గెట్టు :

 పొలం హద్దు

కౌల్దార్‌ : 

భూమిని కౌలుకు తీసకునేవాడు.

కమతం : 

భూమి విస్తీర్ణం

ఇలాకా : 

ప్రాంతం

ఇనాం : 

సేవలను గుర్తించి ప్రభుత్వం ఇచ్చే భూమి.

బాలోతా ఇనాం :

 భూమిలేని నిరుపేద దళితులకు ప్రభుత్వం ఇచ్చే భూమి.

సర్ఫేఖాస్‌ : 

నిజాం నవాబు సొంత భూమి.

సీలింగ్‌ : 

భూ గరిష్ఠ పరిమితి

సర్వే నంబర్‌ : 

భూముల గుర్తింపు కోసం కేటాయించేది.

నక్షా : 

భూముల వివరాలు తెలిపే చిత్రపటం.

కబ్జాదార్‌ : 

భూమిని తన ఆధీనంలో ఉంచుకుని అనుభవించే వ్యక్తి.

ఎన్‌కంబరెన్స్‌ సర్టిఫికెట్‌ (EC) :

 భూ స్వరూపాన్ని తెలియజేసే ధ్రువీకరణ పత్రం. 

32 సం,, ల లోపు  ఓ సర్వే నంబర్‌ భూమికి జరిగిన లావాదేవీలను తెలియజేసే దాన్ని EC  అంటారు.

ఫీల్డ్‌ మెజర్‌మెంట్‌ (FMB) బుక్‌ :

 దీన్నే ఎఫ్‌ఎంబీ టీపన్‌ అని కూడా అంటారు. గ్రామ రెవెన్యూ రికార్డుల్లో ఎఫ్‌ఎంబీ ఒక భాగం. ఇందులో గ్రామంలోని అన్ని సర్వే నంబర్లు, పట్టాలు, కొలతలు ఉంటాయి.

బందోబస్తు :

 వ్యవసాయ భూములను సర్వే చేసి వర్గీకరణ చేయడాన్ని బందోబస్తు అంటారు.

బీ మెమో :

 ప్రభుత్వ భూమిని ఆక్రమించుకుని సాగు చేసుకుంటున్న వ్యక్తి శిస్తు, జరిమానా చెల్లించాలని ఆదేశించే నోటీస్‌ను బీ మెమో అంటారు.

పోరంబోకు :

 భూములపై సర్వే చేసే నాటికి సేద్యానికి పనికిరాకుండా ఉన్న భూములు. ఇది కూడా ప్రభుత్వ భూమే.

ఫైసల్‌ పట్టీ :

 బదిలీ రిజిస్టర్‌

చౌఫస్లా :

 ఒక రెవెన్యూ గ్రామంలో ఒక రైతుకు ఉన్న వేర్వేరు సర్వేనంబర్ల భూముల పన్ను ముదింపు రికార్డు.

డైగ్లాట్‌ :

 తెలుగు, ఇంగ్లీష్  భాషల్లో ముద్రించిన శాశ్వత రిజిస్టర్‌.

విరాసత్‌/ఫౌతి :

 భూ యజమాని చనిపోయిన తర్వాత అతడి వారసులకు భూమి హక్కులు కల్పించడం.

కాస్తు :

 సాగు చేయడం

మింజుములే :

 మొత్తం భూమి.

మార్ట్‌గేజ్‌ :

 రుణం కోసం భూమిని కుదవపెట్టడం.

మోకా :

 క్షేత్రస్థాయి పరిశీలన(స్పాట్‌ఇన్‌స్పెక్షన్‌).

పట్టాదారు పాస్‌ పుస్తకం :

 రైతుకు ఉన్న భూమి హక్కులను తెలియజేసే పుస్తకం.

టైటిల్‌ డీడ్‌ :

 భూ హక్కు దస్తావేజు, దీనిపై ఆర్డీవో సంతకం ఉంటుంది.

*ROR  (రికార్డ్స్‌ ఆఫ్‌ రైట్స్‌) :

 భూమి యాజమాన్య హక్కుల రిజిస్టర్‌.

RSR  :

 రీ సెటిల్‌మెంట్‌ రిజిస్టర్‌ లేదా శాశ్వత ఏ రిజిస్టర్‌.

పర్మినెంట్‌ రిజిస్టర్‌ :

 సర్వే నంబర్ల వారీగా భూమి శిస్తులను నిర్ణయించే రిజిస్టర్‌. 

సేత్వార్‌ :

 రెవెన్యూ గ్రామాల వారీగా మొదటి సారి చేసిన భూమి సర్వే వివరాలు,, పట్టాదారుల వివరాలు తెలిపే రిజిస్టర్‌. 

ఇది 1953 దాకా అమలులో ఉంది. తర్వాత ఖాస్రా పహాణీ అందుబాటులోకి వచ్చింది..

సాదాబైనామా :

 భూ క్రయ విక్రయాలకు సంబంధించి తెల్లకాగితంపై రాసుకొనే ఒప్పంద పత్రం.

దస్తావేజు :

 భూముల కొనుగోళ్లు, అమ్మకాలు, కౌలుకు ఇవ్వడం లాంటి ఇతరత్ర లావాదేవీలను తెలియజేసే పత్రం.

ఎకరం :

 భూమి విస్తీర్ణం కొలమానం. 4840 చదరపు గజాల స్థలంగానీ, 100 సెంట్లు (ఒక సెంటుకు 48.4 గజాలు)గానీ, 40గుంటలు (ఒక గుంటకు 121 గజాలు)ను ఎకరం అంటారు. ఆంధ్రా ప్రాంతంలో సెంటు, తెలంగాణలో గుంట అని అంటారు.

అబి :

 వానకాలం పంట.

ఆబాది :

 గ్రామకంఠంలోని గృహాలు లేదా నివాస స్థలాలు.

అసైన్‌మెంట్‌ :

 ప్రత్యేకంగాకేటాయంచిన భూమి.

శిఖం :

 చెరువు నీటి నిల్వ ఉండే ఏరియా విస్తీర్ణం.

బేవార్స్‌ :

 హక్కుదారు ఎవరో తెలియకపోతే దాన్ని బేవార్స్‌ భూమి అంటారు.

దో ఫసల్‌ :

 రెండు పంటలు పండే భూమి.

ఫసలీ :

 జులై 1నుంచి 12 నెలల కాలాన్ని ఫసలీ అంటారు.

నాలా :

 వ్యవసాయేతర భూమి.

ఇస్తిఫా భూమి :

 పట్టదారు స్వచ్ఛందంగా ప్రభుత్వ పరం చేసిన భూమి.

ఇనాం దస్తర్‌దాన్‌ :

 పొగడ్తలకు మెచ్చి ఇచ్చే భూమి.

ఖాస్రాపహానీ :

 ఉమ్మడి కుటుంబంలో ఒక వ్యక్తి పేరుమీద ఉన్న భూ రికార్డులను మార్పు చేస్తూ భూమి పట్టా కల్పించిన పహాణీ.

గైరాన్‌ :

 సామాజిక పోరంబోకు

యేక్‌రార్‌నామా :

 ఇరు గ్రామాల పెద్దల నుంచి సర్వేయర్‌ తీసుకునే గ్రామాల ఒప్పందం.... 

దవాఖానాలు దగాఖానాలాయా

దవాఖానాలు దగాఖానాలాయా

,........................................

కట్టే కొట్టుడు లేదాయా

పోయీలో కట్టే లేకపోయా

ఉదుడే లేదాయా

శ్వాస లేకపోయా

శ్రమ లేదాయా

నిరోధిక శక్తి తగ్గుడాయా

దవాఖానాలు 

దగాఖానాలాయా

ఇంట్లో మార్బులాయా

చుట్టూ మూసుడాయా

ఏసీలో ఉండుడాయా

విటమిన్ అందకపోయా

శ్రమ లేదాయా

నిరోధక శక్తి తగ్గుడాయా

దవాఖానాలు 

 దగాఖానాలాయా

అడుగుబైటికాయా

బండి ఎక్కుడాయా

తిరుగుడు ఎక్కువాయా

అడుగు వేయరాయా

నిలబడరాయా 

కూర్చోని పనులాయా

శ్రమ లేదాయా

నిరోధక శక్తి తగ్గుడాయా

దవాఖానాలు

దగాఖానాలాయా

నీళ్లు చెదేది లేదాయా

మోసుడు లేకపోయా

స్విచ్ వేసుడాయా

ట్యాప్ తిప్పుడాయా

బకెట్ పట్టడాయా

శ్రమ లేదాయా

నిరోధిక శక్తి తగ్గుడాయా

దవాఖానాలు

దగాఖానాలాయా

                         షేక్ రంజాన్

సందేహాలు - సమాధానాలు

సందేహాలు - సమాధానాలు

1 ప్రశ్న:

మెడికల్ లీవ్ తో కలిసి మెటర్నటీ లీవ్ వాడుకోవచ్చా?

జవాబు:

జీఓ.2391 తేదీ:3.10.1960 ప్రకారం వైద్య కారణాలపై ఏ ఇతర సెలవు నైనా ప్రసూతి సెలవుతో కలిపి వాడుకోవచ్చు. కాబట్టి ఈ జీఓ ను అనుసరించి మెడికల్ లీవ్ తో కలిపి మెటర్నటీ లీవ్ వాడుకోవచ్చు.

2 ప్రశ్న:

పాస్ పోర్టు కోసం no objection certificate ఎవరి నుండి తీసుకోవాలి?

జవాబు:

DSE కార్యాలయం నుండి NOC తీసుకోవాలి.నిర్ణీత నమూనాలో HM/MEO ల నుండి DEO ద్వారా DSE కి దరఖాస్తు చేసుకోవాలి.నమూనా దరఖాస్తులు DEO కార్యాలయంలో లభిస్తాయి.

3 ప్రశ్న:

నేను sgt గా చేస్తున్నాను. తర్వాత ssc, డిగ్రీ పూర్తి చేశాను. నాకు SA గా పదోన్నతి ఇస్తారా?

జవాబు:

జీఓ.38 తేదీ:19.11.14 ప్రకారం ఉన్నత అర్హతలు పొందిన తరువాత ssc పాస్ అయితే పదోన్నతి కి అర్హత ఉండదు.

4 ప్రశ్న:

ఐటీ లో విరాళాలు కింద ఆదాయం నుంచి ఎంత మినహాయించుకోవచ్చు?

జవాబు:

సీఎం/పీఎం సహాయనిది కి చెల్లించే మొత్తం 100% కు, అనుమతించిన మత/స్వచ్ఛంద సంస్థలకి ఇచ్చిన విరాళాలు లో 50% వరకు 80G కింద ఆదాయం నుండి మినహాయింపు లభిస్తుంది.

5 ప్రశ్న:

నేను SA క్యాడర్ లో 24 సంవత్సరంలు సర్వీసు పూర్తి చేసాను. నేను HM పదోన్నతి రిలింక్విష్ చేయలేదు. నేను 24 ఇయర్స్ స్కేల్ పొందవచ్చా?

జవాబు:

డిపార్ట్మెంట్ టెస్ట్ లు పాస్ ఐతే 24 ఇయర్స్ స్కేల్ పొందవచ్చు.

6 ప్రశ్న:

నేను SA ను.నేను ఇంటర్మీడియట్ లో సెకండ్ లాంగ్వేజ్ కింద సంస్కృతం చేసాను. డిగ్రీ లో సెకండ్ లాంగ్వేజ్ కింద తెలుగు చదివాను. నేను HM గా పదోన్నతి పొందాలి అంటే లాంగ్వేజ్ టెస్టులు పాస్ కావాలా?

జవాబు:

జీఓ.10 తేదీ:23.01.2009 ప్రకారం లాంగ్వేజ్ టెస్టులు పాస్ కావాల్సిన అవసరం లేదు.

7 ప్రశ్న:

సీనియర్ స్టెప్ అప్ తీసుకున్న తర్వాత జూనియర్ SPP-1A స్కేల్ తీసుకోవటం వల్ల సీనియర్ కంటే ఎక్కువ వేతనం పొందుతున్నాడు. ఇపుడు సీనియర్ మరల స్టెప్ అప్ చేసుకొనే వీలు ఉన్నదా?

జవాబు:

వీలు లేదు. స్టెప్ అప్ నిబంధనలు ప్రకారం సీనియర్ ఒకసారి మాత్రమే స్టెప్ అప్ చేసుకొనే వీలు ఉన్నది.

8 ప్రశ్న:

నేను ZPHS లో జూనియర్ అసిస్టెంట్ గా పనిచేస్తున్నాను. స్కూల్ అసిస్టెంట్ కి ఉండవలసిన అర్హతలు అన్నీ కలిగి ఉన్నాను. నాకు స్కూల్ అసిస్టెంట్ గా పదోన్నతి ఇస్తారా?

జవాబు:

అవకాశం లేదు.

9 ప్రశ్న:

నా భార్య CPS ఉద్యోగి. ఆమె మరణించారు. ఇపుడు నేను ఏమి చేయాలి?

జవాబు:

CPS లో ఉన్న డబ్బులు కోసం 103--జీడీ ఫారం పూర్తి చేయాలి. సంబంధిత పత్రాలు జతపరచి DDO ద్వారా ట్రెజరీకి పంపాలి. వీరు వాటిని PRA ముంబై కి పంపాలి. వారు పరిశీలించి, మీ ఖాతాలో డబ్బులు జమ చేస్తారు.

10 ప్రశ్న:

వేసవి సెలవుల్లో పాఠశాల విధులు నిర్వహించటానికి జూనియర్ అసిస్టెంట్ లేకపోతే ఎవరిని నియమించాలి?

జవాబు:

ఆ స్కూల్లో సీనియర్ ఉపాధ్యాయునికి ముందు అవకాశం ఇవ్వాలి.

11 ప్రశ్న:

నేను, మరొక టీచర్ ఇద్దరం ఒకేసారి స్కూల్ అసిస్టెంట్లుగా పదోన్నతి పొందాము. HM పదోన్నతికి మా ఇద్దరిలో ఎవరు సీనియర్?

జవాబు:

Rc. No.142 తేదీ:11.8.2011 ప్రకారం SGTలో సీనియర్ ఐన ఉపాధ్యాయుడు ఎస్ఏ లో సీనియర్ అవుతాడు. వారికే ముందు HM పదోన్నతి వస్తుంది.

12 ప్రశ్న:

కొత్తగా ఉద్యోగంలో చేరే వ్యక్తి సెలవు రోజు జాయిన్ అవ్వవచ్చా?

జవాబు:

ఖచ్చితంగా వర్కింగ్ డే నాడే చేరాలి.

13 ప్రశ్న:

ఒక టీచర్ జులై నుంచి డిసెంబర్ వరకు ప్రసూతి సెలవులో ఉన్నారు. అక్టోబర్ నెలలో ఇంక్రిమెంట్ కలదు. ఇస్తారా?

జవాబు:

ఇంక్రిమెంట్ తేదీ నుంచి సెలవులో ఉన్నప్పుడు సెలవు అనంతరం విధులలో చేరిన తేదీ నుంచి మాత్రమే ఆర్ధిక లాభం వచ్చేవిధంగా ఇంక్రిమెంట్ మంజూరు చేయబడుతుంది.

14 ప్రశ్న:

అర్ధ జీతపు సెలవు ఎన్ కాష్ మెంట్ ఎలా?

జవాబు:

జీఓ.148 తేదీ:21.8.2017 న ఆర్ధిక శాఖ విడుదల చేసిన ఉత్తర్వులు ప్రకారం రిటైర్మెంట్ అనంతరం ఎరెoడ్ లీవ్ మరియు అర్ధ జీతపు సెలవు కలిపి 300 రోజులకి ఎన్ క్యాష్  చేసుకోవచ్చు.

సందేహాలు - సమాధానాలు

సందేహాలు - సమాధానాలు

ప్రశ్న:

అడ్మిషన్ రిజిస్టర్ లో కులం, పుట్టిన తేదీ, తల్లి తండ్రులు పేర్లు మార్చవచ్చా?

జవాబు:

తల్లి తండ్రులు కోరిక మేరకు మార్చవచ్చు. ఐతే సంబంధిత ధ్రువపత్రాలు, నోటరీ అఫిడవిట్ దగ్గర పెట్టుకోవాలి.remarks కాలంలో కారణం రాయాలి.

ప్రశ్న:

ఒక టీచర్ 7 ఇయర్స్ కూడా ఉద్యోగం చేయకుండా అనారోగ్యంతో మరణించిన, నామినీ కి పెన్షన్ ఎంత వస్తుంది?

జవాబు:

అతని చివరి బేసిక్ పే లో 30% ఫ్యామిలీ పెన్షన్ గా ఇస్తారు.

ప్రశ్న:

ఒక పెన్షనర్ మరల వివాహం చేసుకున్నాడు.మరల ఒక కుమారుడు జన్మించారు. ఇతను కుటుంబ పెన్షన్ తీసుకొనుటకు అర్హుడేనా?

జవాబు:

జీఓ.236 ; ఆర్ధిక ; తేదీ:28.5.1994 ప్రకారం అర్హులే.

ప్రశ్న:

ఒక పెన్షనర్ రెండు పెన్షన్ లు తీసుకుంటూ ఉంటే అందులో ఒక DA ని వదులుకోవాలా?

జవాబు:

జీఓ.35 ; ఆర్థికశాఖ; తేదీ:9.8.74 ప్రకారం రెండు పెన్షన్ లు తీసుకోనువారికి ఆ రెండు పెన్షన్ లపై DA లలో ఏది ఎక్కువో ఆ DA ని ఉంచుకోవచ్చు. తక్కువ DA ని వదులుకోవలసి ఉంటుంది.

ప్రశ్న:

పోస్టులు సృష్టించు అధికారం కలెక్టర్ గారికి ఉంటుందా?

జవాబు:

జీఓ.427 ; GAD ; తేదీ:1.7.91 ప్రకారం జిల్లా కలెక్టర్ గారికి 5 పోస్టులు సృష్టించు అధికారం ఉంటుంది.

