సందేహాలు - సమాధానాలు

సందేహాలు - సమాధానాలు

1. ప్రశ్న:

DSC లో స్థానికేతర అభ్యర్థులను ఎలా సెలెక్ట్ చేస్తారు?

జవాబు:

నింపవలసిన ఖాళీలలో ఓపెన్ కాంపిటీషన్ కింద మొదట 20% ఖాళీలను నింపిన తర్వాత మిగిలిన 80% ఖాళీలను కేవలం స్థానిక అభ్యర్థులను మాత్రమే మెరిట్ మరియు రిజర్వేషన్లు ప్రాతిపదికగా ఎంపిక చేస్తారు.

20% ఖాళీలను ఓపెన్ కాంపిటీషన్ ద్వారా అనగా మెరిట్ ప్రాతిపదికగా స్థానిక మరియు స్థానికేతరులను ఉమ్మడిగా పరిగణనలోకి తీసుకొని ఎంపిక చేయాలి. ఆ విధంగా ఓపెన్ కాంపిటీషన్ ద్వారా అభ్యర్థులను ఎంపిక చేసేటప్పుడు కూడా ఆ 20% ఖాళీలకు ఏ ఏ రోస్టర్ పాయింట్లు వర్తిస్తాయా చూసి,ఆయా రోస్టర్ పాయింట్లకు సరిపడ అభ్యర్థులను మాత్రమే ఎంపిక చేయాలి.

స్థానికేతర అభ్యర్థులకు ప్రత్యేక కేటాయింపు ఏది లేదు. ఓపెన్ కాంపిటీషన్ కింద మాత్రమే వారు పరిగణింపబడతారు.

2. ప్రశ్న:

రిలింక్విష్ ఇవ్వటం అంటే ఏమిటి?

జవాబు:

రిలింక్విష్ అంటే పదోన్నతిని నిరాకరించడం. ప్రమోషన్ శాశ్వతంగా నిరాకరిస్తే స్కూల్ అసిస్టెంట్ క్యాడర్ లో 12 ఇయర్స్ స్కేల్ ఇవ్వబడదు. ఒకవేళ అప్పటికే 12 ఇయర్స్ స్కేల్ పొందుతూ ఉంటే 24 ఇయర్స్ స్కేల్ ఇవ్వరు.

3. ప్రశ్న:

ఉద్యోగి ఆత్మహత్య చేసుకుంటే పరిస్థితి ఏమిటీ?

జవాబు:

మెమో.41758 తేదీ:19.07.2007 ప్రకారం ఉద్యోగి ఆత్మహత్య చేసుకుంటే వారసుడికి కారుణ్య నియామకం కింద ఉద్యోగం ఇస్తారు.

4. ప్రశ్న:

ఒక కన్ను కనబడే ఉద్యోగికి కన్వేయన్స్ ఎలవెన్స్ పొందే అవకాశం ఉన్నదా ?

జవాబు:

లేదు

5. ప్రశ్న:

నేను SGTగా పనిచేయుచూ 2015 - 16 సం.లో  B.Ed Onduty పై చేసితిని. కాకతీయ విశ్శవిద్యాలయం నిబంధనల మేరకు ఏప్రిల్ 26 నుండి మే 18 వరకు మరియు జూన్ 2 నుండి జూన్ 11 వరకు బి.ఎడ్ కాలేజీలో తరగతులకు హాజరైనందున సంపాదిత సెలవులకు అర్హత ఉన్నదా ?

జవాబు:

మీరు డెప్యుటేషన్ మీద B.Ed చేసినారు. డెప్యుటేషన్ లో తరగతులకు హాజరైనందున ఆర్జిత సెలవు యివ్వబడవు.