సందేహాలు - సమాధానాలు

సందేహాలు - సమాధానాలు

1. ప్రశ్న:

మెడికల్ సెలవు లో ఉండి వాలంటరి రిటైర్మెంట్ కి అప్లై చేయవచ్చా?

జవాబు:

చేయవచ్చు. కానీ నష్టం జరుగుతుంది. మెడికల్ సెలవులో ఉండి వాలంటర్ రిటైర్మెంట్ కి అప్లై చేస్తే కమ్యూటెడ్ కాలానికి వేతనం రాదు. అదే స్కూల్లో జాయిన్ ఐన పిదప వాలంటరీ రిటైర్మెంట్ కి అప్లై చేస్తే కమ్యూటెడ్ కాలానికి పూర్తి వేతనం పొందవచ్చు.

2. ప్రశ్న:

స్వచ్చంద ఉద్యోగ విరమణ చేయదలచుకొన్నపుడు ఎలా దరఖాస్తు చేసుకోవాలి?

జవాబు:

స్వచ్ఛంద ఉద్యోగ విరమణ కి అనుమతి కోరుతూ HM ద్వారా DEO గారికి 3 నెలల ముందు దరఖాస్తు చేసుకోవాలి. దరఖాస్తుతో పాటు ఫిజికల్ ఫిట్నెస్ సర్టిఫికేట్, SR,10వ తరగతి నుండి విద్యా అర్హతల సర్టిఫికేట్లు, సెల్ఫ్ డిక్లరేషన్ జతపరచాలి.

3. ప్రశ్న:

సర్వీసు మొత్తం మీద ఎన్ని కమ్యూటెడ్ సెలవులు వాడుకోవాలి?

జవాబు:

సర్వీసు మొత్తం మీద 240 రోజులు కమ్యూటెడ్ సెలవుగా వాడుకోవచ్చు. అప్పుడు అర్థ జీతపు సెలవు ఖాతా నుండి 480 రోజులు తగ్గించబడతాయి. ఆ తర్వాత కూడా సెలవు అవసరం ఐతే కేవలం అర్ధ జీతపు సెలవుగా మాత్రమే ఖాతాలో నిల్వ ఉన్నంత వరకు వాడుకోవచ్చు.

4. ప్రశ్న:

ఓపెన్ యూనివర్సిటీ SSC, ఇంటర్ పరీక్షల ఇన్విజిలేటర్ గా పనిచేసిన వారికి సంపాదిత సెలవు నమోదు కొరకు ప్రతి సంవత్సరం ఉత్తర్వులు రావాలా?

జవాబు:

అవసరం లేదు. పాఠశాల విద్యాశాఖ సంచాలకులు వారి ఉత్తర్వులు ఆర్.సి.నం.362/ఇ1-1/2013 తేదీ:16.11.2013 ప్రకారం జమ చేయవచ్చు.

సందేహాలు - సమాధానాలు

సందేహాలు - సమాధానాలు

ప్రశ్న:

చదువుకునే ఆడవారు ఆధార్, పాన్ కార్డ్ లను వారి యొక్క ఇంటి పేరుతో తీసుకున్న వాటిని వివాహమైన తర్వాత భర్త ఇంటి పేరుతో తప్పనిసరిగా తీసుకోవాలా? పుట్టినింటి సర్ నేమ్ ను కొనసాగించ వచ్చునా?

జవాబు:

ఆడవారి surname ఎప్పుడు కూడా వారి తండ్రిది మాత్రమే ఉంటుంది. పెళ్ళితర్వాత భర్తది వస్తుంది కదా అనుకుంటారు... అలా రాదు. వారి పిల్లలకు మాత్రమే వస్తుంది. సో..ఆధార్ లో అయినా, PAN లో అయినా పేరు సర్టిఫికెట్ ప్రకారమే ఉండాలి. అవసరం  అయితే ఆధార్ లో W/o అని భర్త పూర్తి పేరు పెట్టుకోండి. తప్ప మీ ఇంటిపేరు ఎట్టి పరిస్థితుల్లో మార్చకండి. ఉద్యోగ నియామక అప్లికేషన్ చేసిన తరువాత వెరిఫికేషన్ సమయంలో ఇబ్బంది ఎదురుకుంటారు.

ప్రశ్న:

పి.ఆర్.సీ బిల్లులు IFMIS సైట్ లో ఒక్కొక్కరికి చేయాలా? లేక అందరివి ఒకేసారి చేయాలా? ఇంక్రిమెంట్ తేదీ 1st నుంచి చూపించవలెనా? లేకపోతే అపాయింట్ మెంట్ తేది చూపించవలెనా?