సందేహాలు - సమాధానాలు

ప్రశ్న:

నేను B.Ed లో 3rd methodology గా  maths చేశాను. నాకు స్కూల్ అసిస్టెంట్ పదోన్నతి ఇస్తారా?

జవాబు:

మెమో.434204/2016 ప్రకారం సింగిల్ సబ్జెక్టులు & 3rd methodology లు పదోన్నతి కి పనికిరావు.

ప్రశ్న:

పిల్లలను దండించటం నేరమా?

జవాబు:

జీఓ.16 ; తేదీ:18.2.2002 ప్రకారం స్కూళ్ళు లో పిల్లలను దండించటం పూర్తి గా నిషేదించటమైనది.

ప్రశ్న:

నేను ఫిబ్రవరిలో ELs క్యాష్ చేసుకోవాలని అనుకుంటున్నాను.నాకు 28 రోజులకే డబ్బులు ఇస్తారా?

జవాబు:

జీఓ.306 ; ఆర్ధిక ; 8.11.74 ప్రకారం నెలలో ఎన్ని రోజులు(28,29,30,31) ఉన్నను డబ్బులు 30 రోజులకి లెక్కగట్టి ఇస్తారు.

ప్రశ్న:

నాకు 20 ఇయర్స్ సర్వీసు నిండినది. నేను వాలంటరి రిటైర్మెంట్ తీసుకోవాలని అనుకొనుచున్నాను. ఐతే నేను మధ్యలో 3 ఇయర్స్ జీత నష్టపు సెలవు పెట్టాను. ఇపుడు నాకు అర్హత ఉందా? లేదా?

జవాబు:

అర్హత లేదు. 20 ఇయర్స్ నెట్ సర్వీస్ పూర్తి చేసి ఉండాలి.

ఓ దశ పురోగమనం - మరో దశ తిరోగమనం

ఓ దశ పురోగమనం

          మరో దశ తిరోగమనం

........................................

వరదప్రవాహాలలో.......

ఉప్పొంగిన నదులూ.......

ఎండిపోతాయీ..............

చుక్కనీరు లేకుండా......

కొలనలూ..........,........

ఎండిపోతాయీ...........

వాన కాలంలో నిండి.....

కళ కళ.....................

లాడుతుంటాయీ......

పంట భూములు.......

భీటలు వారి............

సస్యశ్యామల...........

మవుతుంటాయీ.......

చెట్లు ఆకులు రాల్చి......

చిగురిస్తుంటాయీ........

పర్వతాలు.................

పెరుగుతుంటాయీ......

తరుగుతుంటాయీ......

రాజ్యం విపత్కకర........

సంక్షోభంలోకి..............

వెళ్ళినప్పుడు..............

ప్రజలు రాజును.......

గద్దె దించడం..........

తద్యం..................

ఓ దశ పురోగమనం

         మరో దశ తిరోగమనం

                       షేక్ రంజాన్

మనదే కదా! - రచన శ్రీ గంజి దుర్గాప్రసాద్

****** మనదే కదా! *******

విపత్తులు...

విధ్వంసాల ఉక్కుపాదాలతో తొక్కేసిన

ఎవరెస్ట్ ల్లా ఎదిగిన 

కృషిసంకల్పాల కసి మనది కదా!

నీడల్లా వెన్నాడుతు

ఊడల్లా పాతుకుపోయిన

భయాందోళనల మౌఢ్యాన్ని 

ధైర్యం కరవాలంతో తెగనరికి

అడుగంటిన ఆశల శిథిలాల నుండి

ఆత్మవిశ్వాసాల మినార్ లమై నిలబడాలి.

వ్యాక్సిన్ మందు మాత్రమే...

ధైర్యం మృతసంజీవిని.

పగబట్టిన పాముల్లా

కనికరించని కాలం

వరుస కరువులతో

కసిరి బుసలు కొట్టినా

కళ్ళల్లో ప్రాణాలు నిలుపుకొని

ముళ్ళపొదల్లా

బతికిన మొండితనాలు మనవే కదా!

జిత్తులమారి గుంటనక్కల్లా

రుగ్మతలెన్నో వెంటబడినా

మాటేసి మట్టబెట్టిన

వేటగాడి సంయమనం మనదే.,

ప్రతికూలతల పరిణామాల మధ్య

తలెత్తకొని 

విత్తనాల్లా మొలకెత్తిన ప్రస్థానం మనది.

ఒడిదొడుకుల సుడిగుండాల నెదుర్కొంటు

తొడగొట్టి నిలబడిన శౌర్యం మనది.

బొప్పికట్టిన అనుభవాల నుండి

గొప్పగుణపాఠాలు నేర్చుకున్న గతం 

అప్రమత్తత కొరవడిన వర్తమానం

మనదే...

మరేం ఫరవాలేదు

గ్రహణం చీకట్లు తాత్కలికమే!

కానీ...

జీవంలేని దేహాలపై

జీవచ్ఛవాలపై

బేరసారాలు సాగించే

కార్పొరేట్ ధనదాహలకు

బ్లాక్ మార్కెట్ దురాశ ల జాడ్యాలకు

ఇంతవరకు ఏ వ్యాక్సిన్ రాలేదు.

అవును

అంతా బహిరంగ రహస్యమే

నోటితో పరామార్శిస్తు

నొసటితో వెక్కిరించే

చేతగాని నపుంసకత్వానికి

పెత్తనమిచ్చిన

రసికత కూడ

మనదే కదా...!

              గంజి.దుర్గాప్రసాద్

                      వలిగొండ

                 9885068731

సందేహాలు - సమాధానాలు

సందేహాలు - సమాధానాలు 

ప్రశ్న:

GIS పెంచినపుడు SR లో నమోదు చేయించుకోవాలా?

జవాబు:

ఏ ఏ పీరియడ్ లో ఎంత మినహాయింపు జరిగిందో తెలియాలి అంటే SR మాత్రమే కీలకం. కాబట్టి SR లో నమోదు చేయించుకోవాలి.

 ప్రశ్న:

పిల్లల ఫీజు రీ-అంబర్సుమెంట్ ఎప్పుడైనా డ్రా చేయవచ్చా?

జవాబు:

మూడు సంవత్సరాలు లోపు బిల్ పెట్టి డ్రా చేసుకోవాలి.ఇద్దరు పిల్లలు కి చెరో 2500 ఇస్తారు.

ప్రశ్న:

నేను డ్రాయింగ్ టీచర్ ని.PAT పాస్ అయ్యాను.B. Com పాస్ అయ్యాను.B. ed లేదు.నాకు 24 ఇయర్స్ స్కేల్ ఇవ్వరా?

జవాబు:

24 ఇయర్స్ స్కేల్ పొందాలి అంటే డిగ్రీ&బీ.ఎడ్ ఉండాలి.

 ప్రశ్న:

నేను రెండు నెలలు FAC HM గా పనిచేశాను. అలవెన్సు ఇచ్చారు.పెరిగిన DA తేడా ఇవ్వరా?

జవాబు:

FAC కాలానికి,సరెండర్ లీవు కాలానికి DA తేడా పొందవచ్చు.

ప్రశ్న:

ఒక టీచర్ సస్పెండ్ అయ్యాడు.ఇంక్రిమెంట్ ఆపారు.అతనికి 12 ఇయర్స్ స్కేల్ ఇచ్చేటప్పుడు  ఈ కాలాన్ని కూడా పరిగణనలోకి తీసుకోవచ్చా?

జవాబు:

మెమో.41082, తేదీ:30.12.96 ప్రకారం ఇంక్రిమెంట్ నిలుపుదల కాలాన్ని కూడా AAS కి పరిగణలోకి తీసుకోవాలి.

సందేహం:- పాత పెన్షన్ ఉద్యోగిపదవీ విరమణ/ అకాల మరణం చెందిన సందర్బంలో ఎలాంటి ప్రయోజనాలు పొందుతారు ?

సందేహం:- పాత పెన్షన్ ఉద్యోగిపదవీ విరమణ/ అకాల మరణం చెందిన సందర్బంలో ఎలాంటి ప్రయోజనాలు పొందుతారు ?

👉సమాధానం:- కొత్త పెన్షన్ వారికి అవకాశం లేకుండా పాత పెన్షన్ లో ఆర్థిక లబ్ది ఉన్నవాటిని, వాటిని ఎలా గణిస్తారో మీ ముందుంచుచున్నాను. చేసిన సర్వీస్ ని యూనిట్ల ప్రకారం లెక్కిస్తారు. ఆరు నెలలకు ఒక యునిట్ చొప్పున లెక్కించాలి. చివరగా మిగిలిన నెలలు రోజులకు గాను 3నెలలు దాటితే ఒక యునిట్ గా లెక్కించాలి.

అకాల మరణం పొందిన సందర్భంలో:

👉డెత్ గ్రాట్యూటి : ఉద్యోగి సర్వీసులో ఉండగా మరణిస్తే క్రింది విధంగా గ్రాట్యుటీ చెల్లించబడును.

👉ఎ) సర్వీస్ ఒక సంవత్సరం పూర్తికాకుండానే ఉద్యోగి మరణిస్తే 3 సంవత్సరాల అర్హత గల సర్వీస్ కు అర్హతగల గ్రాట్యుటీ ఇవ్వబడును.

👉బి) సర్వీస్ 1 సంవత్సర కాలం పూర్తి చేసి 5 సంవత్సర కాలం పూర్తిగా కాకుండా మరణిస్తే 9 ఏండ్ల సర్వీసుకు లెక్కకట్టి చెల్లిస్తారు.

👉సి) సర్వీస్ 5 సంవత్సర కాలం పూర్తి చేసి 18 సంవత్సర కాలం పూర్తిగా కాకుండా మరణిస్తే 18 ఏండ్ల సర్వీసుకు లెక్కకట్టి చెల్లిస్తారు.

👉డి) సర్వీస్ 18 సంవత్సర కాలం పూర్తి చేసి మరణిస్తే చేసిన సర్వీసుకు లెక్కకట్టి చెల్లిస్తారు.

👉Formula : (Last drawn (Pay+DA) X Qualifying Service Half Units) 4

👉(RPS 2015 ప్రకారం గరిష్ట పరిమితి 12 లక్షలు)

ఫ్యామిలీ పెన్షన్: ఉద్యోగం చేస్తూ కాని రిటైర్ అయిన తరువాత గాని ఉద్యోగి మరణించినచో వారి భార్య / భర్త లేదా అర్హత గల కుటుంబ సభ్యులకు ఇచ్చు పెన్షన్ ను కుటుంబ పెన్షన్ అంటారు.

👉i. సర్వీస్ 7 సంవత్సరాలు పూర్తి కాకుండా చనిపోయినచో అతని కుటుంబ సభ్యులలో అర్హులకు ఉద్యోగి చివరగా పొందిన మూలవేతనంలో 30% ఫామిలీ పెన్షన్ చెల్లిస్తారు. ఆరోజు ఉన్న కరువు భృతిని కలిపి చెల్లిస్తారు.

👉ii. సర్వీస్ 7 సం॥లు పూర్తి చేసి పదవీ విరమణ కాకుండా ఉద్యోగి మరణించినచో కుటుంబ సభ్యులలో అర్హులకు మొదటి 7సం॥ లు ఉద్యోగి చివరగా పొందిన మూలవేతనంలో 50% (మరణించిన ఉద్యోగి వయసు 65 సంవత్సారాలు మించకుండా), 7 సంవత్సరాల తరువాత జీవించి ఉన్నంత వరకు చివరినెల జీతంలో 30% చొప్పున ఇవ్వబడును. ఆరోజు ఉన్న కరువు భృతిని కలిపి చెల్లిస్తారు.

👉1. సాధారణ పదవీ విరమణ/ స్వచ్చంద పదవీ విరమణ సందర్భంలో:

👉 రిటైర్ మెంట్ గ్రాట్యిటీ: 5 సం॥ ల సర్వీస్ వేయిటెజ్ తో కల్పి ప్రతి 6 నెలల సర్వీస్ కి ఒక యూనిట్ చొప్పున మొత్తం యూనిట్స్ ని లెక్కించగా వచ్చిన యూనిట్లను గరిష్ఠం గా 66 యునిట్లతో చివరగా డ్రా చేసిన బేసిక్ పే మరియు డి.ఎ ను గణించి 4 తో భాగించగా వచ్చిన రూపాయలను RPS 2015 ప్రకారం గరిష్ఠం గా 12లక్షల వరకు చెల్లిస్తారు.

Gratuity Formul : Last drawn(Pay+DA) X Half Yearly Service Units * 4

సర్వీస్ పెన్షన్: 5 సం॥ ల సర్వీస్ వెయిటేజ్ తో కల్పి ప్రతి 6 నెలల సర్వీస్ కి ఒక యూనిట్ చొప్పున మొత్తం యూనిట్స్ ని లెక్కించగా వచ్చిన యూనిట్లను గరిష్ఠం గా 66 యునిట్లను తీసుకోవాలి. ఆరోజు ఉన్న కరువు భృతిని కలిపి చెల్లిస్తారు.

Service Pension Formula: Last Pay drawn X Half Yearly Service Units 2 X 66

ఫ్యామిలీ పెన్షన్: రిటైర్ అయిన తరువాత ఉద్యోగి మరణించినచో వారి భార్య / భర్త లేదా అర్హత గల కుటుంబ సభ్యులకు ఇచ్చు పెన్షన్ ను కుటుంబ పెన్షన్ అంటారు. పెన్షనర్ గా ఉండి మరణిస్తే పదవీ విరమణ తేది నుండి 7సం॥ ల కాలము లేదా మరణించిన సర్వీస్ పెన్షనర్ కు 65సం॥ వయసు పూర్తయ్యే తేది వరకు ఏది ముందయితే అంతవరకు చివరినెల జీతంలో 50% తరువాత జీవించి ఉన్నంత వరకు చివరినెల జీతంలో 30% చొప్పున ఇవ్వబడును. ఆరోజు ఉన్న కరువు భృతిని కలిపి చెల్లిస్తారు.

Commutation of Pension: ఉద్యోగికి మంజూరయిన పెన్షన్ లో కొంతభాగాన్ని గరిష్ఠంగా 40% అమ్ముకొని దానికి బదులుగా ఒకేసారి మొత్తాన్ని పొందే సౌకర్యం ఉంది. కమ్యుటేషన్ పొందిన తేది నుండి 15సం॥ ల పాటు కమ్యుటేషన్ చేసిన భాగం పెన్షన్ తగ్గింపు చేసి చెల్లిస్తారు కాని కరువు భృతిని మొత్తంపై కలిపి చెల్లిస్తారు. ఇది ఉద్యోగి ఐచ్చికం మాత్రమే తప్పని సరికాదు. ఇది బ్యాంకుక్షా నుండి దాదాపు 8.5% వడ్డీకి అప్పు తీసుకుని చెల్లించినట్టుగా ఉంటుంది. ఇలాంటి అవకాశం కూడా కొత్త పెన్షన్ వారికి అవకాశం లేదు.

సందేహం:- CPS ఉద్యోగి పదవీ విరమణ పొందేరోజు ఎంత చెల్లిస్తారు? పెన్షన్ ఎలా చెల్లిస్తారు? ఏఎ రకమైన పెన్షన్ చెల్లిస్తారు?

👉సమాధానం:-GOMS. No.. 62 తేది 07.03.2014 ప్రకారం ఖాతాదారుడు స్వచ్చంద పదవీ విరమణ, పదవీ విరమణ, అకాల మరణం మూడు సందర్భాలలో ఖాతా నుండి డబ్బును తిరిగి పొందగలరు.

1) స్వచ్చంద పదవీ విరమణ సందర్భంలో: ఉద్యోగి స్వచ్చంద పదవీ విరమణ పొందినప్పుడు తన ఖాతా లో ఉన్న మొత్తంలో నుండి 80% ను నెలవారీ పెన్షన్ గా ఇవ్వడానికి Annuity Service Providers లో ఎంచుకున్న రకానికి చెందిన పెన్షన్ అందచేస్తారు. 20% నిధిని చెల్లిస్తారు. మొత్తం నిధి 1 లక్ష లోపు ఉంటే ఆ మొత్తాన్ని చెల్లిస్తారు.

2) సాధారణ పదవీ విరమణ సందర్భంలో: ఉద్యోగి పదవీ విరమణ పొందినప్పుడు తన ఖాతా లో ఉన్న మొత్తంలో నుండి 40% ను నెలవారీ పెన్షన్ గా ఇవ్వడానికి Annuity Service Providers లో ఎంచుకున్న రకానికి చెందిన పెన్షన్ అంద చేస్తారు. 60% నిధిని చెల్లిస్తారు. మొత్తం నిధి 2 లక్షల లోపు ఉంటే ఆ మొత్తాన్ని చెల్లిస్తారు.

3) అకాల మరణం పొందిన సందర్భంలో: ఉద్యోగి ఖాతా లో ఉన్న మొత్తం (100%) ను నామినికి(లకు) చెల్లిస్తారు.

నిర్ణీత శాతాలలో చేతికి ఇచ్చే సొమ్ముకు ఇన్ కమ్ టాక్స్ మినహాయింపు లేకపోవడం ఇబ్బందికరం.

PFRDA సర్కులర్ PFRDA/2015/27EXIT/2 తేది 12. 11.2015 ప్రకారం తేది 01.04.2016 నుండి CPS అమౌంట్ ని విత్ డ్రా చేయడం కోసం అప్లై చేయడం కేవలం (except death cases) ఆన్లైన్ ద్వారా మాత్రమే చేయాలి. ప్రస్తుతానికి నెలవారిగా పెన్షన్ చెల్లించడానికి 5 Annuity Service Providers గా నియామాకం చేశారు అవి.

1) Life Insurance Corporation of India 2).HDFC Life Insurance Co. Ltd

3). ICICI Prudential Life Insurance Co. Ltd 4).SBI Life Insurance Co Ltd

5).Star Union Dai-ichi Life Ins. Co. Ltd

డిఫాల్ట్ Annuity ప్రొవైడర్ గా SBI ని తీసుంటున్నారు.

