LATEST UPDATES

26, ఏప్రిల్ 2020, ఆదివారం

కరోనా రంగస్థలం

This is a simple translate button.

🌴 కరోనా రంగస్థలం🌴
1. నిన్నటి వరకు పిల్లల గుంపుతో
   తల్లి కోడిలా స్కూల్ మైదానమంతా
   తనివితీరా తిరిగి నాను
   సకల నైపుణ్యాలతో బోర్డుపై బోధించి
   కరుణ, దయ, జాలి, ప్రేమ అనే
   పిల్లర్ల పాదులను తవ్వి
   భవిష్యత్ తరాల ను నిర్మించాను
2. నేడు నేను జీవం పోసిన
   పాత్రలు కరోనా రంగస్థలంలో
   అద్భుతంగా నటించి
   అందరి మన్ననలను పొందుతుంటే
   నేను ఆనంద సాగరంలో మునిగి                                   
   పోతున్నాను.
3. లాఠీ పట్టిన చేతులు
   నవరసాలను పండిస్తుంటే
   రోడ్లన్నీ నిశ్శబ్ద రాగాలు ఆలపిస్తుంటే
   ఖాకీల పై జనం పూల వర్షం కురిపిస్తుంటే
   నేను ఆనంద డోలికల్లో తేలిపోతున్నాను
4. తెల్లకోటు వేసినోళ్ళు
   బతికించాలనే ఆరాటం ఒకవైపు
   బతకాలనే పోరాటం మరోవైపు
   మరణాల సంఖ్యను మైనస్ లోకి
   రావడానికి ఊపిర్లు ఊదుతూ
   కరోనా క్లైంట్ లకు
   ఆశల అమృతాన్ని తాగిస్తుంటే
   సబ్బండ వర్గాల నుండి
   ప్రశంసల జల్లుకు తడిసి ముద్దవుతుంటే
   నా కండ్ల నుండి ఆనంద భాష్పాలు
   రాలుతున్నాయి.
5. చీకట్లో లేచి, చీపుర్లను చేతబట్టి
   రోడ్లను నిద్ర లేపి, మలినాలను
   కడిగిపారేస్తున్న సఫాయి కర్మచారులను
   పాలకులు పాదాలు కడుగుతుంటే
   నేను పొంగిపోతున్నాను
6. కరెన్సీ కట్టలను గుట్టలుగా పేర్చి నోళ్లు
   ఘనీభవింఛిన దాతృత్వాన్నికరిగించుకొని
   ముడుచుకున్న మనసులను విప్పుకొని
   రెక్కలొచ్చిన పక్షిలా ఎగిరి వచ్చి
   సహాయపు కుసుమాలను పంచుతుంటే
   రంతి దేవుడికి వారసులయ్యారని
   నేను మురిసి పోతున్నాను
7. పుడమిపై పుడుతున్న
   రాచపుండు లను
   భవిష్యత్ తరాలకు తాకకుండా
   మరింతమంది వైజ్ఞానికులను
   తయారుచేయడానికి
   ఫ్యూచర్ కోసం కరికులం ఫ్రేమ్ ను
   మార్చుకొని నవ్య వ్యూహాలతో
   బోధిస్తూ నవ సమాజాన్ని నిర్మిస్తాను.
--------------------------------------------
✍✍✍✍✍✍✍✍✍
         తాటిపాముల రమేష్
       జడ్.పి.హెచ్.ఎస్ వర్ధన్నపేట.

0 వ్యాఖ్యలు:

వ్యాఖ్యను పోస్ట్ చెయ్యండి