జవాబు:

పి.ఆర్.సీ బిల్స్ ఒక్కొక్కరివి చేస్తేనే మంచిది. సైట్ నందు కూడా ఇండివిడ్యువల్ గా వస్తుంది. ఇకపోతే ఇంక్రిమెంట్ తేదీ మీరు నియామకమైన నెల యొక్క మొదటి తేదీనే చూపించవలసి ఉంటుంది. AAS తీసుకున్న (6, 12, 18, 24) యెడల వాటిని మాత్రమే అపాయింట్మెంట్ తేదీ నుంచి చూపించవలెను.

ప్రశ్న:

SB లో GIS మరియు TSGLI కు సంబదించిన ఎంట్రీ ప్రతి సం|| వుండాలా లేక వాటి పెరుగుదల జరిగినప్పుడు మాత్రమే ఎంట్రీ చేయాలా ?

దయచేసి తెలుపగలరు

జవాబు:

GIS ప్రతి సంవత్సరం Nov - నుండి Oct వరకు SB లో Entry చేయాలి. అలాగే TSGLI పెరిగినప్పుడు మార్పులు ఎప్పటినుండి వస్తే అప్పటిది ఎంట్రీ చేస్తే సరిపోతుంది.

ప్రశ్న:

2018 డిసెంబర్ లో AGI మరియు 6 years AAS ఉన్న ఒక టీచర్ డిసెంబర్ 20,2018 నుండి ... మే 2019 వరకు మెటర్నిటీ లీవ్ లో ఉంది 30 th may 2019 స్కూల్లో జాయిన్ అయింది. జాయిన్ అయిన తర్వాత టీచర్ కు 1st డిసెంబర్ నుండి AGI ని, మరియు 28th డిసెంబర్ 2018 నుండి 6 year AAS ఇంక్రిమెంట్లు  ఇస్తూ.. మానిటరీ బెనిఫిట్స్ మాత్రం 30 మే 2019 నుండి ఇవ్వడం జరిగింది. ఇప్పుడు 2020 PRC లో 6 YEARS AAS ఇంక్రిమెంట్ ను ఎప్పటినుండి ఎంట్రీ చెయ్యాలో చెప్పండి.?

జవాబు:

Sir Online December 2018 ఉంటుంది. Already దానినే ఎంట్రీ చేసి ఉంటాం. కానీ arrears Bills లో అన్ని నోషనల్ కదా. Due drawn మాత్రమే ఎడిట్ చేసి actual గా తీసుకుంది entry చేయవచ్చు.

Proceedings as for 6 years and AGI కూడా actual date వేస్తాం ( అంటే December 2018). May లో join అయ్యారని మే 2019 ఇవ్వకూడదు. Table లో arrears edit చేసుకోవచ్చును.

సందేహాలు - సమాధానాలు

సందేహాలు - సమాధానాలు

ప్రశ్న:

ఒక ఉద్యోగి పదోన్నతి పొంది వేతన స్థిరీకరించేందుకు వ్రాతపూర్వకమైన లెటర్ ఇవ్వకపోతే ఏమి చేయాలి? ఏదైనా జీ వో ఉన్నదా?

జవాబు:

Go number 145/19-5-2009 లోని అంశాల ప్రకారం పదోన్నతి పొందిన ఉద్యోగి వేతన స్థిరీకరణ కోసము ఒక నెల లోపు వ్రాత పూర్వక అభీష్టం తెలపకపోయిన యెడల సంబంధిత డీడీఓ ఆ ఉద్యోగికి అత్యంత లాభదాయిక ఉండు పద్ధతిలో వేతన స్థిరీకరణ చెయ్యాలి.

ప్రశ్న:

Sir, హిస్తరెక్టమి ఆపరేషను జరిగితే దానికి ఆ మహిళ ఉద్యోగికి 45 ప్రత్యేక సెలవులు కదా... మరి జీతం నెలనెలా ఆపకుండా ఇస్తారా లేక జీతం అపేసి మళ్లీ డ్యూటీలో చేరిన తర్వాత ఇస్తారా? కొంచెం తెలుపగలరు

జవాబు:

ఏ సెలవు పెట్టినా జీతం రొటీన్ గా ఇవ్వరు. మీరు పెట్టిన సెలవు మంజూరు అయితేనే ఇస్తారు. జీతం బిల్లు తయారు చేసే సమయానికి మంజూరు అయితే అందరితో పాటు వస్తుంది. లేకపోతే ఎప్పుడు మంజూరు చేస్తే అప్పుడు వస్తుంది. మీకు ఆ ఆపరేషన్ అయిన తరువాత మీ ఆఫీస్ వాళ్ళు sanction ప్రొసీడింగ్స్ ఇస్తే, అది బిల్ కి enclose చేస్తే జీతం వస్తుంది.