పెన్షన్ చెల్లించడానికి నియామకం చేసిన ఐదు అన్యుటి సర్వీస్ ప్రొవైడర్స్ లో ప్రభుత్వ రంగ సంస్థలయిన SBI మరియు LIC లను పరిశీలనకు తీసుకునగా SBI వారు 15 రకాల పెన్షన్ లను LIC వారు 10 రకాల పెన్షన్ లను వివిధ వయసుల వారిగా అందిస్తున్నారు, మనం పెట్టే పెట్టుబడికి 1లక్ష రూపాయలకు నెలవారిగా ఆయా వయసువారికి పెన్షన్ గా చెల్లించే మొత్తము తేది 03.03.2016 నాటి విలువలను బట్టి ఉన్నాయి.

సందేహం:- CPS ఉద్యోగి పదవీ విరమణ/ అకాల మరణం చెందిన సందర్బంలో ఎలాంటి ప్రయోజనాలు పొందుతారు ?

👉సమాధానం:- పైన చెప్పిన టేబుల్ లో ఎంచుకున్న పెన్షన్ చెల్లిస్తారు, సాధారణ పదవీ విరమణ అయిన సందర్భంలో 60% CPS నిధిని, స్వచ్చంద పదవీ విరమణ అయిన సందర్బంలో 20% CPS నిధిని చెల్లిస్తారు. గ్రాట్యూటి ని ప్రస్తుతం చేల్లించడం లేదు, గ్రాట్యూటి అనేది ఉద్యోగులకు వాళ్ళు చేసిన సేవలకు భాహుమానంగా ఇచ్చేది దీనిని ప్రైవేట్ సెక్టార్ లో కూడా చెల్లిస్తున్నారు కాని CPS ఉద్యోగులకు గ్రాట్యూటి సదుపాయం లేకపోవడం గర్హనీయం. దీనికోసం ఎప్పటినుండో రాష్ట్ర ప్రభుత్వానికి ప్రాతినిధ్యం చేయడం జరుగుతుంది. ఉద్యోగి అకాల మరణం చెందిన సందర్భంలో వారి ఖాతాలో జమ అయిన మొత్తం నిధిని చెల్లిస్తారు.

👉కాని కుటుంబానికి ఆసరాగా ఉండాల్సిన ఫామిలీ పెన్షన్ చెల్లించడం లేదు. మిగితా బెనిఫిట్స్ పాత పెన్షన్ విధానంలో లాగే ఖాతాలో జమ ఉన్న EL/HPL ఎన్ క్యాష్ మెంట్, GIS కింద జమచేసిన అమౌంట్ కాని ఆకాల మరణం పొందిన సందర్భంలో GIS కింద జమచేసిన అమౌంట్ తో పాటు గ్రూప్ ఇన్సూరెన్స్ అమౌంట్ ను APGLI అమౌంట్ ను మొ|| వాటిని చెల్లిస్తారు.

♦️సీపీఎస్ గురించి వివరణ

👉 ఉద్యోగ విరమణానతరం ప్రతినెల ఉద్యోగికి/ తనపైన ఆధారపడిన వారికి చెల్లించే జీవన భృతికి అప్పటివరకు ఉన్న విధానం లో కాకుండా అప్పటి NDA ప్రభుత్వం వారు 2001-02 బడ్జెట్ సమావేశాల్లో ఉద్యోగులకు ఉద్యోగ విరమణానంతరం ఇచ్చే పెన్షన్లో మార్పు చేయడానికి బి.కె భట్టాచార్య నేతృత్వంలో హైపవర్ కమిటిని ఏర్పాటు చేసి, వారి ప్రతిపాధనలను తేది 23.08.2003 రోజున ఆమోదించి తేది 01.01.2004 నుండి కేంద్ర ప్రభుత్వ ఉద్యోగంలో చేరిన ఉద్యోగులకు నూతన పెన్షన్ విధానం అమల్లోకి తీసుకువచ్చింది. అప్పటి వరకు ఉద్యోగి వాటా ఏమి చెల్లించకుండా పొందే పెన్షన్ కి బదులు ఉద్యోగి వాటాగా బేసిక్ పే మరియు డి.ఎ ల మొత్తం పై 10% నిధిని జమ చేస్తే అంతే మొత్తంలో ప్రభుత్వ వాటా చెల్లించేలా నూతన విదానాన్ని అమలులోకి తెచ్చింది. ఈ పెన్షన్ నిధిని National Pension System (NPS) Trust వారు National Securities Depository Limited (NSDL) ద్వారా షేర్ మార్కెట్ లో పెట్టి తదుపరి పదవీ విరమణ సమయంలో సర్వీస్ మొత్తం లో ఉద్యోగి మరియు ప్రభుత్వ వాటా మొత్తం నిధిలో నిర్ణీత శాతంలో Anuity ప్లాన్ లలో పెట్టి నెలవారీ పెన్షన్ చెల్లిస్తారు. దీనికోసం Pension Fund Regulatory and Development Authority (PFRDA) ను ఏర్పాటు చేసారు. ఈ నూతన పెన్షన్ విధానాన్ని మిగితా రాష్ట్ర ప్రభుత్వాలు కూడా వారి ఆర్ధిక పరిస్థితిని బట్టి అమలు చేయవచ్చు అని చెప్పారు.

కేంద్ర ప్రభుత్వం కంటే ముందుగానే తమిళనాడు మరియు హిమాచల్ ప్రదేశ్ రాష్ట్రాలు నూతన పెన్షన్ అమలు చేస్తుండగా, కేవలం పచ్చిమ బెంగాల్ మరియు త్రిపుర రెండు రాష్ట్రాలు మాత్రమే పాత పెన్షన్ ఇస్తున్నాయి. ఆంధ్రప్రదేశ్ అప్పటి ముఖ్యమంత్రి గౌరవనీయులైన శ్రీ. చంద్రబాబు నాయుడు గారు కూడా పెన్షన్ సంస్కరణ (Pension Reform) లో భాగంగా అప్పటివరకు పెన్షనర్ లకు చెల్లించే కరువు భృతిని (Dearness Relief) 2001 నుండి నిలుపుదల చేసినాడు. కీ.శే. రాజశేకర్ రెడ్డి గారు 2004 సాధారణ ఎన్నికలలో హామీ ఇచ్చి ఆరు విడుతల కరువు భృతిని విడుదల చేసి పెన్షన్ తో డి.ఆర్ చెల్లించే విదానం కొనసాగించారు. ఒకవేళ 6 నెలలకు ఒకసారి పెంచే కరువు భృతిని చెల్లించడము నిలిపివేసి, ప్రతి 5సంవత్సరాలకు ఒకసారి పెన్షన్ రివైస్ చేయడం ఆపేస్తే పాత పెన్షన్ పరిస్థితి కొత్త పెన్షన్ కంటే అద్వాన్నంగా ఉండేది.

👉 మిగతా అన్ని రాష్ట్రాలు వేరు వేరు తేదిలలో నుండి ఈవిధానాన్ని అమలుచేస్తూ National Pension System (NPS) Trust లో చేరి తమ రాష్ట్ర ఉద్యోగుల పెన్షన్ నిధిని NSDL ద్వారా షేర్ మార్కెట్‌లలో పెడుతున్నారు. కాని తమిళనాడు రాష్ట్రం CPS ముందునుండి అమలు చేస్తున్నా వారి నూతన పెన్షన్ నిధిని NPS Trust లో చేరని కారణంగా వారి వద్దే ఉన్నాయి. తమిళనాడు రాష్ట్ర ఉద్యోగ సంఘాల నిరసనల మేరకు పాత పెన్షన్ కొనసాగించడానికి ఉన్న సాధ్యాలను పరిశీలించడానికి ఆ రాష్ట్ర ప్రభుత్వం హైపవర్ కమిటి ని ఏర్పాటు చేసారు. త్వరలో వారికి పాత పెన్షన్ పునరుద్దరిస్తారని ఆశిస్తూ... అది ఇతర రాష్ట్రాల వారికి మార్గదర్శకంగా ఉంటుందని ఆశిస్తున్నాము. ఈ నూతన పెన్షన్ విధానాన్ని అప్పటి ఆంధ్రప్రదేశ్ ప్రభుత్వం జి.ఓ 653, 654, 655 తేది 22.09.2004 ప్రకారం తేది 01.09.2004 నుండి ఉద్యోగంలో చేరిన వారికి కాంట్రిబ్యూటరి పెన్షన్ స్కీం (CPS) ని అమలు చేస్తూ, GPF సదుపాయాన్ని తీసివేసారు, బేసిక్ పే మరియు డి.ఎ ల మొత్తం పై 10% ఉద్యోగివాటాగా అంతే మొత్తంలో ప్రభుత్వ వాటాను కలిపి సి.పి.యస్ ఖాతాకు పెన్షన్ నిధిగా జమచేస్తుంది.

👉 ఖాతా నిర్వహణకు దాదాపు 2009 వరకు ట్రెజరీ ఐడి పై కట్ చేశారు తదుపరి CPS ఖాతా నిర్వహణ కు సెంట్రల్ రికార్డ్ కీపింగ్ ఏజెన్సీ (CRA), నేషనల్ సెక్యురిటీస్ డిపాజిటరీ లిమిటెడ్ (NSDL) రూపొందించిన పెర్మనెంట్ రిటైర్మెంట్ ఎకౌంటు (PRAN) ను దరఖాస్తు చేసుకున్న ఉద్యోగులకు ఖాతా నెంబర్ గా జారి చేస్తారు. CPS నిధిని SBI పెన్షన్ ఫండ్ స్కీం నందు 34%, LIC పెన్షన్ ఫండ్ స్కీం నందు 34% మరియు UTI పెన్షన్ ఫండ్ స్కీం నందు 32% గా పెట్టుబడి పెడుతున్నారు. దాదాపు 2010 సంవత్సరం వరకు జీతంలో కట్ అయిన అమౌంట్ కు మ్యాచింగ్ గ్రాంట్ ఇప్పటివరకు వారి వారి ఖాతాలలో జమ కాలేదు.

దీనికోసం రాష్ట్ర ప్రభుత్వానికి, ఆర్థికశాఖకి విన్నవించడం జరిగింది. జి.ఓ‌ 226 తేది 29.09.2011 ప్రకారం 01.04.2009 నుండి 31.03.2011 వరకు మరియు జి.ఓ 142 తేది 17.06.2013 ప్రకారం 01.04.2011 నుండి సి.పి.యస్ లబ్ధిదారుడి వాటా మరియు ప్రభుత్వ వాటా రెండింటి మొత్తాన్ని ఖాతాలో జమ చేసేంత వరకు జరిగిన ఆలస్యానికి సంవత్సరానికి 8% చొప్పున వడ్డీ ఖాతా దారుడి ఖాతాలో జమచేయాలి.

భయం - రచన గంజి దుర్గాప్రసాద్

భయం

ఆధిపత్యపు చీకట్లకు

వాతలు పెడుతు

గీతలు గీస్తు

మెరుపుల మరకలతో

ఉరకలు వేసే మిణుగురుల

ఉత్సాహం చూస్తే భయం.

నత్తనడకలకు కొత్తపరుగులు

నేర్పిస్తాయని...!

గబ్బిలాల్ల తలకిందులుగా వేలాడే 

అస్తవ్యస్త వ్యవస్థల అపసవ్యాలు

ఒడిసిపట్టే  చేతుల చేవ చూస్తే భయం. 

చేష్టలుడిగిన చేతుల తో

చేయి కలుపుతాయని...!

మన్నుతిన్న పాముల్లా మత్తుగా

నిర్లక్ష్యం కుబుసాల్లో 

కులాసాగ నిద్రించే కర్తవ్యాలను 

అదిలించే కర్రల అజమాయిషీలు చూస్తే భయం.

పేరుకున్న స్తబ్ధతలో

కూరుకుపోయిన బుర్రలకు

ఊతమైపోతాయని...!

నిమ్మకు నీరెత్తినట్లు

గడపదాటని

ఉదాసీన విధానాల సోమరితనాలకు

చురకలేసే కొరకంచు రాతల వేడిమంటే భయం.

అక్షరాలకు తర్ఫీదునిచ్చి

అగ్గిపిడుగుల్ని చేస్తాయని...!

తెప్పచినుకుల్లా కురిపించిన

తప్పుడు వాగ్ధానాలు

తవ్వితీసే కలం గునపాలు చూస్తే భయం.

అధికారం పునాదులు కదిలిపోతాయని...!

మౌనం దిబ్బలు బద్ధలు కొడుతు

తిరగబడే ధిక్కారస్వరాల

పొలికేకలంటే భయం.

మూగనోము పట్టిన గొంతులు

వంతలు పలుకుతాయని...!

ఏటివరద కు ఎదురీదుతు ఎగిరే

పరక పిల్లల చురుకుదనం చూస్తే భయం.

చతికిలపడ్డ నిస్తేజాలు

ఉత్తేజంతో నిలబడతాయని...!

               గంజి దుర్గాప్రసాద్

                        వలిగొండ

                   9885068731

ఆరోగ్యం ఎంత బాగుండెను

ఆరోగ్యం ఎంత బాగుండెను

సైకిల్ టైరును

కర్రతో కొడుతూ

గరగిర తిప్పుకుంటూ

చింత చెట్టు క్రింద

రాలిన చింత కాయ

తింటూ.....

ఎగిరెగిరి అందుకున్న

గుబ్బ కాయ

తింటూ......

ముల్లు గుచ్చుకున్న

మొదల్లో ఉన్న

ఈత పండు

తింటూ.......

అల్లుకపోయిన

చేయీదూరని కంప

పరిక పండు

తింటూ.......

తగిలితే

వదలని కంప

రేగి పండు

నిగనిగ లాడె

బలుసు పండు

తింటూ.......

పండి పండని

బొప్పడి కాయ

లేలేత ముంజను

తింటూ......

కొమ్మన దొరికే

బంక బంక లాడె

ఇరికి పండు

తింటూ....

గురిచూసి కొట్టిన

మామిడి కాయ

ఆకుచాటున్న

జామకాయ

తింటూ.......

సైకిల్ టైరును

కర్రతో కొడుతూ

గరగిర తిప్పుకుంటూ

ఆడిన ఆటలతో

తిన్న తిండితో

ఆరోగ్యం ఎంత బాగుండెను

                    షేక్ రంజాన్

అదొక విషాదం-సంక్షోభం-పోరాటం

అదొక విషాదం-సంక్షోభం-పోరాటం

ఉన్న వ్యవస్థ........

అనేక అసమానతలు....

దుర్మార్గాల వేదిక....

ప్రాకృతిక వైపరీత్యామూ......

మానవ దుర్మార్గమూ........

అవసాన దశ......

కరుణించని నిర్భంధం...,

మనస్సులో మానవీయతా.....

శిఖరాయమానంగా.......

వెలుగుతున్న దృశ్యాలూ....

స్వార్థంతో అల్లాడిపోతూ......

మృత్యు వ్యాపారం.......

శ్వాసల ఎగపోతలు .....

ఆసుపత్రి గుమ్మాలు.....

ఎక్కిదిగే రోగులు.........

ఆదుకొమ్మని ఆర్తనాదాలు.....

అనాధలయ్యే పిల్లలు.......

ఒకే ప్రాణావాయువు........

పంచుకునే ఇద్దరు రోగులు...

సీల్ చేసిన మృత దేహాలు.....

ఒకే చితిలో మండిపోయ్యే.....

అనేకానేక దేహాలు......

అదొక-విషాదం-సంక్షోభం-పోరాటం

                     షేక్ రంజాన్

అహం (వరల్డ్ ఈగో అవేర్ నెస్ డే సందర్భంగా)

అహం (వరల్డ్ ఈగో అవేర్ నెస్ డే సందర్భంగా)

             చేసిన తప్పులను

 ఒప్పు కోవాలనుకున్న ప్రతీసారి

            వద్దు వద్దంటూ

      సైంధవుడిలా అడ్డగిస్తావు.

   అంతరాలు భేషజాలు లేకుండా

 అందరితో మమేకం కావాలని చూస్తే

              కులం మతం

                పేద ధనిక

           స్థాయి భేదాలంటూ

  ప్రహరిగోడలా ప్రత్యక్షమవుతావు.

         వివాదాల పరంపరకు

         వీడ్కోలు చరమగీతం

            పాడాలనుకుంటే

                వీల్లేదంటూ 

  ముళ్ళకంచెలా హద్దులు గీస్తావు.

        అంతరాత్మ అద్దంలో

       నన్ను నేను చూడబోతే

      అడంబరపు ముసుగులా

              అడ్డమొస్తావు.

        ఎంత ఎత్తులకెదిగినా

    నీడలా వెంటపడి వేధిస్తావు.

    రంగమేదైనా వ్యక్తులెవరైనా

   తరతరాలు నీ నిరంకుశత్వ

               పరంపరకు

         తలొంచక తప్పలేదు.

                  చివరకు

  నా ఉనికినే ప్రశ్నార్థకం చేయాలని

               ప్రయత్నిస్తావు.

                         గంజి.దుర్గాప్రసాద్

                              వలిగొండ.

                          9885068731

సందేహం - సమాధానం

సందేహం - సమాధానం

ప్రశ్న:

ఒక ఉపాధ్యాయుడు గృహిణి ఐన తన భార్యకు కిడ్నీని దానం చేయడానికి అంగీకరించాడు. ఈ సర్జరీ కోసం ఆ ఉపాధ్యాయునికి డాక్టర్లు 6 - 8 వారాలు బెడ్ రెస్ట్ తీసుకోవాలని సూచించారు. అయితే ఇప్పుడు ఆ ఉపాధ్యాయుడు వేతనంతో కూడిన సెలవులు పొందాలంటే ఏం చెయ్యాలి?

👉 సమాధానం:

వైద్య కారణాలతో (మెడికల్ గ్రౌండ్స్) కమ్యూటేషన్ సెలవుగానీ, ఎరండు లీవును గాని తీసుకుని పూర్తి జీతము పొందవచ్చు. అందుకు డాక్టర్ సర్టిఫికేట్ జతపరచాలి. G.O. Ms.No. 386, DT: 6-9-1976;; G.O. 268, DT: 28-10-1991 and G.O. 29, DT: 9-3-2011.

