సందేహం - సమాధానం

సందేహం - సమాధానం

సార్, మా డిపార్ట్మెంట్ లో ఒక అతను with out leave విత్ ఔట్ పర్మిషన్ తో వెళ్లి ఇప్పుడు వచ్చి డ్యూటీ కావాలి అంటున్నాడు. కనీసం 5 సంవత్సరాలు అయింది వెళ్లి అయితే అతన్ని డ్యూటీ నుండి రిమూవ్ చేయాలా లేక డయాస్ నాన్ చేయవచ్చా.

సమాధానం:

ఎటువంటి సరైన సమాచారం ఇవ్వకుండా సంవత్సరం పాటు గైర్హాజరు అయితే విధుల నుండి తొలగించవచ్చూను. వారి మీద ఈ ఐదు సంవత్సరాలు ఎటువంటి నోటీసులు పంపించారా.. ? సదరు ప్రొసీడింగ్ ల మేరకు తొలగించవచ్చు.. కోర్ట్ కి వెళ్లినా వారికి వ్యతిరేకంగా తీర్పు వస్తుంది

ముందస్తు అనుమతి లేకుండా ఒక సంవత్సరం దాటి గైర్హాజరు అయితే రిజైన్ చేసినట్లుగా భావించాలి.

అతను రాత పూర్వకంగా విధులకు రిపోర్ట్ చేస్తే ఈ కారణం చెబుతూ రిజైన్ చేసినట్లుగా ఎందుకు భావించకూడదు అని షో కాజ్ నోటీస్ ఇవ్వండి.

తరువాత సర్వీస్ నుండి తొలగిస్తూ ఆదేశాలు జారీ చేయండి.

లేదా

ఒకవేళ మీకైమైనా సాఫ్ట్ కార్నర్ ఉంటే 5 ఏళ్ల సమయం గడిచింది కాబట్టి వారిని డ్యూటీ లో చేర్చుకోవడం కోసం మీరు ఉన్నతాధికారులకు (ప్రభుత్వం) క్లారిఫికేషన్ కోసం రాయండి. అక్కడ నుండి ప్రయత్నించుకోమని చెప్పండి.

ఒకవేళ సానుకూలంగా వస్తే అడ్మిట్ చేసుకుని క్రమశిక్షణా చర్యలు తీసుకోవాల్సి వస్తుంది. 

ప్రతికూలంగా వచ్చినా, మీరే నిర్ణయం తీసుకోమని వచ్చినా సర్వీస్ నుండి రిమూవ్ చేయాల్సిందే.

మీ అంతట మీరు అడ్మిట్ చేసుకుని సర్వీస్ లో కొనసాగనిస్తే మీరు నిబంధనలను ఉల్లఘించినట్లు అవుతుంది.

అనుమతిలేని గైర్‌హాజరు - - FR.18 కు సవరణలు

ప్రభుత్వ ఉద్యోగి అనుమతిలేని గైర్ హాజరు అయిన ఈ క్రింద తెలిపిన సందర్భాలలో తన పదవికి రాజీనామా చేసినట్లు పరిగణించవలసియున్నది.

(Amendment issued to FR. 18 by adding as FR. 18-A issued in G.O.Ms. No. 128 Finance (FRI) dept. dt. 1-6-2007).

1. ఒక సంవత్సర కాలానికి మించి అనుమతిలేని గైర్ హాజరు (Absent) అయిన యెడల లేక

2. సెలవుపైగాని లేక, సెలవుగాని కాలం ఐదు సంవత్సరములు మించిన యెడల లేక

3. ప్రభుత్వం అనుమతించిన కాలాన్ని మించి Foreign సర్వీసులో డిప్యూటేషన్‌పై కొనసాగిన పక్షంలో.

పై సందర్భాలలో ఉద్యోగిపై చర్యలు తీసుకొనే ముందు ఆ ఉద్యోగి తన వాదనను వినిపించుకొనుటకు తగిన అవకాశం ఇవ్వవలెను.

(Added as Rule 5- B to A.P. Leave Rules 1933 in G.O.Ms. No. 129 F (FRI) Dept.dt. 1-6-2007)