ప్రశ్న:

A) అంతర్ జిల్లా బదిలీపై వచ్చిన వారు సీనియారిటీ కోల్పోవటం అనేది పదోన్నతులకు మాత్రమే వర్తిస్తుందా? హాజరు రిజిస్టర్ లో పేర్లు వ్రాసే క్రమము, రేషనలైజేషన్ వంటి ఇతర సంధర్భాలలో కూడా వర్తిస్తుందా?

B) ఒక ఉపాధ్యాయిని 1998 లో వేరే జిల్లాలో నియామకమై అంతర్ జిల్లా బదిలీపై తేది: 23-4-2013న భద్రాద్రి జిల్లాలో ఒక పాఠశాలకు చేరారు. 2000 సం,,లో ఇదే జిల్లాలో నియామకమైన మరో ఉపాధ్యాయిని తేది:20-5-2013 న ఆ పాఠశాలకు బదిలీపై వచ్చారు. వీరిలో ఎవరు సీనియరు?

జవాబు:

ఏ.పి.స్టేట్ అండ్ సబార్డినేట్ సర్వీస్ రూల్స్ లోని రూల్ 35(b) ప్రకారం అంతర్ జిల్లా బదిలీపై వచ్చిన వారి సీనియారిటీ మీ జిల్లాలో చేరిన తేది నుండి మాత్రమే లెక్కించబడుతుంది. సీనియారిటీ అనేది అన్ని సందర్భాలలోనూ (పదోన్నతులు మొదలుకుని హాజరు రిజిస్టర్ లో పేర్లు వ్రాసే వరకు) ఒకే విధంగా ఉంటుంది. 2000 సం,,రంలో అదే జిల్లాలోనే నియామకమైన ఉపాధ్యాయిని సీనియరుగా పరిగణించబడతారు.

ప్రశ్న:

ఒక వ్యక్తికి 21.11.2017 కి. 12 years Complete అయింది,. కానీ అతను 09-03-2021 లో Dept Test పాస్ అయ్యారు. ఇప్పుడు అతనికి 12 years 22-11-2017 నుంచి వర్తిస్తుందా? లేక 09.03.2021 నుండి వర్తిస్తుందా?

జవాబు:

చివరి exam జరిగిన తేదీ తర్వాత రోజు నుంచి 12 ఇయర్స్ వర్తిస్తుంది.

సందేహాలు - సమాధానాలు

సందేహాలు - సమాధానాలు

ప్రశ్న:

మా EORD గారు రీసెంట్ గా MPDO (FAC) గా పోస్టును కూడా నిర్వహిస్తున్నారు. దీని వలన వారు యే రకంగా బెనిఫిట్ అందుకుంటారు. FAC అంటే Full Additional Charge అని అర్థమా, తెలుపగలరు. దీని పై ఉన్న ఏదైనా GO ఉంటే ఇవ్వగలరా? నేను 2 years నుంచి చేస్తున్నాను.. GO లేక allowances పెట్టుకోలేదు.

FAC అలవెన్స్ అనేది ఉన్నతాధికారులు మంజూరు చేస్తారు. మొదటి మూడు నెలలకు HOD, తదుపరి మూడు నెలలకు గవర్నమెంట్ మంజూరు చేస్తుంది. FR 49 (b) & (c) ప్రకారం మొదటి మూడు నెలలకు 1/5th (20%), & తదుపరి మూడు నెలలకు 1/10% (10%).

ఒకసారి చెక్ చేయండి సర్.

(ఏదైనా సవరణ జరిగితే తెలియ పరచండి)

Under FR-49 combination of appointment FAC allowance will be granted by the appointing authority @ 1/5th for first 3 months and for next 3 months 1/10th there after nothing will be paid till regular officer is posted or FAC is given to any other person, and he should not deny to work on FAC. as he won’t get any FAC allowance. If any one do so the competent authority can take necessary disciplinary action

మౌలిక నిబంధన FR-49 ఏం చెబుతోంది:

ప్రభుత్వం ఉద్యోగిని ఒకేసారి రెండు పోస్టులలో నియమించవచ్చును.