ప్రశ్న:

దాదాపు6 సంవత్సరాల కాలం SGT గా పనిచేసి ప్రభుత్వంలోని వేరే శాఖకు ఎంపికై, అక్కడ కూడా 2 సం,, రాలు పనిచేసి తిరిగి పాత పోస్ట్‌ లో చేరిన ఉపాధ్యాయుని 2 సం,,రాల సర్వీసును ఏవిధంగా లెక్కిస్తారు ? ఇంక్రిమెంట్ ను AAS కి లెక్కిస్తారా ?

👉సమాధానం:

FR -26(i) ప్రకారం ప్రస్తుత పోస్ట్ పై 'Lien' కలిగియున్న ఉపాధ్యాయుడు, ప్రస్తుత పోస్ట్ కంటే తక్కువ కాని పోస్ట్ లో పనిచేసిన సర్వీసును ఇంక్రిమెంట్ కు లెక్కించవచ్చును. G.O.Ms.No. 117, F&P, DT: 20-5-1981 ప్రకారం ఇంక్రిమెంట్ కు పరిగణింపబడే సర్వీసు అంతా AAS కు కూడా లెక్కించబడుతుంది. కాబట్టి సదరు 2 సం,,. ఇతర పోస్ట్ సర్వీసు AAS నకు  కూడా లెక్కించబడుతుంది.

ప్రశ్న:

6 సంవత్సరాల 3 నెలల కాలం స్కూల్ అసిస్టెంట్ గా పనిచేసి Proper Channel ద్వారా విడుదల అయ్యి TSWRDC డిగ్రీ లెక్చరర్‌గా ఎంపికైన ఉపాధ్యాయురాలు 18 నెలలు పనిచేసి తిరిగి పాత ఉద్యోగంలో చేరితే సర్వీసు ఏవిధంగా లెక్కిస్తారు ? ఇంక్రిమెంట్ ఏవిధంగా లెక్కిస్తారు ? డిగ్రీ లెక్చరర్‌గా పనిచేసిన సర్వీసు పాత S.A సర్వీసుకు సాలరీ ప్రొటెక్షన్ వర్తిస్తుందా ? లేదా పాత సర్వీసులోని ఇంక్రిమెంట్ ని కలుపుతూ సాలరీ కొనసాగిస్తారా ?

👉సమాధానం:

వెనక్కి రావచ్చు. ఆ సర్వీసును ఇంక్రిమెంట్ కు లెక్కిస్తారు. Regular Post కు మూడేళ్ల లీన్ ఉంటుంది. కనుక వెనక్కి వస్తే పాత పోస్ట్ యొక్క అన్ని Benefits వర్తిస్తాయి.

భార్య/ భర్తలు ఇద్దరు ఉద్యోగులైతే అటువంటి సందర్భంలో ఫ్యామిలీ పెన్షన్ ను ఎలా చెల్లిస్తారు?

భార్య/ భర్తలు ఇద్దరు ఉద్యోగులైతే అటువంటి సందర్భంలో ఫ్యామిలీ పెన్షన్ ను ఎలా చెల్లిస్తారు?

జ॥ 1) భార్య/ భర్తలు ఎవరో ఒకరు సర్వీసులో కాని / రిటైర్‌ అయిన తరువాత చనిపోతే అతని/ఆమె, భాగస్వామి పెన్షను బ్రతికి వున్నంత వరకు చెల్లించాలి.

2) బ్రతికి వున్న వారు రిటైర్‌ అయితే రెండు పెన్నన్లు,1 సర్వీసు పెన్నను 2 ఫ్యామిలీ పెన్నను చెల్లిస్తారు.

3) భార్య/భర్త (తల్లి/తండ్రి) ఇద్దరూ చనిపోతే వారి పిల్లలకు రెండు ఫ్యామిలీ పెన్సనులు చెల్లిస్తారు కాని రెండు ఫ్యామిలీ పెన్నన్లు కలిపి నెలకు ప్రస్తుతము గరిష్టంగా రూ.27830/- గా సవరించారు.

రూలు 50, 10 (ఎ) (i) (ii) (బి)

GO. (P) No. 245 F (Pen.I) Department Dated 4-9-2012.

వందనాలు - అభివందనాలు

వందనాలు అభివందనాలు

కష్టాలు కన్నీళ్లు

దాచుకొని.....

లాలిస్తూ... కరుణిస్తూ...

ప్రేమిస్తూ... ప్రోత్సహించే....

తల్లులకు....

వందనాలు అభివందనాలు

అభ్యాగులు నిరుపేదలు

అనాధలు వృద్దులు

వితంతవులు రోగులను

ఆదుకునే...

తల్లులకు....

వందనాలు అభివందనాలు

సంస్కృతి కట్టుబాట్లు

బాధ్యతలు నేర్పి...

చేదోడు వాదోడుగా

ధైర్యము మనోబలాన్ని

పెంపొందించే....

తల్లులకు.....

వందనాలు అభివందనాలు

కుటుంబ సంక్షోభాన్ని

అత్యంత చాకచక్యంగా 

మనో నిబ్బరంతో పరిష్కరించే

నేర్పు ఓర్పు ఉన్న...

తల్లులకు....

వందనాలు అభివందనాలు

మానవత్వం సమానత్వం

సౌబ్రాతత్వం.......

సాధనే లక్ష్యంగా..

ముందుకు పోతున్న..

తల్లులకు......

వందనాలు అభివందనాలు

అదృష్టాన్ని చూసి

మురిసి పోక....

కష్టాలు వచ్చాయని

కుంగి పోక.....

బాధ్యతల బరువు..

భుజస్కంధాల పై....

వేసుకునే....

తల్లులకు...

వందనాలు అభివందనాలు

గృహిణిగా......

ఇంటిని చక్కదిద్దుతూ....

యుగాలు.....

గడిచే కొద్ది...

శక్తివంతమవుతున్న......

తల్లులకు.....

వందనాలు అభివందనాలు

వైద్యరాలుగా.. పోలీసుగా...

నర్సుగా.. ఉపాధ్యాయురాలుగా.......

రక రకాల బాధ్యతలు........

చేప్పట్టి........

సమాజాన్ని సరిదిద్దేపనిలో....

భాగస్వాములైన........

తల్లులకు......

వందనాలు అభివందనాలు

సమాజ ఉన్నతికి

సహకరిస్తూ.......

బిడ్డలను.......

రేపటి బాధ్యతాయుతమైన...

పౌరులుగా......

తీర్చిదిద్దుతున్న....

తల్లులకు.....

వందనాలు అభివందనాలు

అందరికి మాతృమూర్తి దినోత్సవ శుభాకాంక్షలు తెలియజేస్తూ....

                షేక్ రంజాన్

అమ్మ పద్యం (మదర్స్ డే కవిత)

అమ్మ పద్యం (మదర్స్ డే కవిత)

అలవోకగా

అమ్మనోట

తేనేచుక్కల్లా జాలువారిన

ఇతిహాస పద్యాలు

బతుకమ్మ పాటలు

నీతికథలు

ఆకలిని మరిపించి

హాయిగా నిద్రపుచ్చిన

అద్భుతమంత్రాలు.

అమ్మ నేర్పిన పద్యాలు

చెప్పిన కథలు

బ్రతుకుబాటలను చూపే

బడిపంతులును చేసాయి.

పరువు ప్రతిష్ఠల 

వారసత్వాలు

గత వైభవ గౌరవాల బరువులతో

బీదరికపు బాధల

భిన్నధృవాల మధ్య నలుగుతు

గుట్టుగా సంసారాన్ని నెట్టుకొచ్చిన 

అమ్మను చూస్తే

స్థితప్రజ్ఞతల భూమధ్యరేఖ లా

కన్పిస్తుంది.

తాను వేసిన పునాదులపై

తలెత్తుకు నిలబడిన 

భవంతుల ఎదుగుదలను

తన క్షేత్రంలో

విత్తనాలుగా మొలకెత్తిన

ప్రయోజకత్వ

ఫలవృక్షాలను చూసిన

అమ్మ కళ్ళలో 

కదలాడుతున్న

ఆనందాతిశయాల పారవశ్యం.

పరిపూర్ణ జీవితానుభవాలతో

పండిపోయిన

అమ్మను చూసినప్పుడల్లా

అన్పిస్తుంది.

మళ్ళీ!

అమ్మగా పుట్టకు

నా ఇంటి ఆడబిడ్డగా పుట్టు

ఏ కొంతైనా

నీ రుణం తీర్చుకోవాలనీ..,

  

                             గంజి.దుర్గాప్రసాద్

                                      వలిగొండ

                                 9885068731

అమ్మ - అవని

అమ్మ - అవని

ఆ.వె : 

కాంచు నెపుడు మనల కారుణ్య మూర్తియై

ప్రేమ నెంతొ  పంచు పృథ్వి యందు

అమ్మ యన్న మనకు ఆరాధ్య దేవతై

అపర కీర్తి బొందె నమృత వల్లి

                            ( 01 )

మాంధ్య మందు చూపు మంత్రియై మనమున

చిరము ఖ్యాతి గాంచు చెల్లి గాను

వివిధ పాత్ర లందు వేల్పుడు ఘణతను

రణము నందు నెగ్గు రాణి వోలె

                                (02)

మంచి మనసు గల్గి మమతల మూటయై

ఓర్మి తోటి నేర్పు ఒజ్జ గాను

అమ్మ కన్న లేదు యవనిన దైవము

మాతృ  మూర్తి నెపుడు మరువ వలదు

                             ( 03  )

అమ్మ యన్న పదము కమ్మని పలుకుయై

పరుల హితము గోరె బట్టు కొమ్మ

తెలుగు నందు లేదు తీయని కావ్యము

వర్ణమాల యందు ప్రథమ పదము

                          ( 04  )

✍️ శ్రీహరి.ఏలే,

పా.స.ఉ.(సాంఘిక శాస్త్రం)

జి.ప.ఉ.పా ,పుల్లెంల

చండూరు మం.

నల్లగొండ

96406 91884

( నేడు మాతృమూర్తులందరికి " అంతర్జాతీయ మాతృ దినోత్సవం  " శుభాకాంక్షలు )

పిల్లలకు ఫ్యామిలీ పెన్షన్‌ ఏ రోజు వరకు చెల్లిస్తారు?

పిల్లలకు ఫ్యామిలీ పెన్షన్‌ ఏ రోజు వరకు చెల్లిస్తారు?

సమాధానం

 

✍️1) కుమారులకు 25 సంవత్సరాల వయసు వరకు లేక అతను సంపాదన మొదలు పెట్టే రోజు వరకు ఏది ముందు సంభవిస్తే అంతవరకు

GO.Ms.No. 287, F&P dt. 12-8-1999,

 ✍️2) కుమార్తెలకు పెళ్ళి అయ్యేంత వరకు/వారు సంపాదన మొదలు పెట్టెంత వరకు ఏది ముందు సంభవిస్తే అంతవరకు.

రూలు 50.

Executive instruction (iv) (ii) (a) (b)

GO.Ms.No. 278, Fin& Plg. (Fw-Pen-I) Dept., dt. 19-10-1987.

ప్రభుత్వ ఉద్యోగుల రిటైర్‌మెంటు వయసు ఎంత?

ప్రభుత్వ ఉద్యోగుల రిటైర్‌మెంటు వయసు ఎంత?

✍️జ॥ (1) వర్క్‌మెన్‌ మరియు నాల్గవ తరగతి ఉద్యోగులు - 60 సంవత్సరాలు.

             (2) ఇతరులు - 61 సం॥లు(తెలంగాణ), 60 సం॥లు(ఆంధ్రప్రదేశ్‌).

 

ఏ రోజున తప్పక రిటైర్‌ కావాలి?

✍️జ॥ పుట్టిన తేది ఆ నెలలో ఒకటవ తేదీ కాకుండా ఉన్నవారికి 61/60 అయిన నెలలోచివరి రోజున రిటైర్‌ కావాలి.

ఉదా: - పుట్టిన తేది 2-1-1954 అయితే 61 సంవత్సరాల రిటైర్‌మెంట్‌ వయసు అయితే రిటైర్‌మెంట్‌ 31-1-2015 అవుతుంది. పుట్టిన తేది ఒకటవ తేదీ అయితే పుట్టిన నెలకంటే ముందు నెల చివరి రోజున రిటైర్‌ కావాలి.

ఉదా:- పుట్టిన తేది 1-1-1954 అయితే 61 సంవత్సరాల రిటైర్‌ మెంటు వయసు అయితే రిటైర్‌మెంటు 31-12-2014 అవుతుంది.

రూలు -42

Executive Instruction (i)

GO.Ms.No. 289, Fin.&Plg. Dept., dated. 4-11-1974.

కారుణ్య నియామకాలకు అర్హులెవరు?

చాలా మంది ఉద్యోగ ఉపాధ్యాయులు ఇటీవలి కాలంలో కోవిడ్ బారిన పడి మృతి చెందారు. వారి కుటుంబ సభ్యులకు నిబంధనల ప్రకారం కారుణ్య నియామకం కు అర్హత ఉంటుంది.. దాని కోసం కారుణ్య నియామకాల పూర్తి నిబంధనలను ఇక్కడ పొందుపర్చుతున్నాను.

కారుణ్య నియామకాలు

ఉద్యోగం చేస్తూ కుటుంబాన్ని పోషిస్తున్న వ్యక్తి హఠాత్తుగా మరణిస్తే ఆ కుటుంబ సభ్యులు ఆసరా కోల్పోతారు. ఇబ్బందుల్లో కూరుకుపోతారు. ఆరోగ్య కారణాల రీత్యా ఉద్యోగం చేయలేని అసక్తత ఏర్పడినా అదే పరిస్థితి. ఇలాంటి కుటుంబాలను ఆదుకోడానికే కారుణ్య నియామకాలను ప్రవేశపెట్టారు. అయితే ఈ నియామకాలపై చాలా మందికి చాలా అనుమానాలున్నాయి. ఎప్పుడిస్తారు, ఎలా ఇస్తారు, ఎవరికిస్తారు, ఎక్కడిస్తారు, ఎప్పటిలోపు ఇవ్వాలి, ఏ పోస్టులిస్తారు ఇలా అనేక అనుమానాలున్నాయి.

మీకోసమే ఈ సమాచారం

కారుణ్య నియామకాలు :

రెండు రకాలు.

ఒకటి: మరణించిన ఉద్యోగి కుటుంబీకులకు ఇచ్చేది.

రెండు: వైద్య కారణాల వల్ల ఉద్యోగ విరమణ చేసిన ఉద్యోగి ఆధారితులకు ఇచ్చేది.

👉కారుణ్య నియామకాల లక్ష్యం ఏమిటి ?

మరణించిన లేక అనారోగ్య సమస్య వల్ల ఉద్యోగం చేయలేని అసక్తత ఏర్పడిన ఉద్యోగుల కుటుంబాలను ఆర్థికంగా ఆదుకోవడం.

జీవోలు:

మరణించిన ప్రభుత్వ ఉద్యోగిపై ఆధారపడినవారికి జీవో 687, జీఏడీ, 03.10.1977 ద్వారా కారుణ్య నియామకం ఇస్తారు. కాలక్రమంలో ఈ జీవోకు సంబంధించి పలు సవరణలు, వివరణలు ఇచ్చారు. వీటన్నింటినీ చేర్చి 60681/సర్వీస్‌-ఏ/2003-1, జీఏడీ, 12.08.2003 ద్వారా సమగ్ర ఉత్తర్వులు ఇచ్చారు. వైద్య కారణాల వల్ల రిటైర్‌ అయిన ఉద్యోగుల వారసుల కారుణ్య నియామక అవకాశాన్ని జీవో ఎంఎస్‌ నెం.661, జీఏడీ, తేదీ 23.10.2008 ద్వారా పునరుద్ధరించారు. సర్వీసులో ఉండి మరణించిన ఎయిడెడ్‌ టీచర్ల వారసులకు కారుణ్య నియామకాలను జీవో ఎంఎస్‌ నెంబర్‌ 113, విద్యాశాఖ, తేదీ : 6.10.2009 ద్వారా అనుమతించారు.

కారుణ్య నియామకాలకు అర్హులెవరు?

మరణించిన ఉద్యోగి వారసులు, వైద్య కారణాల వల్ల రిటైర్‌మెంట్‌ తీసుకున్న ఉద్యోగి వారసులు, ఏడేళ్లపాటు కనిపించకుండాపోయిన ఉద్యోగి వారసులు ఈ నియామకాలకు అర్హులు. వైద్య కారణాల వల్ల కనీసం ఐదేళ్ల సర్వీసు ఉండగా రిటైర్‌మెంటు తీసుకుంటే ఆ ఉద్యోగిపై ఆధారపడిన కుటుంబంలోని ఒకరికి ఉద్యోగం ఇస్తారు. కనిపించకుండాపోయిన ఉద్యోగి విషయంలో పోలీసు రిపోర్టు ఆధారంగా ఉద్యోగం ఇస్తారు.

👉 ఎవరికిస్తారు?

ఎలాంటి కారణ్య నియామకమైనా ఎవరికిస్తారన్న అనుమానం చాలా మందికి ఉంటుంది. దానికి విధివిధానాలు ఉన్నాయి.

1.ఉద్యోగి భార్య/భర్త,

 2.కుమారుడు/కుమార్తె,

3.ఉద్యోగి మరణించిన నాటికి కనీసం ఐదేళ్ల మునుపు చట్టబద్ధంగా దత్తత తీసుకున్న కుమారుడు/కుమార్తె,

4.ఉద్యోగి భార్య/భర్త నియామకానికి ఇష్టపడని సందర్భంలో ఆ కుటుంబంపై ఆధారితురాలైన వివాహిత కుమార్తె.

