LATEST UPDATES

22, ఫిబ్రవరి 2016, సోమవారం

కోతులు - తోట (కథ)

This is a simple translate button.

     అనగ అనగ ఒకరాజు. అతడు ఒకనాడు భోజనాలు ఏర్పాటు చేశాడు. ఉళ్ళో వాళ్ళందరినీ పిలిచాడు. అందరూ వెళ్ళారు. ఒక రైతు వెళ్ళలేదు. అతను తోటలో కూర్చొని విచారిస్తూ ఉంటాడు. అది ఒక కోతి చూచింది. ‘‘రాజుగారి భోజనానికి ఎందుకు వెళ్ళలేదు ?’’ అని అడిగింది.

     రైతు ‘‘మొక్కలకు నీరు పెట్టేది ఉంది. అందుకే వెళ్లలేదు’’ అని అన్నాడు. ‘‘నీవు వెళ్లు. నేను నీరు పెడతా’’ అన్నది కోతి. ‘‘వేళ్లు నానేటట్లు నీరు ఇవ్వాలి’’ అన్నాడు. రైతు. కోతి ‘‘సరే’’ అంది.

     రైతు రాజు గారింటికి భోజనానికి వెళ్ళాడు. కోతి తన మిత్రులను పిలిచింది. వందలు వేలు కోతులు వచ్చాయి. ‘‘ ఈ మొక్కలన్నింటికి నీరు ఇవ్వాలి’’ అంది కోతి. కోతులన్నీ ‘సరే’ అన్నాయి. డొన్నలు కుట్టి, వాగు నుంచి నీళ్ళు తెచ్చాయి. మొక్కలకు పోశాయి. ‘‘నీరు మొక్కల వేళ్ళకు తగిలాయా’’ అంది కోతి. ‘‘తెలవదు’’ అన్నాయి మిగితా కోతులు. ‘‘మొక్కను పీకి చూడండి’’ అంది కోతి. కోతులు మొక్కలన్నింటిని పీకి వాటి వేళ్ళను చూశాయి.

     తిరిగి వచ్చిన రైతు తన తోటను చూసి లబోదిబోమన్నాడు.

0 కామెంట్‌లు:

కామెంట్‌ను పోస్ట్ చేయండి