ఏం మాయ చేసావే కరోనా

🌴 ఏం మాయ చేసావే కరోనా 🌴

1. పెన్ను పేపర్ ముట్ట లేదు
    ఫైనల్ పరీక్షలు రాయలేదు
    కరోనా కంగారుతో
    పొట్టే గాండ్లను  పై తరగతులకు
    ప్రమోట్  చేయడం తో
    ఎగిరి గంతేసి సెల్ ఫోన్లు, టీవీలతో
    తీన్మార్ జేస్తుండ్రు.
2 . బాటిల్ లో సుక్క లేక
     ప్లేట్లో లో ముక్క లేక
     బార్ షాపులు తెరుచుకోక
     దోస్త్ గాళ్ళు ఇంటికి రాకా
     రోజంతా పొద్దు పోక
     అలవాటుపడ్డ పాణాలు
     గాయి గాయి  అయితున్నయి.
3. లాక్ టౌన్ కాలం ఎక్కువై
    అత్తా కోడళ్ళ మధ్య
    ఆలుమొగల్ల మధ్య
    చిటపటలు,చిందులు ఎక్కువై
    ఓపిక సహనం తక్కువై
    ఫిర్యాదుల కేసులు
     పరేషాన్ జేస్తున్నయి
4. కూలి నాలి కులవృత్తోల్లకు
    పని లేక కరెన్సీ కష్టాలతో
    శ్రమజీవుల బతుకు సమరం
    దిన దిన గండం తో
    బతుకు సుడిగుండం లా మారింది
5. మందిర్, మసీద్,
    చర్చిలను మూత పెట్టి
    చరిత్రను తిరగబెట్టి
    భగవంతున్ని ఇంటికి తెచ్చి
    మందిరంలో కాదు దేవుడు
    మదిలోనే ఉండాలని నేర్పింది
6.  అమెరికా నీ దెబ్బతో అల్లాడుతుంది
     అందమైన ఐరోపా ఆగమౌతుంది
     విశ్వమంతా ఇసురుకొని
    పసికూనల నుండి పండుటాకుల వరకు
    ఆకు తినే పురుగు లాగా ఆరగిస్తుంది.
7. శాస్త్రీయతకు సవాల్ విసిరి
    ప్రగతి నంతా ప్రశ్నార్ధకం చేసి
    ప్రకృతిని మరిచిన మనిషికి
    జ్ఞానోదయం కలిగించింది.
-------------------------------
✍✍✍ తాటిపాాముల రమేష్
 జడ్.పి.హెచ్.ఎస్ వర్ధన్నపేట.