5. మరణించిన ఉద్యోగికి ఒక వివాహిత కుమార్తె, మైనర్‌ కుమార్తె ఉంటే వారి తల్లి సూచించినవారికి ఉద్యోగం ఇస్తారు.

6.ఉద్యోగి అవివాహితుడై మరణించినపుడు అతని తమ్ముడు, చెల్లెలు కారుణ్య నియామకానికి అర్హులు.

ఏ పోస్టులో నియమిస్తారు?

జూనియర్‌ అసిస్టెంటు పోస్టులోగానీ, ఆ పోస్టు స్కేలుకు మించని పోస్టులోగానీ, అంతకన్నా తక్కువస్థాయి పోస్టులోగానీ నియమిస్తారు.

👉నియామక విధానం ఎలా?

ఉద్యోగి మరణించిన ఏడాదిలోపు అతని కుటుంబ సభ్యులుయ నియామకం కోరుతూ దరఖాస్తు చేసుకోవాలి. మైనర్‌ పిల్లల విషయంలో ఉద్యోగి మరణించిన రెండు సంవత్సరాలలోపు 18 సంవత్సరాలు వయసు నిండినపుడు మాత్రమే వారి దరఖాస్తు పరిగణించబడుతుంది. వైద్య కారణాల వల్ల రిటైర్మెంట్‌ కోరుకునేవారి దరఖాస్తు జిల్లా/రాష్ట్ర వైద్యుల కమిటీకి పంపి వారి నివేదిక ఆధారంగా జిల్లా/రాష్ట్ర కమిటీ సిఫార్సు మేరకు నియామకాధికారి అనుమతి ఇస్తారు.

అర్హతలు:

ఆయా పోస్టులకు సంబంధించిన నిర్ణీత అర్హతలు కలిగివుండాలి. అయితే జూనియర్‌ అసిస్టెంట్‌గా సబార్డినేట్‌ ఆఫీసులో నియామక అర్హతైన ఇంటర్మీడియెట్‌ పాసయ్యేందుకు 3 సంవత్సరాల గడువు, శాఖాధిపతి కార్యాలయం లేక సచివాలయం అయితే నియామక అర్హతైన డిగ్రీ పాసయ్యేందుకు 5 సంవత్సరాల గడువు ఇస్తారు. ఎస్‌సీ, ఎస్‌టీ, బీసీ కులాల వారికి ఐదేళ్ల మినహాయింపు ఉంది. ఉద్యోగి భార్య/భర్తకు నియామకం ఇవ్వాల్సి వస్తే వారికి వయోపరిమితి 45 ఏళ్లు. చివరి శ్రేణి పోస్టుకు వయసు, అర్హతలు తగిన విధంగా లేనపుడు ముందు నియామకం ఇచ్చి ఆ తరువాత మినహాయింపును సంబంధిత శాఖ నుంచి పొందవచ్చును.

నియామక పరిధి:

మరణించిన ప్రభుత్వ ఉద్యోగి పనిచేసిన యూనిట్‌లో నియామకం ఇస్తారు. ఆ యూనిట్‌లో ఖాళీలు లేనపుడు ఆ కేసులను నోడల్‌ అధికారి అయిన జిల్లా కలెక్టర్‌కు పంపిస్తే ఆయన ఇతర డిపార్టుమెంట్లకు కేటాయిస్తారు. ఏ డిపార్టుమెంట్‌లోనూ ఖాళీలు లేని సందర్భంలో కలెక్టరు ఒక క్యాలెండర్‌ సంవత్సరంలో 5 వరకు సూపర్‌ న్యూమరీ పోస్టులు సృష్టించొచ్చు. అంతకు మించి పోస్టులు అవసరమైనపుడు సంబంధిత శాఖలకు ప్రతిపాదనలు పంపాలి.

ఈ కారుణ్య నియామకాలు డైరెక్ట్‌ రిక్రూట్‌మెంట్‌ కోటాలో సిక్స్‌ పాయింట్‌ ఫార్మలాకు లోబడి ఇవ్వబడతాయి. రిజర్వేషన్‌ నిబంధన (రూల్‌ 22)ను పాటించాల్సి వుంటుంది. మరణించిన ఉద్యోగి భార్య కారుణ్య నియామకానికి దరఖాస్తు చేసుకుంటే ఆమె సొంత జిల్లాలోగానీ, భర్త ఉద్యోగం చేసిన చోటగానీ, ఏ ఇతర జిల్లాలోగానీ నియామకం కోరవచ్చు.      

■ ఇటీవలి ఉత్తర్వులు:

◆ భార్యాభర్తలు ఇద్దరూ ప్రభుత్వ ఉద్యోగులై ఉండి, అందులో ఒకరు రిటైర్‌ అయి పెన్షన్‌ తీసుకుంటుండగా, మరొకరు మరణిస్తే వారిపై ఆధారితులకు కారుణ్య నియామకం వర్తించదు. ఆ ఇంట్లో పెన్షన్‌ పొందుతున్న వ్యక్తి ఉన్నందున దాన్ని ఆదాయం ఉన్న కుటుంబంగానే పరిగణించి కారుణ్య నియామకం ఇవ్వరు. దీనికి సంబంధించి సర్క్యులర్‌ మెమో నెం.3548/సర్వస్‌-జి/ఏ2/2010-8, జీఏడీ, తేదీ : 24.03.2012 జారీ చేసింది.

◆ భర్త /భార్య చనిపోతే భార్యకు/భర్తకు 45 వయసు దాటితే కారుణ్య నియామకానికి అనర్హులు... అయినా ప్రభుత్వం నిబంధనలు సడలించి ఉద్యోగం ఇచ్చిన సందర్భం...

(GO MS No. 45 Dated .28.02.2020)

👉 ఎక్స్‌గ్రేషియా :

కారుణ్య నియామకం ఇవ్వడానికి సాధ్యపడని సందర్భంలో నాల్గో తరగతి ఉద్యోగుల కుటుంబాలకు రూ.40వేలు, నాన్‌ గెజిటెట్‌ వారికి రూ.60 వేలు, గెజిటెడ్‌ ఉద్యోగుల కుటుంబాలకు రూ.80 వేలు ఎక్స్‌గ్రేషియాగా చెల్లించాలి.

ఆదాయపు పన్ను నోటీసు పంపే అవకాశం ఉన్న‌ టాప్ 5 నగదు లావాదేవీలు:

ఆదాయపు పన్ను నోటీసు పంపే అవకాశం ఉన్న‌ టాప్ 5 నగదు లావాదేవీలు:

👉1.పొదుపు / క‌రెంట్ ఖాతా: ఒక వ్యక్తికి, పొదుపు ఖాతాలో నగదు డిపాజిట్ పరిమితి రూ. 1 లక్ష‌. పొదుపు ఖాతాలో ఒక ల‌క్ష రూప‌యాల‌కు మించి జమ చేస్తే, ఆదాయపు పన్ను శాఖ నోటీసు పంపవచ్చు. అదేవిధంగా, కరెంట్ ఖాతాదారులకు, పరిమితి రూ.50 లక్షలు. ఈ పరిమితిని ఉల్లంఘించినప్పుడు ఆదాయపు పన్ను నోటీసుకు కూడా బాధ్యత వహించాల్సి ఉంటుంది.

👉2. క్రెడిట్ కార్డ్ బిల్లు చెల్లింపు: క్రెడిట్ కార్డ్ బిల్లు చెల్లించేటప్పుడు, రూ.1 లక్ష పరిమితిని మించకూడదు. క్రెడిట్ కార్డ్ బిల్లు చెల్లింపులో ఈ నగదు పరిమితిని ఉల్లంఘిస్తే ఆదాయపు పన్ను శాఖ నోటీసుకు స‌మాధానం చెప్పాలి.

👉3.బ్యాంక్ ఎఫ్‌డీ (ఫిక్స్‌డ్ డిపాజిట్): బ్యాంక్ ఎఫ్‌డీలో నగదు డిపాజిట్ రూ. 10 లక్షలకు మించకూడదు. బ్యాంక్ డిపాజిటర్ ఒకరి బ్యాంక్ ఎఫ్‌డీ ఖాతాలో అంత‌కు మించి నగదు డిపాజిట్ చేయకూడ‌దు.

👉4. మ్యూచువల్ ఫండ్ / స్టాక్ మార్కెట్ / బాండ్ / డిబెంచర్: మ్యూచువల్ ఫండ్స్, స్టాక్స్, బాండ్ లేదా డిబెంచర్లలో పెట్టుబడులు పెట్టే వ్యక్తులు న‌గ‌దు పెట్టుబ‌డులు రూ.10 లక్షల పరిమితికి మించకుండా చూసుకోవాలి. ఈ నగదు పరిమితిని మించితే ఆదాయపు పన్ను విభాగం మీ చివరి ఆదాయపు పన్ను రిటర్న్ (ఐటీఆర్) ను తనిఖీ చేస్తుంది.

👉5. రియల్ ఎస్టేట్: ఒక ఆస్తిని కొనుగోలు చేసేటప్పుడు లేదా విక్రయించేటప్పుడు, రియల్ ఎస్టేట్ ఒప్పందంలో రూ.30 ల‌క్ష‌ల‌ పరిమితికి మించి నగదు లావాదేవీలు ఉంటే ఆదాయపు పన్ను శాఖకు స‌మాధానం చెప్పుకోవాల్సి ఉంటుంది. అంత‌కు మించి న‌గ‌దు లావాదేవీలు చేయ‌డాన్ని ఐటీ శాఖ ప్రోత్స‌హించ‌దు.

భయం ఎంత భయంకరమైందో తెలియచెప్పే కధ ఇది.

ఒక తొండ, పాముతో., నేను చెప్పినట్టు చేస్తే, నువ్వు కాటేసిన మనిషి చావడు, కానీ నేను కరిసిన మనిషి చస్తాడు అంది. అదెలా అనడిగింది పాము. నేను చెప్పినట్టు చెయ్యి అని, ఆ పొలంలో పనిచేసుకునే రైతుని వెనుక నుండి కాటెయ్యి అంది తొండ. పాము అలానే కాటేసింది, వెంటనే ఆయన రెండు కాళ్ల మద్య నుంచి ముందుకి తొండ లగెత్తిపొయ్యిందంట. నన్ను కరిసింది తొండే కదా అని దైర్యం తో గాయానికి ఆకుపసురేదో పూసుకొని తిరిగి పనిలో పడ్డాడు ఆ రైతు.

ఇప్పుడు ఇంకో పొలంలో రైతుని నేను కరుస్తాను, నువ్వు ఆయన కాళ్ల మధ్య నుంచి పో అని తొండ కరిసింది. పాము ఆయన కాళ్ల మధ్య నుంచి సర్రన పాకి పొయింది. పాముని చూసిన రైతు, కంగారుతో తనని పామే కాటేసిందని అక్కడికక్కడే కుప్పకూలిపోయాడు.

భయం ఎంత భయంకరమైందో తెలియచెప్పే కధ ఇది.

కాబట్టి మనం అందరం, పేపర్లు, టీవీలు, వాట్సాప్ లు, ఫేసుబుక్కు లు వంటి వాటిలో పిట్టలదొరలు రాసేవీ అదే పనిగా మనసులో పెట్టుకొని, భయపడుతూ ఉంటే చిన్న చిన్న విషయాలకు కూడా మనం భాదపడాల్సి వస్తుంది.

దైర్యంగా ఉండండి, కానీ జాగ్రత్తతో మెసులుకోండి. మీ ధైర్యమే మీకు బలం..

సస్పెన్షన్లు-ప్రవర్తనా నియమావళి-CCA రూల్స్-పార్ట్-III:

USEFUL FOR GOVERNMENT  SERVANTS

సస్పెన్షన్లు-ప్రవర్తనా నియమావళి-CCA రూల్స్-పార్ట్-III:

 FR-55 ప్రకారం సస్పెండు అయిన ఉద్యోగికి సస్పెన్షన్ కాలములో ఎలాంటి సెలవులు మంజూరు చేయకూడదు.

 సస్పెన్షన్ లో ఉన్న ఉద్యోగి తీవ్రమైన ఆరోపణలు ఎదుర్కొంటూన్నట్లయితే అతనికి పదోన్నతి (Promotion) కల్పించటకు అవకాశము లేదని ప్రభుత్వం G.O.Ms.No.257 తేది:10-06-1999 ద్వారా తెలియజేసింది.

 ప్రభుత్వ ఉద్యోగికి సస్పెన్షన్ కాలములో పదవీ విరమణ వయస్సు వచ్చినయెడల అతనిపై ఉన్న క్రమశిక్షణా చర్యలు పెండింగ్లో ఉన్న యెడల అట్టివానికి భంగం కలగకుండా ఆ ఉద్యోగిని పదవీ విరమణ గావించవలెను.

(G.O.Ms.No.64 F&P తేది:01-03-1979)

(Section 3 of A.P.Public Employment of age of super annuation Act 1984)

 సస్పెన్షన్ లో ఉంటూ చనిపోయిన ఉద్యోగిపై క్రమశిక్షణా చర్యలు పుర్తిగాకుండా అసంపూర్తిగా ఉన్న సమయంలో సస్పెన్షన్  లో ఉన్న ఉద్యోగి చనిపోయిన యెడల,సస్పెన్షన్ కాలాన్ని డ్యూటీ క్రింద పరిగణించవలెనని ప్రభుత్వం G.O.Ms.No.275 F&P తేది:08-08-1997 ద్వారా ఉత్తర్వులు జారీచేసింది.

 AP స్టేట్ అండ్ సబార్డినేట్ సర్వీస్ రూల్స్-1996 లోని రూలు.30 ప్రకారం సస్పెన్షన్ ఉన్న ఉద్యోగి క్రమశిక్షణా చర్యల గురించి విచారణ పూర్తికాక ముందే ఏ కారణము చేతనైన తన పదవికి రాజీనామా చేసిన యెడల అట్టి రాజీనామా అంగీకరించకూడదు.

 రెండు సం. కంటే ఎక్కువ కాలం సస్పెన్షన్ లో ఉన్న ఉద్యోగి యొక్క క్రమశిక్షణా చర్యలు పెండింగ్లో పెడుతూ వెంటనే సర్వీసలోకి పునరుద్దరించవలెను. కొన్ని ప్రత్యేక పరిస్థితులలలో మాత్రమే సస్పెన్షన్ కొనసాగిన్చవచ్చు.

(G.O.Ms.No.526 GAD తేది:19-08-2008)

 సస్పెన్షన్ కాలంలో ఉద్యోగి జీవనాధారంగా వున్న ఉద్యోగం ద్వారా జీతభత్యాలు పొందు అర్హత ఉండదు కాబట్టి,అట్టి ఉద్యోగికి జీవనాధారంగా భత్యములు చెల్లించు అవకాశం FR-53 లోని నియమ నిబంధనలకులోబడి చెల్లించే విధానాలు ప్రభుత్వం కల్పించింది.

 సస్పెండ్ అయిన ఉద్యోగిని తిరిగి సర్వీసులో పునరుద్దరించే  Resistance)సందర్భంలో జారీచేయవలసిన ఉత్తర్వుల ఫారం ప్రభుత్వం G.O.Ms.No.82 GAD తేది:01-03-1996) ద్వారా నిర్దేశించింది.

 సస్పెండ్ అయిన ఉద్యోగి తాను సస్పెండ్ అయిన తర్వాత ఏ విధమైన ఉద్యోగం గాని/వృత్తి గాని/వ్యాపారం గాని యితరత్రా వ్యాపకం గాని చేయటం లేదని ధృవీకరణ పత్రము అధికారికి అందజేయవలెను.

 జీవనాధార భత్యము సస్పెండ్ అయిన ఉద్యోగికి తిరస్కరించరాదు. జీవనాధార భత్యము (Subsistance Allowance) చెల్లింపులు తిరస్కరించటం శిక్షించదగ్గ నేరము.

(Govt.memo.no.29730/A/458/A2/FR-II/96/F&P తేది:14-10-1996)

 సస్పెన్షన్ కాలాన్ని డ్యూటీలో లేని కాలం(Non Duty) గా పరిగణించినప్పుడు ఉద్యోగి అభ్యర్ధనమేరకు సెలవుగా మార్పు (Convert) చేసినపుడు అతని సెలవు జీతములో నుంచి అతనికి ఇదివరకే చెల్లించియున్న జీవనభృతి లో మొత్తం రికవరీచేయాలి.

 ఉద్యోగిని చిన్న కారణాల వల్ల న్యాయ సమ్మతము గాని సస్పెండ్ చేసే బదులు అతనిని బదిలీ చేయవచ్చు. అట్టి బదిలీ కాబడిన ఉద్యోగి బదిలీ కాబడిన కొత్త స్థానంలో చేరకుండా సెలవు పెట్టిన యెడల అట్టి సెలవు మంజూరుచేయకూడదు.

(Govt.circular.memo.no.595SP/B/2000 తేది:21-09-2000 & Govt.memo.no.1733/ser.C GAD 03-08-1967)

 ఉద్యోగులను సర్వసాధారణమైన సామాన్య కారణాలపై అనవసరంగా సస్పెండు చేయకూడదు. ఆ విధంగా సస్పెండు కాబడిన ఉద్యోగికి జీవనాధార భృతి చెల్లించటమే కాకుండా,అతని సేవలు కూడా ప్రభుత్వం పోగొట్టుకుంటుoది. అందువలన అనవసర కారణాల వల్ల ఉద్యోగిని సస్పెండు చేయకూడదు అని ప్రభుత్వం ఉత్తర్వులు జారీచేసింది.

(Govt.memo.no.2213/ser.C/66-1 GAD తేది:30-11-1966 & memo no.4993/police-C/69-1 తేది:08-12-1969)

విద్యాహక్కు చట్టం- 2009 - Some Sections

విద్యాహక్కు చట్టం- 2009 - Some Sections

 సెక్షన్-25

-చట్టం అమల్లోకి వచ్చిన 6 నెలల్లోపు షెడ్యూల్లో నిర్ధారించిన విద్యార్థులు-ఉపాధ్యాయుడి నిష్పత్తి ప్రతి పాఠశాలలో ఉండేలా సంబంధిత ప్రభుత్వం లేదా స్థానిక ప్రభుత్వం చూడాలి.