ఒక ఉద్యోగి తన బాధ్యతతో పాటు మరొక ఖాళీ పదవి నిర్వహణ బాధ్యత అప్పగించినపుడే "అదనపు చార్జి" గా పరిగణిస్తారు.కొత్తగా సృష్టించిన పోస్టులకు గాని,నాల్గవ తరగతి పోస్టులకు 'అదనపు చార్జి' వర్తించదు.

అదనపు చార్జికి అదనపు వేతనం పొందాలంటే కనీసం 14 రోజుల పనిదినాలుండాలి.

మొదటి 3 నెలలకు మూలవేతనం (Basic Pay) పై 1/5 వంతు వేతనము, తదుపరి 3 నెలలకు 1/10 వంతు వేతనము FAC అలవెన్స్ పేరుతో చెల్లించెదరు.

మొదటి 3 నెలలకు మంజూరుచేయు అధికారం RJD లకు ఇవ్వబడింది.

(C&DSE Rc.No.1827/C2/2009 తేది:25.11..2010)

తదుపరి 3 నెలల అలవెన్స్ C&DSE మంజూరు చేయును.

6 నెలలకు మించి అదనపు వేతనాన్ని పొందటానికి అనుమతించరాదు.

(G.O.Ms.No.197 F&P తేది:04-07-1964)

ప్రశ్న:

Civil sevices లో చీఫ్ సెక్రటరీ నుండి కలెక్టర్ స్థాయి వరకు ఎవరు యే రాంక్ లో వరుస స్థాయిని వివరించగలరు.( I mean rank chart.)

జవాబు:

మనకు మన హోదా, మన పోస్ట్ వేర్వేరుగా ఉంటాయి. కానీ, IAS లలో అలా ఉండదు. వ్యక్తిగత హోదా జూనియర్ టైం స్కేల్, సీనియర్ టైం స్కేల్, సూపర్ టైం స్కేల్ ఈ విధంగా ఉంటాయి. ఆ హోదాలని బట్టి కొన్ని కొన్ని పోస్టులలో నియమిస్తూ ఉంటారు.

సాధారణంగా పోస్టుల వరుస

అసిస్టెంట్ కలెక్టర్ (UNDER TRAINING)

సబ్ కలెక్టర్

జాయింట్ కలెక్టర్/డిప్యూటీ సెక్రటరీ

కలెక్టర్/కమీషనర్/డైరెక్టర్/జాయింట్ సెక్రటరీ

సెక్రెటరీ/కమీషనర్-డైరెక్టర్

ప్రిన్సిపల్ సెక్రటరీ

ఛీఫ్ సెక్రెటరీ/స్పెషల్ చీఫ్ సెక్రెటరీ

ఇవి కాకుండా మున్సిపల్ కమీషనరర్లు, ITDA PO లు, కార్పొరేషన్ CEO, MD లు, సొసైటీలకు హెడ్ లుగా పోస్టింగ్స్ ఉంటాయి

సందేహాలు - సమాధానాలు

సందేహాలు - సమాధానాలు

ప్రశ్న:

3 రోజుల క్రితం నా స్నేహితురాలు ఒకరు ప్రమాద జరిగి మరణించారు. తను అటవీ శాఖలో 4వ తరగతి  ఉద్యోగిగా విధులు నిర్వర్తిస్తూ మరణించారు. తనకి ఇంకా వివాహం కాలేదు. తనకి ఉద్యోగం కూడా బ్యాక్ లాగ్ ద్వారా నియామకం చేయడం జరిగింది. ఇప్పుడు తను మరణించారు కనుక తను కుటుంబ సభ్యులు ఎవరికయినా కారుణ్య నియమకం ఇస్తారా ఇది నా సందేహం. దీని గురించి చెప్పగలరు.

జవాబు:

తప్పకుండా ఇస్తారు. తన కన్నా చిన్న వారు తమ్ముడు చెల్లెలు అర్హత కలిగి ఉంటే కారుణ్యా నియమకం ఇస్తారు. తల్లిదండ్రులకు నియామకానికి అర్హత లేదనుకుంటాను.

ప్రశ్న:

మా ఏరియాలో ప్రభుత్వ టీచర్ ఒకరు ముఖ్యమంత్రి గార్కి వ్యతిరేకం ఉన్న పోస్ట్ తో whatsapo DP పెట్టుకున్నాడు. గ్రామస్తులు తన పై ఉన్నతాధికారులు కు కంప్లెయింట్ ఇచ్చారు. టెన్షన్ పడుతున్నాడు. అలా పెట్టుకోవడం తప్పా?

