ఆహా ఎంతమార్పు -రచయిత షేక్ రంజాన్

ఆహా ఎంతమార్పు
            ......................
కాలుష్యము  తొలగిపోయ్యాను
చెట్టు కొమ్మ  చిగురించెను
ఆకుపైన  సీతాకోకచిలుక
రెమ్మ నుండి  మొగ్గలెన్నో
పూల నుండి   కాయలెన్నో
కాయ రంగు   మారిపొయ్యాను
           ~ఆహా ఎంతమార్పు

ఫ్యాక్టరీలు  మూతపడ్డవి
పర్వతాలు బయటపడినవి
నది జలాలు  రంగుమారేను
నెమలి  నాట్యమాడుతున్నది
కోకిల   పాటపాడుతున్నది
జింక  పరుగులెడుతున్నది
పిచ్చుక   గూడుకడుతున్నది
           ~ఆహా ఎంతమార్పు

జనసాంద్రత  తక్కువయా
శబ్ద కాలుష్యము       తగ్గిపోయి                          
 నీటి కలుషితము కాకపోయా
కలుషిత ఆహారము  లేకపోయా
డ్రైనేజీలు  శుభ్రమయా
దోమలు ఈగలు  లేకపోయా రోగాలు   రాకపాయా
        ~ఆహా ఎంతమార్పు

ఇంటికి   పరిమితమై
ఇల్లు    శుభ్రత చేయచుంటిరి
పాత రోలు  బయట పడే
రోకలి  చేత బూని
మానిసన కారం  దంచుతుంటిరి
గొడ్డు కారం  నూరుతుంటిరి
           ~ఆహా ఎంతమార్పు        
 మూలనున్న   చల్ల కవం
కడవలోన   పెరుగును
చిలికి చిలికి  వెన్నెతీసి
నేయిని  చేస్తుంటిరి
           ~ఆహా ఎంతమార్పు

రచయిత.......
షేక్  రంజాన్
TSUTF జిల్లా కార్యదర్శి ఖమ్మం