సెక్షన్-26

-చట్టానికి అనుగుణంగా ఉపాధ్యాయుల భర్తీని చేపట్టాలి.

సెక్షన్-27

-ప్రతి పదేండ్లకు నిర్వహించే జనాభా లెక్కలు, ప్రకృతి వైపరీత్యాల్లో సహాయ విధులు, పార్లమెంట్, శాసనసభ లేదా స్థానిక సంస్థల ఎన్నికల్లో తప్ప ఏ ఇతర పనులకు ఉపాధ్యాయుడిని పంపకూడదు.

సెక్షన్-28

-ఏ ప్రభుత్వ ఉపాధ్యాయుడు కూడా ప్రైవేటు ట్యూషన్లను, బోధన పనులను చేపట్టరాదు.*

సెక్షన్-29

-సంబంధిత ప్రభుత్వం ప్రకటన ద్వారా అధీకృతం చేసిన అకడమిక్ సంస్థ ప్రాథమిక విద్య కోసం పాఠ్యప్రణాళిక, మూల్యాంకన విధానాన్ని నిర్ధారిస్తుంది. అయితే పాఠ్యప్రణాళిక, మూల్యాంకన విధానాన్ని రూపొందించేటప్పుడు రాజ్యాంగంలో పొందుపరిచిన విలువలు, బాలల సర్వతోముఖ వికాసం, బాలల జ్ఞానం, సామర్థ్యాలు, నైపుణ్యాలు, బాలల శారీరక, మానసిక అభివృద్ధులను, పిల్లలను కేంద్రంగా చేసుకుని వారికి అనువైన విధానాల్లో కార్యక్రమాలు, పరిశోధనలు, బాలల మాతృభాషను, భయం, ఆందోళనకు గురిచేయని వాతావరణం, పిల్లల సామర్థ్యాన్ని అంచనావేసే విధానం అంటే నిరంతర సమగ్ర మూల్యాంకన అంశాలను పరిగణనలోకి తీసుకోవాలి.

సెక్షన్-30

-ప్రాథమిక విద్య పూర్తయ్యే వరకు పిల్లలు ఎలాంటి బోర్డు పరీక్షలకు హాజరుకావాల్సిన అవసరం లేదు. పిల్లలు ప్రాథమిక విద్య పూర్తిచేసిన తర్వాత ధ్రువీకరణ పత్రం అందించాలి.

సెక్షన్-31

-బాలల హక్కులను పరిరక్షించడం

సెక్షన్-32

-సెక్షన్-31లో పేర్కొన్న దానితో సంబంధం లేకుండా ఈ చట్టం కింద పిల్లలకున్న హక్కులకు సంబంధించి ఏ వ్యక్తికైనా ఏదైనా ఫిర్యాదు ఉంటే సంబంధిత స్థానిక ప్రభుత్వానికి లిఖితపూర్వకంగా తెలిపే అధికారం ఉన్నది.

సెక్షన్-33

-కేంద్రప్రభుత్వం సూచన మేరకు 15 మంది సభ్యులతో కూడిన నేషనల్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్ (ఎన్సీపీసీఆర్) జాతీయ సంఘాన్ని నియమించాలి.

సెక్షన్-34

-రాష్ట్ర ప్రభుత్వం సూచన మేరకు 15 మంది సభ్యులతో కూడిన స్టేట్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్ (ఎస్సీపీసీఆర్) రాష్ట్రస్థాయి సంఘాన్ని నియమించాలి.

సెక్షన్-35

-కేంద్రప్రభుత్వం, సందర్భానుసారంగా చట్టానికి దోహదపడే రాష్ట్ర ప్రభుత్వం లేదా స్థానిక ప్రభుత్వానికి తగిన సూచనలు జారీచేసే అధికారాలు ఉన్నాయి.

సెక్షన్-36

-సెక్షన్-13(2), సెక్షన్-18(5), సెక్షన్-19(5) కింద నిర్ధారించిన దండనీయ నేరాలను సంబంధిత ప్రభుత్వం, ప్రత్యేక విజ్ఞప్తి ద్వారా, దీనికోసం నియమించిన అధికారి ఆజ్ఞ లేకుండా నిలిపే అధికారం లేదు.

సెక్షన్-37

-ఈ చట్టంలోని నియమావళిని సద్భావనాపూర్వకంగా చూడాలి.

సెక్షన్-38

-సంబంధిత ప్రభుత్వం, చట్టం నియమావళిని కార్యాచరణ రూపం దాల్చడానికి చేపట్టే చర్యలకు సూచనలు జారీచేసే అధికారం కలిగి ఉంటుంది.....

INCREMENTS -ఇంక్రిమెంట్లు - వివరణ

INCREMENTS -ఇంక్రిమెంట్లు - వివరణ

        ఒక సంవత్సర కాలము పాటు సంతృప్తికరంగా సేవలందించిన ఉద్యోగికి ఇచ్చే ప్రోత్సాహకాన్ని వార్షిక ఇంక్రిమెంట్లు అందురు.

        ఒక ఉద్యోగిపై ఆరోపణలు చార్జిషిటు పెండింగ్ లో ఉంటే తప్ప ఆ ఉద్యోగి వార్షిక ఇంక్రిమెంటు నిలపరాదు.

        APFC లోని ఫారం-49 లో డ్రాయింగ్ అధికారి ఇంక్రిమెంట్ ధృవపత్రంపై సంతకం చేసి వేతన బిల్లుకు జతపరచకపోతే ,ప్రభుత్వ ఉద్యోగికి ఇంక్రిమెంటు చెల్లించారు.

(G.O.Ms.No.212 Fin Dt:16-05-1961)

        నెల మధ్యలో ఇంక్రిమెంట్ తేది ఉంటే అదే నెల మొదటి తేదికి మార్చబడుతుంది.

            (G.O.Ms.No.133 Fin Dt:13-05-1974)

            (G.O.Ms.No.546 Edn Dt:05-07-1974)

        DSE ఉత్తర్వులు 3781/74 Dt:13-22-1974 ప్రకారం దండన క్రింద ఇంక్రిమెంట్లను నిలిపివేసిన కేసులలో ఇంక్రిమెంట్లు దండన సమాప్తమైన తేది నుండి మంజూరు చేయబడతాయి/పునరుద్ద రించబడతాయి.

        ఉద్యోగి సెలవులో ఉన్నప్పుడు ఇంక్రిమెంట్లు మంజూరు చేయరాదు. డ్యూటీలో చేరిన తరువాతే మంజూరుచేయాలి.

            (Memo.No.49463 Dt:06-10-1974)

        ఉద్యోగి మొదటి వార్షిక  ఇంక్రిమెంట్ 12 నెలలు పూర్తికాకుండానే మంజూరు చేయబడుతుంది.

        Eg: ఒక ఉద్యోగ నియామక తేది 28-12-2012 సదరు ఉద్యోగి మొదటి    ఇంక్రిమెంట్ 01-12-2013 న మంజూరు అవుతుంది.

        నెల ఆఖరి రోజు సాయంత్రం నూతనంగా సర్వీసులో చేరినవారు తరువాత నెల మొదటి తేది నుండి జీతమునకు అర్హులు.జీతం తీసుకున్న నెలయే ఇంక్రిమెంట్ తేది అవుతుంది.

        వార్షిక ఇంక్రిమెంట్ కు లెక్కించబడిన కాలమే అప్రయత్న పదోన్నతి పథకం(AAS) స్కేళ్ళ మంజూరుకు పరిగణించబడుతుంది.

ఇంక్రిమెంట్ కు పరిగణింపబడు కాలము:

        -ఒక వేతన స్కేలు లో ఉద్యోగి చేసిన డ్యూటీ కాలం.

        -అన్ని రకాల సెలవులు(జీత నష్టపు సెలవు తప్ప)

        -డిప్యూటేషన్ పై పనిచేసిన కాలము.

        -అనుమతించబడిన మేరకు జాయినింగ్ కాలం.

        -పై పోస్టులో గడిపిన కాలం క్రింది పోస్టులో ఇంక్రిమెంట్ కు పరిగణించబడుతుంది.

        -ప్రభుత్వ సెలవులు మరియు వెకేషన్ కాలం.

        - ఉద్యోగం చేస్తూ పొందిన శిక్షణా కాలం (డ్యూటీ గా పరిగణించబడి నప్పుడు మాత్రమే)

ఇంక్రిమెంటునకు పరిగణింపబడని కాలం:

        -జీతనష్టపు సెలవు ఇంక్రిమెంట్ కు పరిగణించబడదు.సదరు సెలవు వాడుకున్న రోజులు ఇంక్రిమెంటు వాయిదా పడుతుంది.

        - జీతనష్టపు సెలవు వాడు కొన్నానూ ఇంక్రిమెంటు వాయిదా పడని సందర్భమూ:

        -వైద్య కారణాలపై,శాస్త్ర,సాంకేతిక ఉన్నత విద్యకై ఇంకా ఉద్యోగ పరిధిలో లేని కారణాలపై జీతనష్టపు సెలవు వాడుకొన్ననూ 6 నెలల వరకు సెలవు కాలాన్ని ఇంక్రిమెంటుకు లెక్కించు అధికారం ప్రభుత్వ శాఖాధిపతులకు ఇచ్చింది(ఉపాధ్యాయుల విషయంలో కమిషనర్ మరియు విద్యా సంచాలకుల వారు)

(FR-26(2)) & G.O.Ms.No.43 F&P Dt:05-02-1976)

        - 6 నెలల కంటే ఎక్కువ జీతనష్టపు సెలవు వాడుకున్న సంధర్భాలలో ప్రభుత్వానికి అప్పీలు చేసుకోవాలి.

ఇంక్రిమెంట్లు నిలుపుదల సందర్భాలు:

        -తప్పుడు ప్రవర్తనా,విధి నిర్వహణలో అలక్ష్యం కారణంగా క్రమశిక్షణా చర్యగా ఉద్యోగి వార్షిక ఇంక్రిమెంట్లు 2 రకాలుగా నిలుపుదల చేయవచ్చును.

Without Cumulative Effect:

        FR-24(1) ప్రకారం కేవలం ఒక సం॥ మాత్రమే నిలుపుదల చేసి తదుపరి ఇంక్రిమెంట్ తేది నాడు విడుదలచేస్తారు.అంటే సదరు ఉద్యోగి ఒక సం॥ పాటు లేదా అంతకన్నా తక్కువ కాలం ఏరియర్స్ పోగొట్టుకుంటారు.

With Cumulative Effect:

        దీన్ని అమలుచేసే ముందు విచారణాధికారిని నియమించాలి.సదరు ఉద్యోగి తన వాదనను వినిపించేoదుకు అవకాశం ఇవ్వాలి.ఉద్యోగికి చార్జిషిటు అందించడమే కాకుండా ఏ సాక్ష్యాధారాల ప్రకారం ఉద్యోగిపై ఆరోపణ చేయబడినదో కూడా అందించాలి.ఈ శిక్ష ప్రకారం ఉద్యోగి శాశ్వతంగా ఇంక్రిమెంటు కోల్పోతాడు.

ఇంక్రిమెంట్లు-రకాలు:

స్టాగ్నేషన్  ఇంక్రిమెంట్లు:

-తక్కువ వేతన స్కేలు యందు ఎక్కువ కాలం పనిచేసే ఉద్యోగులుకు వారి  వేతన స్కేల్ లలో గరిష్ఠం చేరుకునే అవకాశం ఉంది.అటువంటి వారు భవిష్యత్తు లో ఇంక్రిమెంట్లు లేక అదే వేతనంపై పదవీ విరమణ పొందేవరకు లేదా వేతన స్కేలు మారే వరకు పనిచేయాల్సి ఉంటుంది. అటువంటి వారికి న్యాయం చేసేందుకు స్టాగ్నేషన్ ఇంక్రిమెంట్లు మంజూరుచేస్తారు. ఈ స్టాగ్నేషన్ ఇంక్రిమెంట్లను అన్ని రకాల సౌలభ్యాల కొరకు (ఫిక్సేషన్,ప్రమోషన్లు, AAS )లకు పరిగణిస్తారు.

10వ పి.అర్.సి లో 5 

స్టాగ్నేషన్ ఇంక్రిమెంట్లు మంజూరుచేయబడ్డాయి.

(G.O.Ms.No.152 F&P Dt:04-11-2000)

(G.O.Ms.No.25 F&P Dt:18-03-2015)

ప్రిపోన్మెం ట్ ఆఫ్ ఇంక్రిమెంట్:

-ఉద్యోగుల వేతన స్థిరీకరణ  సందర్భాలలో గాని,పదోన్నతి పొందిన స్థితిలో గాని,వేతన నిర్ణయం చేయవలసి వచ్చినప్పుడు,జూనియర్,సీనియర్ ఉద్యోగుల వేతనం ఒకే స్కేలు లో ఒకే దశ యందు వేతన స్థిరీకరణ కాబడి సీనియర్ ఉద్యోగి కంటే జూనియర్ ఉద్యోగి ఎక్కువ వేతనం పొందుతున్న సందర్భంలో సీనియర్ ఉద్యోగి ఇంక్రిమెంట్ తేదీని జూనియర్ ఇంక్రిమెంట్ తేదికి ప్రీపోన్ చేయబడి వేతన రక్షణ కలుగజేయుట నే ప్రీపోన్మెంట్ ఆఫ్ ఇంక్రిమెంట్ అందురు.

ఇంక్రిమెంట్లు కొన్ని ముఖ్యాంశాలు:

- ఆఫీసులో పనిచేసే ఉద్యోగుల యొక్క ఇంక్రిమెంట్ ఏ నెలలో ఉన్నదో తెలుసుకోవడానికి ప్రత్యేకంగా ఒక రిజిస్టరు (ఇంక్రిమెంటు వాచ్ రిజిష్టర్) నిర్వహించాలి.

- ఉద్యోగి తన వార్షిక ఇంక్రిమెంటు మంజూరు చేయాలని విన్నవించుకోనవసరం లేదు.గడువు తేదీన డ్రాయింగ్ అధికారే సర్టిఫికెట్ పై స్వయంగా సంతకం చేయాలి.

(Memo.No.16965/77/A&L/185 Dt:13-02-1987)

- అర్జిత సెలవు లో(EL) కొనసాగుతూ మరణించినా,రిటైర్ అయినా సెలవు కాలంలో మొదటి 120 రోజులలో డ్యూ ఉన్న ఇంక్రిమెంట్ పెన్షన్,గ్రాట్యూటీలకు లెక్కించబడుతుంది.

- డైస్ నాన్ గా పరిగణించిన కాలము ఇంక్రిమెంట్లకు పరిగణించబడదు- FR 18

-ఉద్యోగి పదవీ విరమణ చేసిన మొదటి రోజున ఇంక్రిమెంట్ 'డ్యూ' ఉంటే దానిని నోషనల్ గా పరిగణించాలి.పెన్షనరీ ప్రయోజనాలకు లెక్కించాలి.కాని పదవీ విరమణ తరువాత చెల్లించే ఫైనల్ ఇంక్రిమెంట్ ఆఫ్ ఎర్న్ డ్ లీవ్ కు ఈ నోషనల్ ఇంక్రిమెంట్ పరిగణలోకి తీసుకోరాదు.

(G.O.Ms.No.352 Fin Dt:27-10-1998)

-ఏదైనా పరీక్షా లేదా టెస్టు వల్ల ప్రభుత్వ ఉద్యోగికి ఏదైనా హక్కు లేదా మినహాయింపు వచ్చినట్లయితే ఆ సౌలభ్యం చివరి పరీక్ష తేది నుండి మంజూరైనట్లుగా భావించాలి......

సరెండరు లీవు - కొన్ని వివరణలు

సరెండరు లీవు - కొన్ని వివరణలు

✍️ఒక ఆర్థిక సంవత్సరములో 15 రోజుల ఆర్జిత సెలవు సరెండరు చేయవచ్చు. అదేవిధంగా రెండు ఆర్థిక సంవత్సరములలో 30 రోజుల వరకు సరెండరు చేయవచ్చు. ఒక సరెండరు లీవుకు మరొక సరెండరు లీవుకు మధ్య వ్యవధి 12 నెలలు/24 నెలలు వుండవలెనని ఇదివరలో షరతు వుండెడిది. కాని

Govt. Circular Memo No 13870/A/436/FRI/2005 Fin.(FRI) Dept. dt 27-6-2005

✍️ద్వారా జారీ చేసిన వివరణ ద్వారా, ఆర్థిక సంవత్సరములో 15 రోజులు, రెండు ఆర్థిక సంవత్సరములలో 30 రోజులు అని తెలియజేసింది.

(Also.see Govt. Circular Memo No. 17915-c/542 FRI/2005 Fin: Dept. dt. 4-7-2005)

FAC అలవెను గురించి వివరణ.

FAC అలవెను గురించి వివరణ.

విద్యాశాఖలో చాలామంది టీచర్లు, హెచ్‌ఎంలు పూర్తి అదనపు బాధ్యతలతో FAC హెచ్‌ఎంలుగా.__FAC MEO లుగా పనిచేస్తున్నారు. ఇలా Full Additional Charge (FAC) బాధ్యతలు నిర్వర్తిస్తున్న వారికి FR 49 ప్రకారం FAC అలవెన్సు చెల్లిస్తారు. ఈ విషయమై వివరణ.

 14 రోజులకు మించి పూర్తి అదనపు బాధ్యతలు నిర్వహించినప్పుడు మాత్రమే FAC అలవెన్సు చెల్లిస్తారు.

- మొదటి మూడు నెలలు 1/5 వంతు పే అండ్‌ అలవెనుస్‌ ని FAC అలవెన్సు గా చెల్లిస్తారు.

- తదుపరి మూడు నెలలు 1/10 వంతు పే అండ్‌ అలవెన్సుస్‌ చెల్లిస్తారు.