జవాబు:

కండక్ట్ రూల్ 17 ప్రకారం ప్రభుత్వ ఉద్యోగులు ప్రభుత్వ విధానాలను బహిరంగంగా విమర్శించకూడదు. దీనికి ఒక మినహాయింపు ఏమిటంటే ఉద్యోగులు వారికి చెందిన సమస్యల పట్ల కేవలం ఉద్యోగులే ఉన్న వేదికలపై తన అభిప్రాయాలు పంచుకొవచ్చు.

ముఖ్యమంత్రికి వ్యతిరేకంగా ఉన్న పోస్ట్ ని DP గా పెట్టుకోవడం అంటే ఈ రూల్ క్రింద తప్పుగానే పరిగణించాల్సి వస్తుంది. ఎందుకంటే DP అనేది పబ్లిక్ గా అందరికీ display అయ్యేది. అలాగే ఉద్యోగి రాజకీయ పార్టీలతో సంబంధాలు కానీ ప్రచారాలు కానీ పెట్టుకోకూడదు, ప్రచారం చేయకూడదు (అధికారంలో ఉన్న పార్టీ తరపున అయినా, ప్రతిపక్షంలో ఉన్న పార్టీ తరపున అయినా సరే). దీనిని కూడా ఉల్లంఘించినట్లు అవుతుంది.

ప్రశ్న:

నేను 2018 డి.యస్.సి. లో ex-serviceman కోటలో రెసిడెన్షియల్ స్కూల్ లో  పి.ఈ. టి. గా సెలెక్ట్ అయితిని, నాకు ఆర్మీ లో ఇచ్చిన pay scale ఇక్కడ పొందుటకు ఏమి అయిన జి. ఓ. లు గాని ఎలా పొందాలో తెలుపగలరు.

జవాబు:

మీకు GO MS No. 95 Finance (FR II) Dept DT. 03.04.2012 is applicable for Ex Service men pay fixation

సందేహాలు - సమాధానాలు

సందేహాలు - సమాధానాలు

ప్రశ్న:

సర్, ప్రమోషన్ ఇచ్చే సమయంలో స్పౌజ్ ప్రియారిటీ ఉంటుందా? ట్రాన్స్‌ఫర్ సమయంలో స్పౌజ్ కు ప్రియారిటీ ఇస్తున్నారు కదా ! ప్రమోషన్స్ లో కూడా ఇస్తారా? తెలుపగలరు.

జవాబు:

Promotion కి spouse కి సంబంధము ఉండదు. ఎలాంటి ప్రత్యేక ప్రాధాన్యత ఉండదు. పదోన్నతులకి అర్హత విషయంలో spouse వల్ల ఎటువంటి ప్రాధాన్యత ఉండదు. పదోన్నతుల సందర్భంలో ఇచ్చే పోస్టింగ్ విషయంలో ఎలాంటి ప్రభుత్వ మార్గదర్శకాలు లేవు కాబట్టి నియామక అధికారులు వారి విచక్షణాధికారం మేరకు ఎక్కడైనా పోస్టింగ్ ఇచ్చే అవకాశం ఉంది. లేదా కౌన్సిలింగ్ నందు కోరుకునే అవకాశాన్ని బట్టి ఉంటుంది.

ప్రశ్న:

Sir చిన్న clarification medical leave 240 days entire service లో ఉపయోగించుకోవాలి. అంటే commutation చేస్తే 480 యేనా? దయచేసి clarity ఇవ్వండి.

జవాబు:

అవును సర్. మీరు అడిగింది కరెక్ట్. Commutation 120 రోజులకు చేసుకుంటే 240 రోజుల శెలవుగా పరిగణించబడే పూర్తి జీతం వస్తుంది. ఇంక ఏ మాత్రం మెడికల్ లీవ్ అర్హత ఉండదు. మొత్తం సర్వీస్ లో 240 కముటెడ్ లీవ్ వాడుకోవచ్చు. 480 హాఫ్ పే లీవ్స్ డెబిట్ అవుతాయి.

ప్రశ్న:

Declaration of Probation చేయడానికి Date of Joining consider చేస్తారా సార్, లేదా Appointment Order date ని consider చేస్తారా సార్ ? ఏదైనా జీవో ఉన్నదా? చెప్పగలరు.

