LATEST UPDATES

Thursday, May 5, 2016

కాకి - కడవ (kaki - kadava)

     వేసవి కాలం. మిట్ట మధ్యాహ్నం.
     ఒక కాకి ఎండలో తిరిగి తిరిగి అలసిపోయింది.
     దానికి దాహం వేసింది.
     నీళ్ళ కోసం వెతుకుతూ, వెతుకుతూండగా ఓ ఇంటి పెరటిలో ఒక కడవ కనిపించింది.
     కాకి రివ్వున వెళ్ళి కడవ మీద వాలింది.
     కడవలో సగం దాక నీళ్ళు ఉన్నాయి.
     అయినా అవి దానికి అందలేదు.
     కాకికి నీళ్ళు చూడగానే మరింత దాహం వేసింది.
     నీళ్ళు ఎలా తాగాలా అని ఆలోచిస్తూ అది పెరటి గోడ మీద వాలింది.
     అక్కడ నుంచి ఎగిరి చెట్టు కొమ్మ మీద వాలింది.
     అది అలా ఆలోచిస్తూ పెరడు అంతా ఎగురుతూ, వాలుతూ ఉంది.
     దానికి పెరటిలో చిన్న చిన్న గులకరాళ్ళు కనిపించాయి.
     దానికి వెంటనే ఓ ఆలోచన వచ్చింది.
     కాకి ఒక్కో గులకరాయి తెచ్చి కడవలో వేయసాగింది.
     కొంత సేపటికి కడవలో నీళ్ళు పైకి వచ్చాయి.
    కాకి తన దాహం తీర్చుకొని ఆనందంగా ఎగురుకొంటూ ఇంటికి పోయింది.

0 comments:

Post a Comment