LATEST UPDATES

Thursday, February 25, 2016

కప్ప పాట - కథ

     ఒక రోజు కప్పకు పాట పాడాలనుకొంది.
     కోయిలమ్మ దగ్గరికి వెళ్ళి తనకూ పాట నేర్పమంది.
     కోకిల నవ్వింది. ‘‘నువ్వు పాట నేర్చుకోవడం కుదరదు’’ అంది.
     ‘‘లేదు. నేను పాట నేర్చుకోవాలి’’ అని గోల చేసింది. కప్ప.
    ‘‘పోనీలే కొద్ది రోజులు నేర్పితే కప్పకు తెలిసి వస్తుంది’’ అనుకొంది కోయిల.
     ప్రతి రోజూ కప్పకు పాటలు నేర్పసాగింది కోయిల.
     ఎన్ని రోజులు గడిచినా కప్పకు పాట రాలేదు.
     ఈ లోగా మామిడి చెట్లు పూతకు వచ్చాయి.
     మావి చిగురు తిన్న కోయిల పాట పాడబోయింది.
     కాని కోయిల కూ... అని పాడబోతే ‘బెక బెక’ అనే శబ్దం వచ్చింది.
     కోయిల పాట కప్పకు రాలేదు కానీ కప్ప ‘బెక బెక’ మాత్రం కోయిల కొచ్చింది.
     తన గొంతు ఏమయిందోనని కోయిలకు భయం వేసింది.
     మొదటి పనిగా కప్పకు పాట నేర్పించే పని మానేసింది.

0 comments:

Post a Comment