జవాబు:

Date of Joining ని పరిగణనలోకి తీసుకుంటారు. ఒకవేళ మీకన్నా మెరిట్ లిస్ట్ లో ముందున్న వారు కనుక మీ కన్నా ఆలస్యంగా చేరితే, వారు చేరిన తేదీని పరిగణనలోకి తీసుకుంటారు. AP State and Subordinate Service Rules, 1996 చూడండి.

సందేహం - సమాధానాలు

సందేహం - సమాధానాలు

ప్రశ్న:

సార్ ఒక టీచర్ కి సంవత్సరకాలానికి 6 సంపాదిత సెలవులు ఇస్తాము. అతను డెప్యుటేషన్ పై అడల్ట్ ఎడ్యుకేషన్ లో పనిచేశారు. 30 రోజులు సంపాదిత సెలవు నమోదు చేయాలంటే సదరు డిపార్ట్మెంట్ వారు విడిగా ప్రొసీడింగ్స్ ఇవ్వాలా, లేక డైరెక్టుగా 30 రోజులు మేము నమోదు చేయవచ్చునా?

సమాధానం:

మీ నాన్ టీచింగ్ స్టాఫ్ సెలవుల్లో పని చేస్తే ఏ విధానాన్ని ఫాలో అవుతారో అదే మీరు ఫాలో అవడమే. జీతం ఎవరు ఇచ్చారో, వారే SR లో నమోదు చేయాల్సి ఉంటుంది. దానికి డిప్యుటేషన్ లో ఉన్న అడల్ట్ డిపార్ట్మెంట్ నుంచి ప్రొసీడింగ్స్ తెచ్చుకుని (prevention summer holidays) ఇక్కడ సాలరీ DDO HM/MEO తో నమోదు చేయించుకోవాలి

ప్రశ్న:

సర్ ఎవరయినా CPS గురించి క్లియర్ గా చెప్పండి. కొత్తగా ఉద్యోగం వచ్చి పనిచేస్తున్న మాలాంటి వాళ్లకు తెలియదు. ఎవరిని అడిగినా క్లియర్ గా చెప్పటం లేదు. అసలు CPS విధానం లేక ముందు ఎలా ఉండేది? CPS ఎప్పుడు తీసుకు వచ్చారు? CPS విధానం వచ్చాక ఎలాంటి మార్పులు వచ్చాయి? మనకి ఏ విధంగా నష్టం జరుగుతుందో కాస్త వివరంగా చెప్పగలరు? మేము కూడా ఈ పోరాటంలో బాగస్వాములం అవుతాం

సమాధానం:

CPS విధానంపై అవగాహన-1

మన రాష్ట్రంలో ప్రభుత్వ ఉద్యోగులకు అమలౌతున్న సర్వీస్ పెన్షన్ లు 2 రకాలు

1.1980 పెన్షన్ రూల్స్ (ట్రిపుల్ బెనిఫిట్ స్కీమ్)

ఈ విధానం 2004 ఆగస్ట్ 31 వరకు ప్రభుత్వ సర్వీస్ లో జాయిన్ అయిన వారికి వర్తిస్తుంది.

Note: ఈ విధానంలో ఉద్యోగి జీతం నుండి ఒక్క రూపాయి కూడా తీసుకోకుండా ప్రభుత్వం పెన్షన్ ఇవ్వటం జరుగుతుంది

2.CPS(Contributory pension scheme)

ఈ విధానం 2004 సెప్టెంబర్ 1 నుండి ప్రభుత్వ సర్వీస్ లో జాయిన్ అయిన వారికి వర్తిస్తుంది.

ఈ విధానంలో ఉద్యోగి జీతంలో (PAY+DA) లో 10% జీతాన్ని షేర్ మార్కెట్ లో పెట్టుబడి పెట్టి వచ్చిన లాభాన్ని పెన్షన్ గా ప్రభుత్వేతర సంస్థలు* ఉద్యోగికి పెన్షన్ ఇస్తాయి.

CPS విధానం పై అవగాహన -2

1. ఉద్యోగి తను ప్రతీ నెలా (Pay+DA) లో 10% జీతానికి సమానమైన వాటాను కలిపి ట్రస్టీ బ్యాంక్ (Axis bank)కు పంపి ఫండ్ మేనేజర్లు (SBI, LIC, UTI) ద్వారా ఆ మొత్తాన్ని  షేర్ మార్కెట్ లో NAV లను కొని పెట్టుబడి  పెడుతుంది. *మనకు నచ్చిన లాభాన్ని ఇచ్చే NAV (నెట్ అసెట్ వేల్యూ) లను కొనే అవకాశం ఉద్యోగికి లేదు*. ఫండ్ మనేజేర్స్ వారికి నచ్చిన ఫండ్స్ లో మన డబ్బుని పెట్టుబడి పెడతారు.

