సందేహాలు - సమాధానాలు

సందేహాలు - సమాధానాలు

ప్రశ్న:

ఒక డీజేబుల్డ్ ఉపాధ్యాయునికి వృత్తి పన్ను మినహాయించాలి అంటే ఎంత శాతం అంగవైకల్యం ఉండాలి?

జవాబు:

జీ.ఓ.1063 తేదీ: 2.8.2007 ప్రకారం 40% డీజేబుల్డ్ ఉంటే వృత్తి పన్ను మినహాయింపు వర్తిస్తుంది.

ప్రశ్న:

ఒక టీచర్ ఫిబ్రవరి 29న జాబ్ లో చేరాడు. అతనికి వార్షిక ఇంక్రిమెంట్ ఏ నెలలో ఇవ్వాలి?

జవాబు:

ఆర్.సి. 2071 తేదీ: 21.7.2010 ప్రకారం లీపు సంవత్సరం ఫిబ్రవరి 29న విధుల్లో చేరిన ఉపాధ్యాయుల వార్షిక ఇంక్రిమెంట్ ఫిబ్రవరి నెలలోనే ఇవ్వాలి.

ప్రశ్న:

బిడ్డ పుట్టి వెంటనే మరణించిన, వారికి మెటర్నిటీ లీవుకి అర్హత ఉందా?

జవాబు:

Lds.1941 తేదీ:11.6.90 ప్రకారం మరణించిన బిడ్డను ప్రసవించినా, ప్రసూతి సెలవు వాడుకోవచ్చు.

ప్రశ్న:

నేను ఎయిడెడ్ స్కూల్ లో స్కూల్ అసిస్టెంట్ గా ఉన్నాను. నేను HM అకౌంట్ టెస్ట్ పాస్ కాలేదు. నేను 6,12,18 ఇయర్స్ స్కేల్స్ పొందాను. నాకు 24 ఇయర్స్ స్కేల్ కి అర్హత ఉన్నదా?

జవాబు:

ఉన్నది. నేరుగా స్కూల్ అసిస్టెంట్ గా నియమించబడినందున మీరు 24 ఇయర్స్ స్కేల్ పొందాలంటే రెండవ ప్రమోషన్ పోస్ట్ లేనందువలన మీకు అర్హతలతో సంబంధం లేకుండా 24 ఇయర్స్ పూర్తి కాగానే స్కేల్ మంజూరు చేయబడుతుంది.

ప్రశ్న:

నేను LFL HM గా పనిచేయుచున్నాను. 6 ఇయర్స్ స్కేల్ తీసుకున్నాను. 12 ఇయర్స్ స్కేల్ పొందటానికి ఏ ఏ అర్హతలు కావాలి? నాకు ప్రస్తుతం 50 ఇయర్స్ నిండినవి.

జవాబు:

మీరు 12 ఇయర్స్ స్కేల్ తీసుకోవాలి అంటే డిగ్రీ, బి.ఎడ్ లతో పాటు డిపార్ట్మెంట్ టెస్టులు పాస్ అయి ఉండాలి. మెమో.34408 తేదీ: 4.2.12 ప్రకారం 50 ఇయర్స్ మినహాయింపు వర్తించదు.