LATEST UPDATES

25, ఫిబ్రవరి 2016, గురువారం

చాకలివాడి గాడిద - కథ

This is a simple translate button.

     ఒక చాకలివాడు గాడిదపైన బట్టల మూటవేసి, మూట మీద తన కొడుకును కూచోపెట్టి ఇంటికి బయలుదేరాడు.
     దారిలో కొందరు కలిశారు. వాళ్ళు గాడిద మీద కూర్చున్న కొడుకుతో ‘‘ఏమయ్యా........ ముసలి తండ్రిని నడిపిస్తూ నువ్వు గాడిద పైన ఎక్కావా?’’ అని తిట్టారు.
     వెంటనే అతను గాడిద దిగి తండ్రిని కూర్చోపెట్టి తాను నడవసాగాడు.
     మరికొంత దూరం వెళ్ళే సరికి ఇంకెవరో ఎదురయ్యి తండ్రితో ‘‘ ఏమయ్యా! చిన్న  పిల్లవాణ్ణి నడిపిస్తూ నువ్వు గాడిద ఎక్కుతావా?’’ అన్నారు.
     తండ్రి మళ్ళీ కొడుకును తనతోపాటు గాడిద మీ కూచోపెట్టుకొని వెళ్ళసాగాడు. అంతలోనే కొందరు. ఎదురుపడ్డారు.
     ‘‘ఏమయ్యా! మీకు బుద్ధి ఉందా! బక్క చిక్కినా గాడిద మీద బట్టల మూటతో పాటు మీరిద్దరూ ఎక్కుతారా? మీరసలు మనుషులేనా?’’ అని తిట్టారు.

     వాళ్ళిద్దరూ ఏం చెయ్యాలో పాలుపోలేదు. చివరికి ఇద్దరూ కలిసి గాడిద కాళ్ళు కట్టి కర్రకు వేలాడదీసి నడవసాగారు.
     ఈ వింత చూస్తూ దారిలో వాళ్ళు అల్లరి చేయసాగారు.
     ఆ అల్లరికి గాడిత బెదిరిపోయింది. అటు ఇటు గింజుకొని తాళ్ళు తెంపుకొని పరుగు పెట్టింది.
     తండ్రీ కొడుకులు బాధపడుతూ గాడిదను వెతకడానికి బయలుదేరారు.

0 కామెంట్‌లు:

కామెంట్‌ను పోస్ట్ చేయండి