Note: Chapter 6 లో 20(2)(g) ప్రకారం షేర్ మార్కెట్ లో ఉన్న మన సొమ్ముకు ఎటువంటి గ్యారెంటీ లేదని చెప్పటం జరిగింది. అంటే మనకు నష్టం వచ్చిన ప్రభుత్వానికి గానీ ఫండ్ మనేజర్స్ కు గానీ ఎటువంటి సంబంధం లేదు. ఇది ప్రభుత్వం యొక్క బాధ్యతా రాహిత్యం.

గతంలో YES బ్యాంక్ దివాలా తీయటం మనం చూసే ఉన్నాం. Axis Bank ఈ పరిస్థితికి రాదని గ్యారెంటీ లేదు.

ప్రభుత్వం GO Ms No 655, Ft:22/09/2004 ఇప్పుడు ఇస్తున్న 10% మాచింగ్ గ్రాంట్ ను భవిష్యత్ లో ఒక కొత్త GO ఇవ్వటం ద్వారా 5% లేదా2% తగ్గించ వచ్చు లేదా పూర్తిగా తీసివేయవచ్చు. ఆ అధికారం ప్రభుత్వానికి ఉంది.

సింపుల్ గా చెప్పాలంటే....

ఇప్పుడు రిటైర్ అయిన ఒక ఉద్యోగి కి పాత పద్ధతిలో పెన్షన్ అయితే 50000 వస్తుంది అనుకుంటే, NPS లో 20000 వస్తుంది.

పాత విధానంలో మొత్తం 50000 ప్రభుత్వమే ఇస్తే, NPS లో వచ్చే 20000 లో సగం వాటా ఉద్యోగులది.

పాత విధానంలో 50000 DA, PRC లు పెరిగినపుడల్లా పెరిగి 20 ఏళ్ళ తరువాత 1 లక్ష వరకు పెన్షన్ తీసుకునే అవకాశం ఉంటుంది.

NPS లో 20 ఏళ్ల తరువాత కూడా అదే ఇరవై వేలు ఉంటుంది.

కనీసం చెప్పిన 20000 కూడా గ్యారంటీ ఏమీ ఉండదు. స్టాక్ మార్కెట్ పై ఆధారపడి అది 15000 కావచ్చు, 25000 కావచ్చు.

(సిపిఎస్ పై నాకు ఉన్న అవగాహన మాత్రమే. ఇంకా అనుభవజ్ఞులైన వారిని కూడా అడగండి)

ప్రశ్న:

నేను 2 వ తరగతి నుంచి 9 వ తరగతి వరకు నల్గొండ జిల్లాలో చదివాను. తర్వాత ప్రైవేట్ గా పదవ తరగతి ఖమ్మం జిల్లాలో ప్రైవేట్ గా చదివినట్టు ప్రైవేట్ పాఠశాల వారు దగ్గరలో గల గవర్నమెంట్ హైస్కూల్ లో ప్రైవేట్ సర్టిఫికెట్ ద్వారా ఎస్ఎస్సి రాయించారు. మరి ఇప్పుడు ఖమ్మం జిల్లాకి నేను లోకల్ అవుతాను కదా!? వీలైతే వివరంగా చెప్పగలరు

సమాధానం:

4వ తరగతి నుండి 10వ తరగతి వరకు ఎక్కడ చదివితే అది లోకల్ గా ట్రీట్‌ చేస్తారు. ఒకవేళ అలా కాకుండా కొన్ని తరగతులు ఒకచోట, మరికొన్ని వేరొక చోట చదివిన సందర్భంలో ఎక్కువ కాలం ఎక్కడ చదివి యున్నారో అదే లోకల్ గా ట్రీట్ చేస్తారు. కనుక ఇప్పుడు మీకు నల్గొండ లోకల్ అవుతుందే కానీ ఖమ్మం జిల్లా కాదు

సందేహాలు - సమాధానాలు

సందేహాలు - సమాధానాలు

ప్రశ్న:

నేను హైస్కూల్ లో రికార్డ్ అసిస్టెంట్ గా పనిచేస్తున్నాను. నాకు మహిళా టీచర్ల కి ఇచ్చే 5 స్పెషల్ CL లు ఇవ్వడం లేదు. ఎందువల్ల?

జవాబు:

జీఓ.374 తేదీ:16.3.96 ప్రకారం 5 స్పెషల్ CL లు కేవలం మహిళా టీచర్లకి మాత్రమే వర్తిస్తాయి.