- ఒకరోజు గ్యాప్‌ తో మళ్ళీ అదనపు బాధ్యతలు చేపడితే. __ మళ్ళీ మొదటి మూడు నెలలు 1/5 వంతు, తదుపరి మూడు నెలలు 1/10 వంతు పే అంద్‌ అలవెన్సులను FAC Allowance  గా చెల్లిస్తారు.

అనుమతిలేని గైర్‌హాజరు - FR.18 కు సవరణలు

అనుమతిలేని గైర్‌హాజరు -- FR.18 కు సవరణలు

ప్రభుత్వ ఉద్యోగి అనుమతిలేని గైర్ హాజరు అయిన ఈ క్రింద తెలిపిన సందర్భాలలో తన పదవికి రాజీనామా చేసినట్లు పరిగణించవలసియున్నది.

(Amendment issued to FR. 18 by adding as FR. 18-A issued in G.O.Ms. No. 128 Finance (FRI) dept. dt. 1-6-2007).

1. ఒక సంవత్సర కాలానికి మించి అనుమతిలేని గైర్ హాజరు (Absent) అయిన యెడల లేక

2. సెలవుపైగాని లేక, సెలవుగాని కాలం ఐదు సంవత్సరములు మించిన యెడల లేక

3. ప్రభుత్వం అనుమతించిన కాలాన్ని మించి Foreign సర్వీసులో డిప్యూటేషన్‌పై కొనసాగిన పక్షంలో.

పై సందర్భాలలో ఉద్యోగిపై చర్యలు తీసుకొనే ముందు ఆ ఉద్యోగి తన వాదనను వినిపించుకొనుటకు తగిన అవకాశం ఇవ్వవలెను.

(Added as Rule 5- B to A.P. Leave Rules 1933 in G.O.Ms. No. 129 F (FRI) Dept.dt. 1-6-2007)

అసాధారణ సెలవు - ఇంక్రిమెంట్లు

అసాధారణ సెలవు - ఇంక్రిమెంట్లు :

✍️ఒక ప్రభుత్వ ఉద్యోగి తన శక్తికి మించిన అసహాయ పరిస్థితులలో రోగ పీడితుడిగా వున్నప్పుడు ప్రభుత్వం ఈ విషయంలో సంతృప్తి చెందిన పక్షంలోగాని,లేక పై చదువులకుగాని,సాంకేతికపరమైన చదువులకుగాని అసాధారణ సెలవు మంజూరు చేసిన యెడల,అట్టి అసాధారణ సెలవు, ఇంక్రిమెంటు మంజూరు చేయుటకు పరిగణనలోకి తీసుకొనబడుతుంది.

(FR 26 (b) As introduced in G.O MS NO.357 Fin dept Dated. 1-9-1962).

✍️కాని సస్పెన్సనుకు గురియైన ఉద్యోగి సస్పెన్షను కాలాన్ని అసాధారణ సెలవుగా Anual Grade Increment) వరిగణించినప్పుడు,అట్టి కాలాన్ని వార్షిక ఇంక్రిమెంటు కొరకు పరిగణించుటకు వీలులేదు.

(Govt Memo No.11302/FR2/64-1 Fin dept Dated.16-6-1964).

✍️సస్పెన్షనుకు గురియైన ఉద్యోగి అంతిమ క్రమశిక్షణా చర్యల పర్యవసానంగా,సస్పెన్నను కాలాన్ని నాట్‌ డ్యూటీ (Not Duty) గా క్రమబద్ధీకరించిన సందర్భంగా,ఏ మేరకైతే అసాధారణ సెలవు (Extra-Ordinary) సెలవు క్రింద పరిగణిస్తారో,అట్టికాలం వార్షిక ఇంక్రిమెంటు (Anual Grade Increment) కు పరిగణించబడదు

(Govt Memo No.11302 FR2/64-1 Fin dept Dated.16-6-1964).

సందేహాలు - సమాధానాలు - పెన్షన్

సందేహం

సర్వీసులో Interruption అంతరాయము వుంటే, పెన్నన్‌కు అర్హమగు సర్వీసు ఎలా లెక్కించాలి?

సమాధానం

✍️సర్వీసులో అంతరాయము కలిగిన కాలాన్ని పెన్సనుకు పరిగణించరు, కాని ఈ క్రింది సందర్భాలలో పరిగణిస్తారు.

(1) గైర్హాజరు కాలానికి సెలవు మంజూరు చేసినప్పుడు

(2) సస్పెన్షన్‌ తర్వాత తిరిగి ఉద్యోగములో నియమించినప్పుడు

(3) జాయినింగ్‌ టైము వినియోగించినప్పుడు

(4) పోస్టులు రద్దు అయినప్పుడు లేక కార్యాలయమే రద్దు కాబడినప్పుడు

(5) పెన్షను మంజూరు అధికారి వివిధ రకాల Interruption అసాధారణ సెలవుగా పరిగణించినప్పుడు

రూలు 27 (ఎ) నుండి (ఎఫ్‌) (2)

సందేహం

Invalid Pension ఎప్పుడు చెల్లిస్తారు?

సమాధానం

✍️ఒక ఉద్యోగి,అతను చేస్తున్న ఉద్యోగము చేయలేడని మెడికల్‌ అధారిటీ డిక్లేరు చేస్తే అతనికి రూలు 45 లోబడి Invalid Pension మంజూరు చేస్తారు.

అయితే మెడికల్‌ అధారిటి ఉద్యోగి ఇప్పుడు చేస్తున్న పనికంటే తక్కువ శ్రమ కల్గిన పనిచేయగలడు అని భావిస్తే అతనిని ఆ పోస్టులో నియమించవచ్చు.ఆ పని చేయడానికి అతనికి ఇష్టం లేకపోతే అప్పుడు అతనికి Invalid Pension మంజూరు చేస్తారు.

ఉద్యోగి దుర అలవాట్ల కారణంగా అతనికి అనారోగ్యం సంభవిస్తే అతనికి Invalid Pension మంజూరు చేయబడదు.

రూలు 37 (1) (2) (3)

సందేహాలు - సమాధానాలు

సందేహాలు - సమాధానాలు

ప్రశ్న:

నేను B.Ed లో 3rd methodology గా  maths చేశాను. నాకు స్కూల్ అసిస్టెంట్ పదోన్నతి ఇస్తారా?

జవాబు:

మెమో.434204/2016 ప్రకారం సింగిల్ సబ్జెక్టు లు & 3rd methodology లు పదోన్నతి కి పనికిరావు.

ప్రశ్న:

పిల్లలను దండించటం నేరమా??

జవాబు:

జీఓ.16 ; తేదీ:18.2.2002 ప్రకారం స్కూళ్ళు లో పిల్లలను దండించటం పూర్తి గా నిషేదించటమైనది.

ప్రశ్న:

నేను ఫిబ్రవరిలో ELs క్యాష్ చేసుకోవాలని అనుకుంటున్నాను.నాకు 28 రోజులకే డబ్బులు ఇస్తారా?

జవాబు:

జీఓ.306 ; ఆర్ధిక ; 8.11.74 ప్రకారం నెలలో ఎన్ని రోజులు(28,29,30,31) ఉన్నను డబ్బులు 30 రోజులకి లెక్కగట్టి ఇస్తారు.

ప్రశ్న:

నాకు 20 ఇయర్స్ సర్వీసు నిండినది.నేను వాలంటరి రిటైర్మెంట్ తీసుకోవాలని అనుకొనుచున్నాను.ఐతే నేను మధ్యలో 3 ఇయర్స్ జీత నష్టపు సెలవు పెట్టాను.ఇపుడు నాకు అర్హత ఉందా? లేదా?

జవాబు:

అర్హత లేదు.20 ఇయర్స్ నెట్ సర్వీస్ పూర్తి చేసి ఉండాలి.

ప్రశ్న:

నేను దసరా సెలవులు అనంతరం సెలవు పెట్టాలని అనుకొనుచున్నాను.సెలవు పెట్టవచ్చా?

జవాబు:

దసరా సెలవులు 10 రోజులు ఇచ్చారు.మీరు 1 రోజు సెలవు పెడితే మొత్తం సెలవులు 11 రోజులు అవుతాయి.కాబట్టి CL ఇవ్వటం కుదరదు.మీరు గనక సెలవు పెడితే మొత్తం సెలవులకు eligible leave పెట్టుకోవలసి ఉంటుంది.

సందేహాలు - సమాధానాలు

సందేహం

సస్పెన్షన్ పీరియడ్‌ ను అర్హత గల సెలవుగా మంజూరు చేశారు.అంటే ఏమిటి?

సమాధానం:

✍️సెలవు నిబంధనలు 1933 ప్రకారం అర్హత గల సెలవు అంటే అర్థ జీతపు సెలవు లేదా సంపాదిత సెలవు లేదా జీత నష్టపు సెలవు.*  

సందేహం

      

నేను జీత నష్టపు సెలవు పెట్టి M.Ed చేయాలని అనుకుంటున్నాను.నేను ఏమి నష్ట పోతాను?

సమాధానం:

✍️జీత నష్టపు సెలవు పెట్టినంతకాలం ఇంక్రిమెంట్‌,AAS స్కేల్స్‌ వాయిదా పడతాయి. మూడు సంవత్సరములు పైన జీత నష్టపు సెలవు కాలం పెన్లన్‌ కి అర్హదాయక సర్వీస్‌ గా పరిగణింపబడదు.

సందేహాలు - సమాధానాలు

సందేహాలు - సమాధానాలు

1. ప్రశ్న:

ఒక సంవత్సర కాలంలో ఆరు మాసములు జీతనష్టపు సెలవుపై వెళ్ళిన, ఆ కాలానికి అర్ధజీతపు సెలవు యధాతధంగా జమచెయ్యవచ్చునా ?

జవాబు:

జమ చెయ్యవచ్చును. సెలవు నిబంధనలు 1933 లోని రూలు 13(a) ప్రకారం మంజూరు చేయబడిన జీతనష్టపు సెలవు లేదా అసాధారణ సెలవు కూడా సర్వీసుగానే పరిగణించబడుతుంది.

2. ప్రశ్న:

నేను ఒక CPS ఉద్యోగిని. ఏ సందర్భంలో 50వేల రూపాయలు టాక్స్ ఎక్జంప్సన్ క్లైం చేసుకోవచ్చు ?

జవాబు:

మీ సేవింగ్స్ 80CC ప్రకారం 1.5 లక్షలు దాటి వున్నపుడు మాత్రమే అదనంగా 50వేల రూపాయల టాక్స్ ఎక్జంప్సన్ వర్తిస్తుంది. (eఫైలింగ్ చేస్తే)లేదంటే వర్తించదు.

3. ప్రశ్న:

ఫ్యామిలీ ప్లానింగ్ ఇంక్రిమెంట్ మరియు అదనపు విద్యా అర్హతలకి ఇంక్రిమెంట్లు ఎప్పటి నుంచి నిలుపుదల చేశారు?

జవాబు:

వీటిని 98 వేతన స్కేల్స్ లో నిలుపుదల చేశారు. ఈ నిలుపుదల 1.7.98 నుండి అమలు చేశారు. 1.7.98 ముందు వారికి ఈ ఇంక్రిమెంట్లు వర్తిస్తాయి.

4. ప్రశ్న:

ఐటీ లో ధార్మిక సంస్థలకి ఇచ్చే విరాళాలు పై ఎంత మినహాయింపు వర్తిస్తుంది?

జవాబు:

కొన్ని సంస్థలకి 100% , మరికొన్ని సంస్థ లకి 50% పన్ను మినహాయింపు వర్తిస్తుంది.

5. ప్రశ్న:

ప్రసూతి సెలవును ఏదైనా సెలవు తో కలిపి వాడుకోవచ్చునా?

జవాబు:

FR.101(ఎ)ప్రకారం మెడికల్ సెర్టిఫికెట్ జతపరచి అర్హత గల సెలవును ప్రసూతి సెలవుతో కలిపి వాడుకోవచ్చు.

6. ప్రశ్న:

OH, ఆదివారం లను కూడా suffix, prefix గా వాడుకోవచ్చా?

జవాబు:

మెమో.86595 తేదీ:29.5.61 ప్రకారం ఐచ్చిక సెలవు దినాలు, పరిహార సెలవు దినాలను suffix లేదా preffix గా వాడుకోవచ్చు.

7. ప్రశ్న:

TSGLI ప్రీమియం అదనంగా చెల్లించాలంటే వైద్య ధ్రువ పత్రం సమర్పించాలా?

జవాబు:

జీఓ.26 తేదీ:22.2.95 ప్రకారం చెల్లించవలసిన ప్రీమియం కన్నా అదనంగా చెల్లించుటకు ప్రతిపాదనలు సమర్పించే వారు గుడ్ హెల్త్ సెర్టిఫికెట్ ఇవ్వవలసి ఉంటుంది.

8. ప్రశ్న:

మెడికల్ రీ-అంబర్సుమెంట్ బిల్లులు ఎప్పట్లోగా dse కి పంపాలి?

జవాబు:

హాస్పిటల్ నుండి డిశ్చార్జి ఐన తర్వాత 6 నెలలు లోగా ప్రతిపాదనలు dse కి పంపుకోవాలి.

9. ప్రశ్న:

నాకు 20 ఇయర్స్ సర్వీసు నిండినది. నేను వాలంటీర్ రిటైర్మెంట్ కావాలి అని అనుకుంటున్నాను. నాకు వెయిటేజ్ ఎంత ఇస్తారు?

జవాబు:

క్వాలిఫై సర్వీసుకి 60 ఇయర్స్ కి గల తేడాను వెయిటేజ్ గా add చేస్తారు. ఐతే దీని గరిష్ట పరిమితి 5 ఇయర్స్.

10. ప్రశ్న:

డిపార్ట్మెంట్ టెస్టుల్లో తెలుగు, హిందీ, ఉర్దూ ఎవరు రాయాలి?

జవాబు:

ఇంటర్ మరియు పై స్థాయిలో తెలుగు ఒక భాషగా చదవని వారు తెలుగు (కోడ్--37) రాయాలి. అదేవిధంగా 10,ఆ పై స్థాయిలో హిందీ/ఉర్దూ ఒక భాషగా చదవని వారు spl language test హిందీ/ఉర్దూ రాయాలి.

11. ప్రశ్న:

UP స్కూల్ లో పనిచేస్తున్న టీచర్ అదే మండలం నకు FAC MEO గా భాద్యత లు నిర్వహించుచున్న అతని వార్షిక ఇంక్రిమెంట్లు, ELs ఎవరు మంజూరు చేస్తారు?

జవాబు:

FR.49 ప్రకారం ఒక పోస్టులో అదనపు బాధ్యతలు నిర్వహించుచున్న సందర్భంలో ఆ పోస్టుకి గల అన్ని అధికారాలు సంక్రమిస్తాయి. కనుక వార్షిక ఇంక్రిమెంట్లు తనే మంజూరు చేసుకోవచ్చు. ELs మాత్రం DEO గారి అనుమతితో జమ చేయవలసి ఉంటుంది.

గురువా గురువా లోకానికి తెలుసా నీ విలువా...!

 మగువా మగువా

పాటలోని  పదాల స్థానంలో గురువా గురువా పెడితే 

ఎలా ఉంటుందో చూడండి.  

తెలుగు భాషా గొప్ప తనం 

పల్లవి

గురువా గురువా లోకానికి తెలుసా నీ విలువా...!

గురువా గురువా 

నీ జ్ఞానానికి సరిహద్దులు కలవా...!

అటు ఇటు అన్నింటా, 

నువ్వే జగమంతా

బరువులు  మోస్తావు 

ఇంటా బయట...

అలసట  ఉందంటూ 

అననే అనవంట...

భవిష్యత్ రాస్తావు 

పిల్లల బ్రతుకంతా! 

స.. గ.మ.ప.మ.గ.స... గ.మ.ప.మ.గ.స... గ.మ.ప.మ.గ... గ.మ.ప.మ.గ... గ.మ.ప.గ.స...

గురువా గురువా లోకానికి తెలుసా నీ విలువా...!

గురువా గురువా 

నీ జ్ఞానానికి సరిహద్దులు కలవా...!

చరణం

నీ బోధన స్వరమే  శృతి చేయకపోతే 

ఈ భూమికి తెలవారదుగా...!

నీ కరముల కలమే కదలాడకపోతే 

ఏ అభ్యసన కొనసాగదుగా...!

ప్రతి మలుపులోను ప్రేమగా అల్లుకున్న బంధమా! అంతులేని నీ శ్రమ అంచనాలకందునా...!

ఆలయాలు కోరని జ్ఞానశక్తి రూపమా! 

నీవులేని జగతిలో శాస్త్రమే దొరుకునా...!

నీదగు సాధనలో 

ప్రియమగు బోధనలో 

ప్రతి ఒక విద్యార్థి నీవాడేగా...!

ఎందరి పెదవులలో 

ఏ చిరునవ్వున్నా 

ఆ సిరి మెరుపులకు మూలం నువ్వేగా...!

స.. గ.మ.ప.మ.గ.స... గ.మ.ప.మ.గ.స... గ.మ.ప.మ.గ... గ.మ.ప.మ.గ... గ.మ.ప.మ.గ.స...

గురువా గురువా లోకానికి తెలుసా నీ విలువా...!

గురువా గురువా 

నీ జ్ఞానానికి సరిహద్దులు కలవా...!

Dedicated to all Teachers 🙏🙏🙏

సందేహాలు - సమాధానాలు

 సందేహాలు - సమాధానాలు -

1. ప్రశ్న

ఒక ఉపాధ్యాయుడు సస్పెన్షన్ ఐతే,అతనికి PRC వర్తించదా?

జవాబు:

అతను సస్పెన్షన్ కి ముందు రోజు ఉన్న బేసిక్ పే ఆధారంగా PRC చేయించుకోవచ్చు.

2.  ప్రశ్న

చైల్డ్ కేర్ లీవ్ మంజూరు విషయంలో  ఉపాధ్యాయినిల వేతనంలో కోత విధిస్తారా ?