ప్రశ్న:

నేను, మరొక టీచర్ ఇద్దరం ఒకే రోజు SA లుగా పదోన్నతి పొందాము. ఒకే రోజు జాయిన్ అయ్యాము. SA క్యాడర్ లో ఎవరు సీనియర్ అవుతారు?

జవాబు:

SGT క్యాడర్ లో ఎవరు సీనియర్ ఐతే, వారే SA క్యాడర్ లో కూడా సీనియర్ అవుతారు.

ప్రశ్న:

PF ఋణం ఎంత ఇస్తారు?తిరిగి ఎలా చెల్లించాలి?

జవాబు:

PF నిబంధనలు 15ఏ ప్రకారం 20 ఇయర్స్ సర్వీసు పూర్తి చేసిన వారు మరియు 10 ఇయర్స్ లోపు సర్వీసు గలవారు ఋణం తిరిగి చెల్లించవలసిన అవసరం లేదు. గృహ నిర్మాణం కోసం, స్థలం కొనుగోలు చేయడానికి 15 ఇయర్స్ సర్వీసు పూర్తి చేసిన వారు కూడా ఋణం తిరిగి చెల్లించవలసిన అవసరం లేదు. రూల్ 15సీ ప్రకారం బేసిక్ పే కి 6 రెట్లు లేదా నిల్వలో సగం ఏది తక్కువ ఐతే అది ఋణంగా ఇస్తారు. అనారోగ్యంతో బాధపడుతున్న వారికి నిల్వ మొత్తంలో గరిష్టంగా 75% వరకు ఇవ్వవచ్చు.

ప్రశ్న:

కొత్తగా ఉద్యోగంలో చేరిన వారికి TSGLI ఎప్పటి నుంచి కట్ చెయ్యాలి?

జవాబు:

జీఓ199, ఆర్థికశాఖ తేదీ:30.7.13 ప్రకారం మొదటి నెల వేతనం నుంచే TSGLI మినహాయించాలి.

ప్రశ్న:

సమాచార హక్కు చట్టం ద్వారా సమాచారం కోరితే ఎన్ని రోజులలోపు సమాధానం ఇవ్వాలి?

జవాబు:

30 రోజులలోపు సమాధానం ఇవ్వాలి.

సందేహాలు - సమాధానాలు

సందేహాలు - సమాధానాలు

1. ప్రశ్న:

బోన్ టీబీ కి ప్రత్యేక సెలవు ఉన్నదా?

జవాబు:

6 నెలల వరకు పూర్తి జీతంపై అర్ధ జీతపు సెలవు మంజూరు చేస్తారు.

2. ప్రశ్న:

నేను జీత నష్టపు సెలవు పెట్టి M. ed చేయాలని అనుకుంటున్నాను. నేను ఏమి నష్ట పోతాను?

జవాబు:

జీత నష్టపు సెలవు పెట్టినంతకాలం ఇంక్రిమెంట్, AAS స్కేల్స్ వాయిదా పడతాయి. 3 ఇయర్స్ పైన జీత నష్టపు సెలవు కాలం పెన్షన్ కి అర్హ దాయక సర్వీస్ గా పరిగణింపబడదు.

3. ప్రశ్న:

ఒక టీచర్ వేసవి సెలవుల్లో 35 రోజులు వివిధ రకాల ప్రభుత్వ పరీక్షలకి హాజరు అయ్యాడు. అతనికి ఎన్ని ELs జమచేయబడతాయి?

జవాబు:

వినియోగించుకున్న వేసవి సెలవులు 14 రోజులే కనుక 24 రోజుల ELs జమ చేయబడతాయి.

4. ప్రశ్న:

మా స్కూల్లో నలుగురు SGT లు ఒకే DSC లో, ఒకే రోజు స్కూల్లో జాయిన్ అయ్యారు. ఎవరు మాలో సీనియర్ అవుతారు?

జవాబు:

సీనియారిటీ DSC సెలక్షన్ లిస్ట్ లోని మెరిట్ ఆధారంగా నిర్ణయించబడుతుంది.

5. ప్రశ్న:

FAC HM గ్రీన్ ఇంక్ వాడవచ్చా?

జవాబు:

FR.49 ప్రకారం FAC భాద్యతలు నిర్వహిస్తున్న వారికి పోస్టుకి గల అన్ని అధికారాలు ఉంటాయి. కాబట్టి గ్రీన్ ఇంక్ వాడవచ్చు.