జవాబు:

G.O.Ms.No.209 Fin తేది:21-11-2016 ప్రకారం చైల్డ్ కేర్ లీవ్ సెలవును ముందుగా డి.డి.వో తో మంజూరు చేయించుకున్న తరువాత వాడుకోవాలి. మంజూరు ఉత్తర్వులిచ్చి,ఎస్.ఆర్ నందు నమోదుచేసి ఆ నెల పూర్తి వేతనాన్ని యధావిధిగా మంజూరు చేయాల్సిన బాధ్యత డి.డి.ఓ లకే ఉంటుంది.

3. ప్రశ్న

స్కూల్ ఇంచార్జ్ బాధ్యతలు హెచ్.ఏం ఎవ్వరికైనా ఇవ్వవచ్చునా ? లేక సీనియారిటీ ప్రకారమే ఇవ్వాలా ?

జవాబు:

డి.ఎస్.సి ఉత్తర్వుల సంఖ్య Rc.2409/C3-1/2004 తేది: 27.01.2005 ప్రకారం ప్రధానోపాధ్యాయుని అర్హతలు కలిగిన వారిలో సీనియరు ఉపాధ్యాయుడిని మాత్రమే ఇంచార్జ్ గా లేదా ఎఫ్.ఏ.సి.గా నియమించాలి.

4. ప్రశ్న

 ఎస్.జి.టి ఉపాధ్యాయుడు 24 సం॥ స్కేలు పొందుటకు డిపార్ట్మెంటల్ పరీక్షల ఉత్తీర్ణత సాధించాలా ?

జవాబు:

G.O.Ms.No.38 Fin తేది:15.04.2015 ప్రకారం 24 సం॥ స్కేలు పొందుటకు ఖచ్చితంగా డిపార్ట్మెంటల్ పరీక్షలు (GOT&EOT) ఉత్తీర్ణత సాధించాలి

5. ప్రశ్న

వాలంటరి రిటైర్మెంట్ తీసుకోవాలనుకుంటే ఎంత సర్వీస్ పూర్తిచేసి ఉండాలి? పూర్తి రిటైర్మెంట్ బెనిఫిట్స్ వస్తాయా?

జవాబు:

ఏ.పి.రివైజ్డ్ పెన్షన్ రూల్స్-1980 లోని రూల్ 43 ప్రకారంగా 20 సం॥ సర్వీసు (అసాధారణ సెలవు కాకుండా) పూర్తిచేసిన వారికి వాలంటరి రిటైర్మెంట్ అర్హత లభిస్తుంది. రిటైర్మెంట్ ప్రయోజనాలన్నీ వర్తిస్తాయి.

6 ప్రశ్న

 ముగ్గురు సంతానం ఉన్న ఉపాధ్యాయిని హిస్టరక్టమి ఆపరేషన్ చేయించుకుంటే 45 రోజుల సెలవుకు అర్హత ఉన్నదా ?

జవాబు:

G.O.Ms.No.52 Fin తేది: 1.4.2011 లో సంతానం ఇంతే మంది ఉండాలన్న షరతు ఏమీలేదు. అందుచేత సంతానం సంఖ్యతో నిమిత్తం లేకుండా 45 రోజుల సెలవు పొందవచ్చును.

7. ప్రశ్న

నేను SA గా పదోన్నతి పొందాను. నాకు ప్రస్తుతం 56 ఇయర్స్. GOT పాస్ అయ్యాను. నాకు 12 ఇయర్స్ స్కేల్ వస్తుందా?

జవాబు:

మెమో.21073 తేదీ: 21.2.2009 ప్రకారం మీకు 12 ఇయర్స్ స్కేల్ ఇవ్వటం సాధ్యపడదు.

8. ప్రశ్న

నేను 19 ఇయర్స్ సర్వీసు పూర్తి చేశాను. వాలంటరి రిటైర్మెంట్ తీసుకోవటానికి అవకాశం ఉందా?

జవాబు:

వాలంటరి రిటైర్మెంట్ తీసుకోవటానికి 20 ఇయర్స్ సర్వీసు తప్పక ఉండాలి.ఐతే 20 ఇయర్స్ సర్వీసు లేకుండానే ఒక టీచర్ కి జీఓ.51 తేదీ: 24.8.13 ప్రకారం వాలంటరి రిటైర్మెంట్ కి అవకాశం కల్పించారు. మీరు కూడా ప్రభుత్వం ద్వారా ప్రత్యేక ఉత్తర్వులు పొందవలసి ఉంటుంది.

9. ప్రశ్న

11 రోజులను కూడా సరెండర్  చేసుకోవచ్చా?

జవాబు:

జీఓ.334 తేదీ: 28.9.1977 ప్రకారం 11 రోజులు కూడా సరెండర్ చేసుకొని నగదు పొందవచ్చు.

10. ప్రశ్న

సరెండర్ కాలానికి IR చెల్లించబడతాయా?

జవాబు:

IR మాత్రం చెల్లించబడదు.

EHS సందేహాలు - సమాధానాలు

EHS  సందేహాలు - సమాధానాలు

సందేహం: ఉద్యోగి తల్లిదండ్రులకు ఆరోగ్యశ్రీ కార్డు వుంటే, వారు ఈ పథక ప్రయోజనాలకు అర్హులా?

సమాధానం: ఆరోగ్య శ్రీ కార్డు (తెల్ల కార్డు)ను కేవలం బిపిఎల్‌ కుటుంబాలకు మాత్రమే ఇస్తారు. ఒకవేళ తల్లిదండ్రులు తమ జీవిక కోసం పూర్తిగా ప్రభుత్వ ఉద్యోగిపై ఆధారపడివుంటే, వారి తెల్ల రేషన్‌ కార్డును రద్దు చేసి, పేదలకు ఉద్దేశించిన ప్రయోజనాలను పొందుతున్నందుకు ఉద్యోగిపై క్రమశిక్షణా చర్యలను తీసుకొంటారు. తల్లిదండ్రులు స్వతంత్రంగా జీవిస్తూ, ఆరోగ్య శ్రీ కార్డు కలిగివుంటే వారికి అర్హత వుండదు. ఉద్యోగుల ఆరోగ్య పథకంలో వారిని ఉద్యోగి చేర్చకూడదు.

సందేహం: తెల్ల రేషన్‌ కార్డు కలిగిన ఉద్యోగి తల్లిదండ్రులను లబ్దిదారులుగా చేర్చివుండి, ఉద్యోగి వారి పేర్లను దరఖాస్తు నుంచి తొలగించాలంటే ఏం చేయాలి?

సమాధానం: తెల్లరేషన్‌ కార్డు కలిగిన తల్లిదండ్రులను లబ్దిదారులుగా చేర్చివున్నట్లయితే, ఆ ఉద్యోగి వారి పేర్లను తొలగించేందుకు ఇహెచ్‌ఎఫ్‌ పోర్టల్‌లో ఆన్‌లైన్‌లో దరఖాస్తు చేసుకోవాలి. లేదా దరఖాస్తు నుంచి వారి పేర్లను తొలగించేందుకు సంబంధిత డిడిఓను సంప్రదించాలి.

సందేహం: ఉద్యోగి / పింఛనుదారుల అత్తమామలు అర్హులా?

సమాధానం: కాదు. ఉద్యోగి / పింఛనుదారుల అత్తమామలు అర్హులు కాదు.

సందేహం: సవతి పిల్లలు ( స్టెప్‌ చిల్డ్రన్‌ ) ఇహెచ్‌ఎస్‌ సదుపాయానికి అర్హులా?

సమాధానం: అవును. జి.ఓ. ఎంఎస్‌. నెం. 174, హెచ్‌ఎం అండ్‌ ఎఫ్‌డబ్ల్యు (ఎం2) డిపార్ట్‌మెంట్‌, తేదీ 01.11.2013 ప్రకారం స్టెప్‌ చిల్డ్రన్‌ ఇహెచ్‌ఎస్‌ ప్రయోజనాలకు అర్హులు.

సందేహం: దత్తత తీసుకున్న పిల్లలు లేదా దత్తత తీసుకొన్న తల్లిదండ్రులకు పథకం వర్తిస్తుందా?

సమాధానం: అవును. దత్తత తీసుకొన్న తల్లిదండ్రులు లేదా జన్మనిచ్చిన తల్లిదండ్రులలో ఎవరో ఒకరికి మాత్రమే వర్తిస్తుంది కానీ అందరికీ కాదు. అదే విధంగా దత్తత తీసుకొన్న పిల్లలకు కూడ వర్తిస్తుంది.

సందేహం: నిరుద్యోగిగా వున్న కుమారుడు 25 సంవత్సరాల వయస్సు దాటిన తర్వాత కూడ ఉద్యోగిపై ఆధారపడి జీవిస్తుంటే, అతడు పథక ప్రయోజనాలకు అర్హుడా?

సమాధానం: కాదు. కుమారుడికి 25 సంవత్సరాలు దాటిన పథక ప్రయోజనాలు పొందేందుకు అనర్హుడు అవుతాడు. ఉద్యోగి / పింఛనుదారుడిపై ఆధారపడిన కుమారుడు వికలాంగుడై, ఆ వైకల్యం అతడి ఉపాధికి అవరోధంగా వుంటే, పథక ప్రయోజనాలు అతడికి వర్తిస్తాయి. అయితే వైకల్య ధృవీకరణ పత్రాన్ని తప్పనిసరిగా సమర్పించాలి.

సందేహం: భార్యాభర్తల్లో ఒకరు ప్రభుత్వ ఉద్యోగిగా వుండి, వేరొకరు ప్రైవేటు లేదా ఇతర వైద్య బీమా పథకం క్రింద వుంటే, వారు అర్హులా?

సమాధానం: అవును. కుటుంబ సభ్యులైన ఆమె / అతడిని పథక లబ్ధిదారుగా చేర్చవచ్చు. అయితే వారికి సిజిహెచ్‌ఎస్‌, ఇఎస్‌ఐఎస్‌, రైల్వే, ఆర్‌టిసి, ఆరోగ్య భద్రత, ఆరోగ్య సహాయత వర్తిస్తుంటే, ఇహెచ్‌ఎస్‌ ప్రయోజనాలను పొందటానికి వీలులేదు.

సందేహం: ఆరోగ్య భద్రత, ఆరోగ్య సహాయత పథకం వర్తించే ఉద్యోగులు ఇహెచ్‌ఎస్‌ క్రింద నమోదుకు అర్హులా?

సమాధానం: కాదు. ఉద్యోగిగా అతడు / ఆమె కి ఇహెచ్‌ఎస్‌ వర్తించదు. అయితే పదవీ విరమణ తర్వాత సర్వీస్‌ పెన్షనర్లు, కుటుంబ పింఛనుదారులకు పథక ప్రయోజనాలు వర్తిస్తాయి.

సందేహం: నిరుద్యోగి అయిన కుమార్తె, అవివాహిత అయితే, ఆమెకు పథకం వర్తిస్తుందా?

సమాధానం: అవును. అవివాహితలు, భర్త మరణించిన వారు లేదా విడాకులు తీసుకున్న వారు లేదా భర్త వదిలిపెట్టిన కుమార్తెలు నిరుద్యోగిగా వుంటే, వారు అర్హులవుతారు. తర్వాత వారికి వివాహం జరిగితే, వారు అనర్హులవుతారు.

సందేహం: *25 సంవత్సరాల వయస్సు దాటిన కుమారుడి పేరును తొలగించే అధికారం ఎవరికి ఉంటుంది?

సమాధానం: ఉద్యోగి / పింఛనుదారు పేర్కొన్న కుమారుడి జన్మదినం వివరాలు సిస్టమ్‌లో వుంటాయి. 25 సంవత్సరాల వయస్సు దాటిన కుమారుడిని సిస్టమ్‌ ఆటోమాటిక్‌గా అనర్హుడిగా చేయటంతో పాటు అతడి ఆరోగ్య కార్డును ఇన్‌వాలిడేట్‌ చేస్తుంది.

సందేహం: నా పాస్‌వర్డ్‌ మర్చిపోయాను. కొత్త పాస్‌వర్డ్‌ను రీసెట్‌ చేయటం ఎలా?

సమాధానం: హోమ్‌ పేజీలో సైన్‌ ఇన్‌ బటన్‌ను క్లిక్‌ చేసిన తర్వాత 'ఫర్‌గాట్‌ పాస్‌వర్డ్‌' పై క్లిక్‌ చేయాలి. సిస్టమ్‌ జెనరేట్‌ చేసిన పాస్‌వర్డ్‌ దరఖాస్తుదారు మొబైల్‌ నెంబరుకు, ఇ మెయిల్‌ ఐడికి అందుతుంది.

సందేహం: కొన్ని వివరాలను తప్పుగా వ్రాసి దరఖాస్తును ట్రస్ట్‌కు సమర్పించటం జరిగింది. వీటిని సరి చేయటం ఎలా?

సమాధానం: పింఛనుదారుల విషయంలో ఒకసారి సమర్పించిన తర్వాత, వ్యక్తిగతంగా దానిని సరిచేయటానికి కుదరదు. ట్రస్ట్‌ / ఎస్‌టిఓ / ఎపిపిఓ దరఖాస్తును తిరస్కరించినప్పుడు దరఖాస్తుదారు వివరాలను సరిచేసి, అంగీకారం కోసం తిరిగి సమర్పించాలి. లేదా ఫిర్యాదును బట్టి ట్రస్ట్‌ జెఇఓ (ఇహెచ్‌ఎస్‌) సరిచేయవచ్చు. ఉద్యోగుల విషయంలో, డిడిఓలు ఆర్థిక శాఖకు అందజేసిన హెచ్‌ఆర్‌ఎంఎస్‌ డేటాను ఉపయోగిస్తూ ఆరోగ్య కార్డులను జారీ చేయటం జరుగుతుంది. అందజేసిన సమాచారంలో తప్పులను సరిచేసే అవకాశం ఉద్యోగులకు వుంది. ఉద్యోగులు ఆధార్‌ వివరాలను ఎడిట్‌ చేయవచ్చు. ఇతర వివరాలను ఎడిట్‌ చేయటానికి కుదరదు.

సందేహం: పాస్‌వర్డ్‌ను మారుస్తున్నప్పుడు నా మొబైల్‌ నెంబరును తప్పుగా పేర్కొనటం జరిగింది. ఇపుడు నేను ఏం చేయాలి?

సమాధానం: అటువంటి సందర్భాలలో, తగు చర్య తీసుకొనే నిమిత్తం www.ehf.telangana.gov.in పోర్టల్‌లో యూజర్‌ ఐడి, పేరు, అసలు మొబైల్‌ నెంబరు వివరాలను తెలియజేస్తూ ఫిర్యాదు చేయాలి.

సందేహం: ఇచ్చిన యూజర్‌ ఐడి, పాస్‌వర్డ్‌లతో నేను లాగిన్‌ కావాలనుకొన్నప్పుడు, 'ఇన్‌వాలిడ్‌ యూజర్‌ ఐడి లేదా పాస్‌వర్డ్‌' అనే హచ్చరిక సందేశం వస్తోంది. నేను ఏమి చేయాలి?

సమాధానం: ఇన్‌వాలిడ్‌ యూజర్‌ ఐడి, పాస్‌వర్డ్‌ ఏదీ వుండదు. రిజిస్టర్‌ చేసుకొన్న మొబైల్‌కు 8 డిజిట్‌ల పాస్‌వర్డ్‌ను ఎస్‌ఎంఎస్‌ చేయటం జరుగుతుంది. ఇమెయిల్‌కు కూడ పంపటం జరుగుతుంది. ఈ 8 డిజిట్‌ల పాస్‌వర్డ్‌ "nAI0xQk7" ” (కేస్‌ సెన్సిటివ్‌) లా వుంటుంది. దీనిని సరిగా ఎంటర్‌ చేయాలి.

సందేహం: పింఛనుదారు దరఖాస్తును ట్రస్ట్‌ / ఎస్‌టిఓ / ఎపిపిఓ కొన్ని రిమార్కులతో తిరస్కరించారు. తిరిగి సమర్పించేందుకు అనుసరించవలసిన ప్రక్రియ ఏమిటి?

సమాధానం: రిమార్కుల ప్రకారం సరిచేసి, దానిని వెరిఫికేషన్‌ మరియు అంగీకారం నిమిత్తం తిరిగి సమర్పించాలి.

సందేహం: ఆధార్‌ కార్డులో ఉన్న ఉద్యోగి / పింఛనుదారు పేరుకూ సర్వీస్‌ రిజిస్టర్‌ / పిపిఓ కాపీలో వున్న పేరుకూ కొంత వ్యత్యాసం వుంది. నేను ఏ పేరు ఎంటర్‌ చేయాలి?

సమాధానం: సర్వీస్‌ రిజిస్టర్‌ / పిపిఓ కాపీలో ఉన్న పేరు వ్రాయండి.

సందేహం: పింఛనుదారులు నమోదయ్యేందుకు చివరి తేదీ ఏది?

సమాధానం : పింఛనుదారులు నమోదు అయ్యేందుకు చివరి తేదీ అంటూ ఏదీ లేదు.

సందేహం: లబ్ధిదారులకు ఎస్‌ఎంఎస్‌ను ఎప్పుడు పంపుతారు?

సమాధానం: దరఖాస్తుదారు రిజిస్టర్‌ చేసుకొన్న మొబైల్‌ నెంబరుకు క్రింద సూచించిన సందర్భాలలో ఎస్‌ఎంఎస్‌ పంపటం జరుగుతుంది.

ఎ. దరఖాస్తుదారు పాస్‌వర్డ్‌ మారుస్తున్నప్పుడు

బి. దరఖాస్తుదారు ''ఫర్‌గాట్‌ పాస్‌వర్డ్‌'' ఆప్షన్‌ను ఎంచుకొన్నప్పుడు*

*సి. పింఛనుదారు దరఖాస్తు సమర్పించినప్పుడు*

*డి. ట్రస్ట్‌ / ఎస్‌టిఓ / ఎపిపిఓ దరఖాస్తును అంగీకరించినప్పుడు / తిరస్కరించినప్పుడు / నిలిపివేసినప్పుడు